¹ Uyesu gé batsagba yana gédẹ, ănya ibemẹ iye bene gé pili a vo banị tẹ, nde aliwade nyẹ mẹ ibeiye si tịzẹ ni lutu kẹnyẹ té. ² We pe gédẹ a kyé ligo ni uto, gi'a tseăa dẹ ni uzọ, tse gi wa be ne ge pili evo isugelikyé. ³ Nyinẹ'a nyiné iwụ yẹnẹ, unịkọ yẹnyẹ umẹ lika ibibi, nya ma'a ukana, ufuba nya cna mọ'a. ⁴ Umẹ lika ubibi, kẹlẹ tọva, ni uzu Udé-dé, ugini kolegi kẹlẹ tọva, gédẹ nya mọmi, nya na'a mọ'a. ⁵ Batsagba gé Ada unịkpukpu gédẹ, giyi ntsi ya ubangaskiya peté. ⁶ Usigapa géba, nde nyine'a nya ubangaskiya kanko ibe kwọ ya umasted, nye'agé uki unukpụ-kpụ gédẹ su ki nnémẹ, ginya gé si ni uzọ, wa fulu' abaẹ? ⁷ Nde ngọ iginyẹ ksnẹ u nya ubyi ya gatimẹ, ume wa ma gitẹ, ugina pa ibe ịkpa-kpa yana té, u wa'a ga gédẹ, nyé'akolegi ni gatimẹ abe, be bili aba dẹndẹ gi ya libe? ⁸ A vu wa'a ga gédẹ, nyẹ kolegi be, mẹ ibe ilili dẹ gimi gima li, gini kwọ ubante, nyẹ'a gini amẹmi gatimẹ gbo-gbo gima li, gima wũ ebye. Tse ginyẹ alị, nnye'awu? ⁹ Wa'a yaba ubyi ya gatimẹ la gebo gédẹ ume ibeme aga'a gédẹ wa me te, ume ya? ¹⁰ Si nye du, nya mme gyengye me agéde nya me te, nya gédẹ ya vu gyengye la. I si me gatime gume ugọ gédẹ ya me te. ¹¹ Unu utu mẹ Usigapa gé ulise lima, ta uki gẹẹ atu gebye ka Usamariya ni ugalịlị nẹ. ¹² kụ wa zwi ile dẹ té, banị ikpụtụrụ dẹ belóló ube,mbe gyengyen ni likpa ne. ¹³ Nbe gone gule, mba gédẹ, "Uyesu ugẹngyẹ, pa gunugba kayi. ¹⁴ U pa ba, u géba géba, nyinẹa agẹẹ ni itsa-gbani ginyinẹa a tsini iwụ yẹnẹ. ni ginyẹ ka tuzụ kaba nba wa gasẹẹ. ¹⁵ Udé ni ginyẹ kaba pa gédẹ, nina wa gasẹẹ u ko legi be, ni nnẹ yana nẹ, uwa yaba Usigapa. ¹⁶ U dẹndẹ ni nnẹda ya Uyesu uwa mẹ ugodiya. u vu samariya. ¹⁷ Uyesu gé'a gédẹ, "Avu ubo nnyine wa gasẹẹ na? Tọnọ le nnono? ¹⁸ Gọngọ aba akolegi ba yaba liyẹ ka Usigapa la, unịza kili ukolegi?" ¹⁹ Ugé'a, likye nnya gẹẹ ubangaskiya nyẹ nẹ sẹẹ kele be. ²⁰ Ibafarisi byịligé gédẹ ekino ubyi ya Usigapa wa be, Uyesu gédẹ, gebe ka Usigapa anya ga dẹndẹ pụ la. ²¹ Agini a génẹ, nnyẹmẹ ko equle la. Pa, ge be ka Usigapa yi nu weze' ana." ²² U gé batsagba yana gédẹ, "Utu webe lii ume nya ye gédẹ nya pa uzu ya byi wó Usigapa té, ndé nya pa la. ²³ Agini agé gédẹ, pannéyẹ! pannémẹ! Nde ka tsaki baya la. ²⁴ Gi giwa asa'a kUU nnéki, asa'a pa nnonono ya gasẹ gumé, té n gébye kọ ubyi wa Usigapa wa yi. ²⁵ Ndé tse gi wa yité wa pa liyé ni banị gasẹ gumẹnẹ, nẹ ba gi'a kala, ,kụ usi yi ni utu wa unufu nẹtẹ. ²⁶ Te usia yi ni ge bye ka ubyi wa Usigapa nẹ. ²⁷ Ba li,nbe wũ, nba kyé gamvo, ba mẹ gapya, utu wa unufu ni duba du-du unufu zwi gukpa ka uzo kiba, ugbọ unụkpụ-kpụnki ba zinẹ ba gẹnẹ. ²⁸ Usigini yité utu wa uloti, ba li, nbe wụ ba li gyenyẹ ba mẹ ntẹẹ nba gine mé aza. ²⁹ Utu mẹ uloti fu ki usodum, giwa nukpu-kpunki si ni nki u duba. ³⁰ Ni gasyité tẹ, ku sayi ,ni gebe ka byi ya Usigapa ne te, ueé. ³¹ Ni utụ yẹ unime uba ni nki ya guză uka si teze géde ni na esu ibe yana la, unime udẹ ni uno uka be gami la. ³² Nyinẹ té lika ka unyine ya uloti. ³³ Unimẹ ye ulayi ana wa wạla, unimẹ wa ye ulayi la, wă wa. ³⁴ Ma'a génẹ ni utũyẹ banị iva eze bala asu udé eki udé eki udé. ³⁵ Benyine iva ă kó ibe asu udé eki udé. ³⁶ A pa banị iva nũ uno asu udé eki udé. ³⁷ Batsagba bi Usigapa gédẹ "nnono? U géba gédẹ. "Ne me nguwu pa zi te, néyẹ igulunbye ya go.