¹ Ni utu yẹ, n banị dẹ mẹ nba le ni nnẹ̀yẹ tẹ̀, gẹ̀ uyesu lika ka banị ugalili idẹ ume ̣ubilatu sẹẹ beyị kaba gbunu ibe ya upyẹ aba nẹ te. ² Uyesu gine ba gẹ̀de nyinẹ su gẹ̀de, banị yẹ mẹ liye tẹ, gebo gẹ̀de, niba nba vu banị aka ibibi pe go?. ³ Wa yi tẹ̀, la, nyinẹ wu. Nyïnẹ a nabo aka ibibi gamẹ la, nyinẹ si ,e zo te kele . ⁴ Go, nyinẹ su gẹ̀de, banị ubone tọta ya usiloam mẹ, nguza lili ba ba mba tsi tẹ, nya aka ibibi pe banị dika ni uliselima go? ⁵ Nnyi n gẹ̀de nyinẹ ẹ nebo aka ibib gamẹ la nyinẹ ẹ li gbyi. ⁶ Uyesu ta akizi giba gẹ̀de, unịde sị uki uwọwọ ni gite kana, uba gee nmo nde wa pa uwọwȯ dọde la. ⁷ Ugẹ unị gitẹ game guyẹ gẹ̀de, unị iye ita me mma e ye uwọwọ wa uki mẹ ma li, mma wala, te nba. Tsi ,a fene. Ngyẹ iyi nya gba ,a uni nnẹki tsi. ⁸ Unị gitẹ gamẹ guyẹ gẹ̀de, nabo,a ni uye mẹ, gima gba upọ ana ime le,a utaki ma pa. ⁹ Uba wọ ulayi to, nde uba wo laq tsi, fene. ¹⁰ Uyesu bana tsini ibe ni guza ka aduwa udẹ ni uzu wa usati nẹ. ¹¹ Unyinẹ udẹ mẹ udẹ nmọ te mẹ iye bonẹ tọta mẹ,ẹ u nya ulufu ubibisa mẹ uni a da nse tẹ, nnyinẹ uni gụ, gi wa bi ga gyẹngyẹ la. ¹² Uyesu pa,a ụ ge,a gẹ̀de, pa, liba kọ nyẹ ni bye nnyẹmẹ. ¹³ U ba gubọ, ụ si likye gyẹngyẹ kukwa, nnyinẹ u vini gi usigapa . ¹⁴ Ndẹ lika guyẹ ba uganibo ka aduwa yẹ baba, gebo gẹ̀dẹ uyi ni uzu wọ usatine. U ganibo guyẹ ge banị gẹ̀dẹ a nya uzu tseyi, nyinẹ ẹbẹ gi a sẹẹ ẹnẹ nte gọngọ aka be nnẹ mẹ ni uzu wa usati ne la. ¹⁵ Uyesu ginẹ gẹ̀dẹ banị ibibi izikpa yẹ ẹnẹ ana wú uzọ ni uzu wọ usati ne ̣na. ¹⁶ Ubyi wọ Ibilayi mẹ usetan na kwọ iyẹ ubonẹ tọta mẹ tẹ, wa gọ gẹ̀de, a ba , a ni uzu wọ usati nẹ na ¹⁷ Ugẹ tẹ byẹ azisimụ banị mẹ nba gima wụlụ na anẹ la tẹ, gbyí ndẹ gedu ka banị mẹ nba gwọ nmọ tẹ yi ni liyesi nẹ gẹ̀bo ka ubemẹ usigapa me tene. ¹⁸ Uyesu gẹ̀dẹ litsẹ ka usigapa yi gunẹ yi, ma,ẹ su,a ma mọ ni ngyẹnẹ. ¹⁹ Uyị kankọ ukwọ wọ masta mẹ unị tse zi ni mgbazi u kyẹ mo,a anaki a mẹ liyẹ ni igina yana. ²⁰ Ugini gede ma,e su litse ka nkí ma gwọ ni ngyẹ nẹ. ²¹ Uyi ga yi ka guya gumẹ ụ nyinẹ su,a lẹ ni ibe mo ,a, ndẹ uba me wa,a za a gwọ tẹ. ²² Kẹ uyesu a gẹẹ uliselima tẹ, uva ile ile utsini ba ibe. ²³ Unị dẹ gẹ,a gẹ̀dẹ, Ada bani me a see ba te e ledu na u gẹ̀ ba gẹ̀dẹ. ²⁴ Gbụ lụdụ gi nya zwi ni ukpaki u muki muki ye gebo gẹ̀dẹ n gẹ̀ ẹnẹ banị ni gedu nẹ a yẹ ga zwi ndẹ ba bi ga zwi la. ²⁵ Unị gami guyẹ uba niukpaki gụ ntẹ̀ nya e gyengye ni gasẹ e lụ ukpaki gẹ̀dẹ Ada, Ada, gigi i ya zwi we e ginẹ ẹnẹ gẹ̀dẹ ma kpu ẹnẹ la, ma kpu nnẹmẹ nyinẹ fu tẹ la. ²⁶ Nyinẹ nyinẹ gẹ̀dẹ i li i ginẹ wu ni gegu kọ nyẹ nya gini tsni yi ibe ni weze yi ²⁷ We,e ginẹ gẹ̀dẹ n ge ẹnẹ, ma kpu nnẹmẹ nnyinẹ fu tẹ la, nyinẹ e tsu te banị aka ibibi. ²⁸ V 28 Nyinẹ a gi gunyi a li ganu tu me nyinẹ a gwọ yapọ ni Ibilayi, Isaku, uyaku si gbyi anebi nẹ ni litsẹ ka nki ndẹ e tse ẹnẹ efẹnẹ. ²⁹ Ba efu ni gezusa, gẹ̀zuki gada ni gapa nẹ, gi ba dẹ̀ndẹ ni guki ni litsẹ ka usigapa. ³⁰ Pa banị me e su ba si gyẹngyẹ la te, a ba vu ya ngbọngbọ,banị me e su ba zi lika tẹ, a ba vu ya igii. ³¹ Etsu la, i ifalasi idẹ, ba ga,a gẹ̀dẹ gi ki nnẹmẹ ntẹ, Hilidus e yẹ a wu e lii. Uyesu gẹ̀dẹ nyinẹ a ga gẹ mgbege yẹ gẹ̀dẹ pa n fune banị unọ, n gini sẹẹ banị nnyẹme si egule, si uzu tita nyẹ ma,a me u bemẹ u lem. ³³ Kẹ usi ayi wa yi, n gọnẹ u gẹ̀dẹ ma me gatimẹ nnyẹmẹ, egule ni uzu utita nyẹ ne, kẹ a na wụlụ gẹ̀dẹ a wi anebi ni ile dika kọkọ ni uliselima nẹ la tẹ. ³⁴ Uliselima, Uliselima nyẹ wu anebi nya gini e tse banị me ,e nẹ bẹ bene babyi yẹ nyẹ lubo lubo kanko me n gutene si ana ku babyi yana a le ni mgbefe tẹ, ndẹ wa gọ gẹ̀dẹ, a mẹ ẹnẹ tẹ la. ³⁵ Pa gamike nyẹ vu azadu. N gẹ ene nyinẹ agini a pa mi gala. Ndẹ nyinẹ ba gẹdẹ anibalika vu ya Ada unikpukpu tse.