¹ Ku uyesu zwi te, uwa kye tsutsu nu ujaliko ne te. ² Uni de me avala gede Uzakka te, u ni gadu gagu u gine nya gibe te. ³ Wa ye gede nne a pa n go,a uvu uyesu me, nde wawa,a pa ne gadu ne la, se bo ka gede wa,a kye la. ⁴ U tsa kyi ne bani gazugee gii wo go uki ya adiliku gede ba,a kye a tsutsu ne neye ne. ⁵ Ku uyesu ne nu neye te, u nyine nki pa uga,a gede Uzakka, si,e kyekye me gede ma,a gee gam kye nye n nyeme. ⁶ Umo de si bilibili u wa la tsu ne imoa na ne. ⁷ Ku bani pa te te, nba,a za a ge gede wa gee gam ko uni aka ibibi. ⁸ Uzakka li ke u ge uyesu gede, pa ga tsi iva ya ibe me nnya te n gyi bani litole tsi, nde n ga gyine li alibi ya uni de ma gya ino yaniya. ⁹ Uyesu ga gede n nyeme ga na zwi gam kye gye, na vu ubyi wo Ibilayi. ¹⁰ Nde ubyi wo ni, be ga ye, se gase, bani me a vuvu te. ¹¹ Ku nba wu ibe me te, u tsitsi a gee leka naba ne ni akizi ne, nba ni me gede litse ko Ada wa bye kyekye. ¹² Nna u gaba gede gyine u ni de wa lima ki gye tuzu na likpa ne gi wa ye,e litse ka,a nki gyi wa gyi ni akole gi . ¹³ v 13 U vala babyi ya gatime kana, ubo u giba pam ubo ugaba gede nyine, a ga li gyi gyi tse gi n ma be. ¹⁴ bani ile ya na gya nba,a kye aka nu lutu kana gede niba a wulu gi uni me avu ni ba la. ¹⁵ U yi gede ku ba wa ga ko legi uwa wa litse la te, u vala babyi ya gatime kana me u giba iku te, giwa kpu uliba me nba wa ni gigi gali te. ¹⁶ Uni yan gbogbo be u gede uyesu upam ubo me nya gin te, n wa upam ubo ba gapa. ¹⁷ Uni alimaki ga,a gede n gba ubyi sele, gabo gede na nya ubagasikiya nu ibe ge nyi, na bee gavu litse ka ile ubo. ¹⁸ Uni wavuva be u gede uyesu, upam ito me nna gime te, n gini wa ito nu gapa. ¹⁹ Uni alimaki ga,a gede na vu ile ito. ²⁰ Uni de gini be ana u gede uyesu, niya te, upam me nna gimi te n woya sesele nu guge. ²¹ Nami ma mo nzeze gede na vu uni ibe gazi, na,a li ugu la nna wa, tse gi a ba gede na zu. ²² Uni alimaki ga,a gede ni la ka kye nye ga gee ma,a kye iwa nye ubyi bibi. na ni me gede nami nvu uni ibe gazi go, uni gawa ba,a liye ga me, ko uni ga tse ba ga zu. ²³ N gye n na dami iku yami nu ubaki la, gi n gima ba ko le gi ma gu bami nu uluba ne la? ²⁴ Uni alimaki ge bani me a li ke gyengye te, gede nyine a gu a ki ba gi a gii uni me u nya upam ubo te. ²⁵ Nba ge uyesu gede u nya upam ubo. ²⁶ ma,a gee ne nde uni me u nya, a gine a nya a gbunu moa kuma, nde uni me uwa nya la, se ime u nya te a gu kya. ²⁷ Nde bani ibibi yami me, nba ye gede a wumi a pe ba la te, bane ba gi nyine a wo ba ni gagu ka mi. ²⁸ Utu me u ge ibe me te, u gine a gee uliselima. ²⁹ U yi gede, ku be tsutsu nu ubatifaji nu ubatiya nu gapa ka lugu me avala gede. ³⁰ N nyine gee gule kye gume uyi nu gazuge kene te n nyine zwi gine a pa uzaki me a gu,a paa be la te, bana,a vomi. ³¹ Nde uni me ubye ne ga,a gede uyesu u wa ye,a. ³² Bani me n neba te, gee nba pa uzanki ka se gaba. ³³ Ken ba sa,a bana,a te, unawa bi ba, n gye nyi n gine a bana uzanki? ³⁴ Nba gede uyesu uwa ye. ³⁵ Nba bana vo, nba,a zi ge yaba nu gapa ko uzanki nba ba uyesu nmo, ³⁶ Ku wage te, nba,a zi n gye yaba nu tuwezi. ³⁷ Ku bana tsutsu naye te, nu lugu ko uzatu nne gbi batsagba ya na nba gwo nba me imoa na nba su liye ko uyesu na ntsi ne sobo ko ibe yo umamaki me a pate. ³⁸ U anebalika yeliye gede a me ugomo me uwa be nu liye ko Ada, liyesi na kyi, nu uyaba ne na kyi. ³⁹ Nde ifalisiyawa nu gadu gede umali, me batsagba ya nye me ukana. ⁴⁰ Uyesu gede, nde ibe me iyi kpo iku ya gi nyi. ⁴¹ Ku uyesu ba tsutsu ile ye te, ugi guyi gabo ko ile ye. ⁴² Ugede, nde na kpu kili nu uzu wa nyime, ko se nye, ibe me ya nya liyesi te, Nde nne wo iyapo ye nyi ⁴³ Uzu wa be be a tu,e me,e nbani ibibi ya nye ba,a me guvu a gine a gwo, se nonono, nba gine a pale nonono ⁴⁴ Ba gine a sine tize se babyi ya nye ko se nye. Ba,a gini anabo uku de nu gapa ko u de la, gabo ka,a gede na zaba la, utu me uyesu ye, gede n na se te. ⁴⁵ Uyesu zwi gi nye ko aduwa uvala ga gu bani me a zu ne ibe te. ⁴⁶ Wa gaba gede, gam kana u vu n ni upye ga gi, nde n ne na gine n ni iku ga ye. ⁴⁷ Ku uyesu atsini guyapoku guyaoku nu aduwa te. Bagamo Ifalisiya se bani gaka ko se bani litse gavo yabani, nba,a ye gede bawu uyesu. ⁴⁸ Nde ba wa utuwezi la, gabo gede bani gbi de gutakpu kaba nu ube mee uwa ge te.