¹ Uyesu gé batsagba yana gédẹ unị gibe gudé, unya uni gibe kana ga pa, uwa mẹ kpasa-kpasa nu gibe kana nẹ. ² U é'a gede lika guno nmẹ wu ni lutu té? gé ibemẹ nya mẹ ni gatimẹ kẹnyẹ té gédẹ nya vu unị gatimẹ kami ga la. ³ Unị gibe ga pa gumẹ gé iwụ yana gédẹ ngye nma mẹ mma bi ga kulu amẹ gitẹ la azi, ginite amó mi ni gibe gaba. ⁴ Ugé iwu yana gédẹ nkpụ ubemẹ nma mẹ té li, nde abe fune mi nu gatimẹ ma wa gagu nu gegu ka banị. ⁵ U vala banị mẹ nbe vo guta ka unị gami kana nẹ té guta kẹnye vu gunẹ? ⁶ Ugé'a gédẹ ipẹm pẹm ya banị kpakụ, ngu utka lada ka gédẹ kuri. ⁷ Nnyẹ pa gunẹ uga gédẹ igbufu kpakụ ya alikama, ngu utakalada gi nya ka uboubo tata. ⁸ Unị gibe gapa gumẹ uwa uliba wa lika bibi kana gamẹ. Bebyi ya gasẹ gumẹ bă ba banu ya gasẹ, giba wa uliba wa uliba wa gasẹ. ⁹ Ma gẹnẹ gédẹ, nyinẹ'a ka su belobelo nu gibe ka gasẹ nẹ la gebo ka ga gédẹ gibe ka gasẹgumẹ ibe bye nyinẹ'a wa gami usele. ¹⁰ Lika sele kweki uvu lika sele umwa lika bibi kweki uvu lika bibi umọ ¹¹ Nyinẹ'a me lika sele ni iku ya gasẹ gumẹ nẹ la, ngọ wa yaba nẹ ni iku pilili? ¹² Nyinẹ'a mẹ lika sele n gibe ka unịva nẹ la, ngwo wa génẹ gibẹ ka iwụ ya na nẹ. ¹³ Ubyi ya gatumẹ ka ba adagami iva la, wa ba udé wa nabo udẹ, nté nya ba udé wa nabo udé, nté wa fulu aba udé gi wa nabo udé, nya ba Usigaba nya gina ba gibe la. ¹⁴ Ifarasi mẹ ba bạ lika ka iku té, wute mba da uwulu. ¹⁵ Usigapa géba gédẹ nyinẹ a yaba iwụyẹnẹ nde nkpụ iye yẹnẹ ibemẹ nbanịa yaba yayé ivu ibibisa nu gegu ka mi. ¹⁶ Ibezịzị ni lika ka Annabi nẹ nẹ ya yi agẹẹ gebye ka Uyahaya banị be wũ lika ka Usigapa ni utuyẹ giba tsu a mwa. ¹⁷ Nki ni tịzẹ nẹ ba kyẹ nde lika ka Usigapa Ugẹnyi wa kyẹla. ¹⁸ Unịmẹ nabo unyine unị ikilaki nya gini vo unyinẹ nănăbo nya mẹ ikilaki té. ¹⁹ Anya unị gibe ni tịzẹ gudẹ wa mẹ ubemẹ ubanté ni gibe kana nẹ. ²⁰ A nya unị gibe ga ba avale gede uliyazulu uzi ni ganu ka ukpaiki ya unịgibe ni inaba nẹ nu gụwụpa kana, ²¹ uliya zulu wa li ibe lili mẹ ikyẹ ibo nu utebulu wa ni gibe gumẹ té, gi ginyẹ kana wa lele mbiki be be lă inaba, gebo ka guba ka ibelili. ²² Uliyazulu tsi, imaleika be suă gẹnẹ ni ibelayi, unị gibe tsi a pụă, ²³ wa pa liye ni gami ka giwa. U likyene iyapụ u pa ibelayi ni likpă ni uliyasulu nẹ ni gegu kana. ²⁴ Wa gi gunyi gbó gédẹ. Ada ibelayi pa gunugba kami, gi nyẹ uliya zulu wa dẹ gunebi kana ni uzọ gi wa wolo a tami ni gakule gédẹ ma pa liyé ni gami ka giwa lii. ²⁵ Nde ibelayi gédẹ ubyi, té gédẹ nu ntu wa nifẹ nya pa ibe sesele, uliyazulu wa pa liyé wa wạ guyitsa, nyẹ-nya pa liyẹ té. ²⁶ Tẹ du la anya ugye umẹ uyi té, anya ni gakejẹ be woze nyẹ la. ²⁷ Unị gibe gédẹ. 'Ada ibilayi tsuku-tsuku né gitẹ ni gami ka Ada mi. ²⁸ Gédẹ nnya banị kọo belóló itọ gédẹ wa gé lika a leba gi ba ka pa liyé gumẹ la.' ²⁹ Ibilayi gé gédẹ anya umusa ni Annabi nẹ nẹ, be wuba. ³⁰ Uni gibe gé Ada ibilayi a'a unịmẹ u tsi be té u gẹẹ be,wuă giba tuba. ³¹ Nde ibilayi gé gédẹ, ge wu lika ka Umusa ni Annabi nẹ nẹ la. lika ka unị tsi-tsi wa zu ba la.