¹ Nne u ge ba lika, ne akizi ne ken ba,a na gyi ipye te, gi baka de nzeze la. ² Nu gyi nyi ka ile de u ni iwa ga kede me uwa mo nzeze ya bani la te. ³ Nu gi gye ka ile ye u nyine de me ubana na netsi te, u ga,a gede dami ibo gi na kemi iwa sele nu uni vuva mi ⁴ Nde u gede nami ma fulu aba usigapa ko bani la, nde beli gi nma debo ⁵ Gede u nyine me anabon la bali gi ma gya gi u ka be gala. ⁶ Nne uyesu gede, de gu ta kpu awu u beme u ni, iwa ga ke ge te. ⁷ A vu uyesu u wa tsi iwa yo uni me u gi guyi nu uzu ko nu u tu ne te la, wa gigi gbogbo la. ⁸ Nde wa pa ba keke, nu ga yi te pa,a uyesu ada u bebe wa tu ubagasikiya? ⁹ U gi ne ga lika ne akizi ne nu lutu ko bani mee nba gbunu te iwu ya ba gede ni ba yi tsa pe bani kiki. ¹⁰ Ba bee va de lika go aduwa gi ba gi upye u de a ba vu ufalisiya, u de vu uni gandu ga gu. ¹¹ U falisiya like u gi upye u gede usigapa n gode me n ma yi ka ko bani me la te, bani ibe ga yi, bani ga yi tsa la, bani beyene ya bani gaye, se uni gandu ga gu me. ¹² Nami ma,a moa li me kale iva nu usati de n gine ma,a fune uzaka mi ni gbi ibe me n wa. ¹³ Nde ufalisi me wa like ne i yapo pa nki tse la u gede usigapa pa gunu gba kami, uni bibi. ¹⁴ Kyekye uni me gee gam kana uwa me imoa na ki bani kiki gabo gede uni me u wa go ne iwu yana, a si ne sisi ne, nde uni me u si ne iwu yana sisi ne a go ne,a. ¹⁵ Kyekye n bani a bene babyi yaba gi u wa daba te, n batsagba yana maba ikana. ¹⁶ Uyesu vala ba ne iwu ya na ne u gede nyine aka gye ba la gbaba gi n ba be uwezami, gede neba avu gam kami. ¹⁷ Lika tii n ma,a gee ne, uni me u wa gu ba nu tuwezi kan ko me la, wawa gam kana azu la. ¹⁸ Uni litse ga vu bya,a u gede uni sele mame gu ne me gi nma wa ulayi wa utu wa ga bye? ¹⁹ Uyesu ga gede n gye yi n na,a vala mi uni sele, gugu avu uni sele la se Ada kili. ²⁰ N gye na kpu ibe izizi, ka ye u nyine wa uni de la, ka,a wu uni la, ka,a yi ibe la, ka,a wulu lika ka,a a mi la, fulu ba ada se uma uma nyi. ²¹ Uni litse gede, gbi ibe me, n fulu baya ken ma likye te. ²² Ko uyesu wo tete, u ga,a gede u be de kye wa, gaga za gbi ibe me n na nya te, gi bani me a nya la te, gi nna nya ibe ni nki gi ana ba bam. ²³ Nde ku uni litse wu te te, iye yana na gi, gabo ka,a gede u nya gi be. ²⁴ Ku uyesu pa ku iye yana ne gi te u gede wa,a vu liye gi uni gibe awa gam ko Usigapa. V 25 Nde wa kaka ki gyi u laku mi a zwi iyapo yo ugeza gi uni me u nya gibe te a wa gamko usigapa la. ²⁶ N bani me a wo te te, nba gede, n go u wa na. ²⁷ Uyesu gede, nu uweza bani wayi te la, nde nu uyesu wayi te. ²⁸ Ubitulusu gede nii mee i nabo gege gbi iya be,e te pa. ²⁹ Uyesu gaba gede kukwasi ma ge ne a gya uni de, me u nabo gami, ko u nyine,ko bani ko, bani ye nye ko babyi ki, gabo ko gam ko usigapa. ³⁰ N gwu u ka wa ibe moa nu gase la te, se gase gume u wa bete ulayi wo gbogbo gee. ³¹ Utu me u gbagba vala ba gu ubone iva te u gede, ya ge ne uliselima ni ibe gbi me u anebi ka nu lutu ko ubyi wo uni te, ya yi te. ³² A bene avu bani kiki gi ba ma,a a gbo gi agine a fu,a a nya liye koma. N ba,a gama ga lu,a ba wa. Nu izi ta wa likye. ³⁴ Nde ba kpu ibe me la, n lika gume ne wo ba, n ba gbo ibe me iya ge te la. ³⁵ Ku utu a nu te, uyesu tsutsu nu ujaliko ne te, u vayapo de dende tsutsu ne tuwesi ne u wa be ibe. ³⁶ Nne u wo wu lika ne gadu ne a kye, u gede nya yi? ³⁷ Nba ga gede uyesu wo naza le u wa ke. ³⁸ U va yapo gi guyi u gede uyesu ubyi wa david, pa gunu gba kami. ³⁹ N bani me a tutu zu a gee te, ma,a ukana gede ya yi kpo. Nde u wa gi guyi moa a pe te, ubyi wa david pa gunu gba ka mi. ⁴⁰ Uyesu gen ge u gaba gede ba nene a uwe za n na. utu me uwa tsutsu te, yesu bya. ⁴¹ N nye ne ye gede ma me, u gede, Ada ma ye gede ma pa n nekye. ⁴² Uyesu gede, wa ga pa neki. Ubagasikiya nye see be. ⁴³ Fune, u wa ga pa nne u wa tsi ni usigapa imoa na gbi bani kiki nba pa te, nba tsi ni imoa na nu Ada ne.