¹ ni uzu wo usati mde ne, Uyesu ge ibe ga lini gam ka uganibo ka ifarasis, n ba si'a nyine Uyesu. ² Unide me u nya liba ukye-kye ge te de no gezuge ka na. ³ Uyesu bi bani me n ba kpu ibe-izizi ya ifarasis tsim te gede " U gwo gete a sẹẹ uni ni uzu wa usati ne?" ⁴ Nde ba kye'a ganu la. Uyesu mo uniye, u se'a, u ge'a gede, waa ge kana. ⁵ U bi ba gede " Ngo ni ginye ké ẹnẹ, ubyi ana ko fune kana e pili a zwi ugye ni uzu wa usati ni uzu wa usati ne gi wa ka fune'a la? ⁶ Ba bi lika guye ga gine la ⁷ Uyesu ba gede bani me a mye ba te ga dende ni aki inkpukpu. u ta akiza gi ba gede. ⁸ "A myẹẹ ene gene gapya ka gam vo, nyine aka ga dende ni nni ga-nde ka itinibo la, gede dika te a gini mye unide me u pẹ'ẹ te li. ⁹ Uni me u-mye ene te ubaa be, waa ge'e gede van gi uni me nneki nyine, nyaa ga dende ni guki ubyibyi gi azi a mo'e. ¹⁰ Nde a-mye ene gapya, nyine a-ga dende ni guki gume u-yi genyi te, gi uni gapya guye ubebe ea gaene gate, 'pa de, like go guki nukpukpu! Nyine, nya ni vu uni-unikpu ni ni yapu ya bani me n ba ta'e gi gwo nni neye te. ¹¹ Gebo gede, unume u wa gone iwu yana te, bani ana fulu a baa la, nde ana fulu a ba unime viva su iwu yana zi gyẹngyẹ late. ¹² Uyesu gini ge unume u vala ba bene gapya guye te gede "Etekime n nya nya ga-li ni ga-wa ne ka mye bani iku ni ba nikwo ya enye ne si bani si bani me mba tsutsu nene te ni bani gibe kili la nte ba ba myeé gi nya ga gbu guta. ¹³ Nde etekime n nya nya ga-li ni ga-li ne, mye tipata, si ivayapu ni ikputulu ne. ¹⁴ Gi Usigapa a de'e anibalika gebo gede ba bi guta ga gbu'e la." ¹⁵ Unide ni guye ka ba ni me mba dende ni guki ni Uyesu ne te wu aka iye, u ga uyesu gede, "Unume u ba wa ibe li ni nki, nte uwa anibalika." ¹⁶ Nde Uyesu gaa gẹdẹ, unu de me ibe-ilili bele, u mye bani ni gedu ne. ¹⁷ Ibe-ilili ye ba ni nu ga-li, u-ne ubyi wa gatime kana gédẹ 'ba' eba gédẹ ibe-ilili me be. ¹⁸ Nyine n bani yene gbi si gana ele agbula, ude gédẹ "n si tise gude li, ugwo gédẹ n ga paa, gebo guye te ma wa ga ge la." ¹⁹ Ude gini gaa gédẹ n si ivaka uto li, maa gene ba gi li abi, ma wa ga ge la.' ²⁰ Ude gini gaa gede. 'N su unyine ga vo te ma wa ga ge la. ²¹ Ubi wa gaatime ka uniye ga gas gite te, ipisi maa, u ge ubi a gatime kana gédẹ wa fu gase, u ga vala tipata, si ikputulu ni iva-yapu ne si ba ni litolotsi bene.' ²² Ubi'a gatime kana gine'a gede' 'uganibo, n guzi mye ba bene be nde ibe-ilili ye a tsitsi me-nse be la.' ²³ Uni gam ginoi ne ubi'a gatime gime gede wa ge ganu ka itimozi ini kpukpu, si nni ga-gwo-ga-gwo, gi unime usi tsi gwo'a, wa vaka e bene gi ibe ilili ye a wa ga li. ²⁴ Gebo gédẹ, gbii ba ni me n mye te a da ibe-ilili me ganu la. ²⁵ Ngedu si baa, u gi yapu, u geba gédẹ, ²⁶ "Uni me waa ba mi, wa gye iwu yana, si unyine'ana, si bebi yana, si ada ana ni mma ana ne, si bani kwo yana la wa vu utsagbani wa nina la. ²⁷ U nume wa e su ukyẹgapa wa iwu yana gi wa ba mi la, wa vu utsagbani ani la. ²⁸ N gwo ni ginye kẹne uwa aka ta bii la gi wa e go a ba guza ga me? ²⁹ Nte, u bani upwo si, uwa bi'a ga wu lutu la ba ni a daa wulu. ³⁰ Gédẹ, u niye gwo ba guza ga me te u ga bi'a la. ³¹ Lukọ u gwo ugomo uni isoza azava ni ugomo uni isoza wogba ne, wa gwo gede uni isoza azava wa wa pa a bii tse gi wa fu lukọ ni uni isoza wogba ye na? ³² Nte isoza ya gubwo giye isi ba tsutsu niba ne, baa gbasa ni aki ne. ³³ Gebo giye te, unume wa e'tse iye fene na, wa vu utsagbami a mi la. ³⁴ Ukatsi yeliye, nde li-munu kana uba ni fu ki'a, a me guneme gi uwa munu wa? ³⁵ Wa nya ga li ga la, asa'a e fene. Unume uwa wu atakpu, wa wu.