¹ Ba ni igendu ga gu si bani akaibi be gi ba be wu lika gime Uyesu a gẹ tẹ. ² Ifarasis si ba ni ibe ga ka le agbula gede "Unume de ni bani aka ibibi ne, ugi ni a li ibe ni ba ne." ³ Uyesu ta giba gede, ⁴ nya nya ene ni gedu ne, u-dode ni bubu, nya nabo ime i le lubo-lubo te hgi nya ga ye udode ye na? ⁵ Gi u gani ume u bubu te pa, wa vo'a ni ase ni liyesi ne e bbene gami. ⁶ U ba nu gami, wa vala ba-da si ba ni kiki yana gi wa ge ba gede 'nyine a de mi mwana ga me gede m pa fune ka mi gume u gima ni bubu te be' ⁷ Ko ni nki, liyesi yi gebo ka unime u nabo aka ibibi te pe khi uyi ni lutu ka ba ni sensele ne. ⁸ Ko unyine uno u wa nya ikobo ubo gi ude u pili e zwi gubi gi uka ta giwa e ye'a la? ⁹ U ba ni'a pa, wa vala bani, gi wa ge ba gede 'nyine a de mi mwana ga me gede m pa iku yami me i gima ni bubu te. ¹⁰ Site, liyesi yi ni gegu ka imaleku ya Usigapa gebo ka uni dude me u gini tuzu kana te. ¹¹ Uyesu gede "Unude nya bebi iva, ¹² nyine u-kiki ye ge ada aba gede, 'Ada, fune gibe gume uvu wami te gi mi.' Ada ye za, u-fune gibe ka na gia . ¹³ A wa izi iva, u-bi ye kwu gibe kana gbii ge kana tize gude ni likpa ne, ve, v ga gbasa gibe guye kele. ¹⁴ tu me u ba ni gyẹngyẹ yana li gbii te, n time sesse zwi tize guye , nyine u wa ye ube me wa lite. ¹⁵ U gana me gatime ka ukpo a gi unide, u-nawa ne'a gede u gana pu igulusu ni vno. ¹⁶ Lime a wulu gi'a la, nyine u-wa li ibe-ilili ya igulusu, gebo gede gongwo a gi'a ube ulili la. ¹⁷ Tu me iwu ba ku'a te, u gede, Ada ami bani me n ba me ukpo a gi ada ami te, ba li ibe a tsi ba, gi igini e ki ka ba, gi lime a wu mi ni nneme la! ¹⁸ Ma'a ge ada ami gédẹ ada, n me nki lika bibi, n gini me'e lika bibi. ¹⁹ ma tsi gede a vala mi gede ubi enye la, gu mi gi ma a'me ukpo ma gi'ẹ. ²⁰ U bi ye like ge ile yaba, Ada'ana ba gwo yapu na'ane ni likpa-likpa, ẹye si'a, u fu gone'a u me'a nnaba. ²¹ U bi ye ga ada gede, 'Ada, n me nki lika ubibi, n gini me'e aka bibi, ma tsi gede a vala mi gede ubi'enye la.' ²² Ada ye ge babi ya gatime kana gédẹ nyine e bene utogo, si adaba ni ukpana me i iyeliye pe te gi nyine a daa niya. ²³ G i nyine a mo fune gume u pe te, gi nyine a wu'a gi ya li ya nyi-nyi. ²⁴ Gebo gede ubi' ami gima ni tsi nde u gini like be. Ugima ni bubu nde ani'a wa be.' Nyine n ba si topo gapya game. ²⁵ Ubi ganibo guye gi ma de a kpa izikpa ni unoda. U be be tsutsu ni gami ne, uwu ke e gi-ibe e zi-imu. ²⁶ U vala ubi wa gatime ka ba, u bia gede ngye i yi n bani e zi imu? ²⁷ Ubi a gatime guye ga gede uniko enye be gami gi ada'ene wu fune nu kpukpu gebo gede ube kpala.' ²⁸ Ipisi me ubi ganibo guye, u gye gami ga zwi, nyine ada ana fu ga ku'a tize. ²⁹ Nde ubi ye ge ada ana gede, pa gbogbo n ma me lifo ma gi'e me te, ma vu ibe izizi ya nye pa be la, nde nya mo fubu gimi gede ma me gapya ni ba-da ami ne pa be la. ³⁰ Nde ubi enye me u kwu gibe ka nye ga ye banyine te ba kolegi be, n nye wu fune uni kpukpu gi'a. ³¹ Ada ana gaa gédẹ, 'Ubi, nya de nim ne, ibeme ivu yami te si vu ya nye. ³² Nde u gwe gédẹ ya me gapya gebo ka ukiki enye me u gima ni tsi u gini like me te, u gima ni bubu nde ani'a wa be.