¹ Utu mẹ nbanị gọ mọ'a té, Uyesu topọ a gé batsagba yana gédẹ "Nyine a mẹ ankeli ni ifarasi nẹ, bani amii." ² Anya agé ime a tse'a gasẹ la té la, anya ibe ibobo mẹ akpa laté la. ³ Ube me nya gé'a ni gewo, awu'a gede-gede, ube mẹ nnya gé ni ginyẹ ka guza, a wu'a ni gapa ka guza. ⁴ Bada nyinẹ aga'a mọ nzinzẹ ya bani mẹ nba wụ gụwụpa, nde ba nya gyẹngyẹ a mẹ gala, té la. ⁵ N beli ma génẹ unị mẹ nnyine a mo nzinzẹ yana té. Mo nzinzẹ ya unị mẹ uwa wụ guwupa, gi wa gina a tse'e a zwine giwa té. I ngédẹ nyinẹ a mo nzinzẹ yana. ⁶ Ngédẹ ama zunə bebyi ya anaki i tọ, ipami iva? Anya udé yaba mẹ Usigapa ginẹ'a mọ'a té la. ⁷ tiyi ka lutu kẹnẹ ani yaza. Nyine aga mọ nzinzẹ la. Nyine nya a pami pe bebyi ya anaki. ⁸ Unị mẹ uwa mọ azi yami ni iyapụ ya banị la. Ubyi ya unị a mọ azi yana ni gegu ka imaleka yọ Usigapa. ⁹ Unị mẹ u mọ azi yami ni gegu ka banị, ma'a ọ azi yẹnyẹ ni gegu kọ imaleka. ¹⁰ Unị ugé aka ibibi ya ubyi ya unị, a na'a mo'a, nde unị mẹ ugé aka ibibi ya gumunn (ulufu) tsa a mọ'a la. ¹¹ bene nẹ, nni tuzugẹ, ni nni litsẹ nẹ, nyinẹ aga mé ke nyinẹ a fune iwụ yẹnnẹ té la, ko ube mé nnyinẹ a gé téla, ¹² gédẹ ulufu (gumunu) a tsene nẹ ube mẹ nnyinne a gẹ tẹ." ¹³ Unị dé ni gedu guyẹ, gé 'a gédẹ, " Umali, gé unịkọ yami gi za ikube yeyi a gimi." ¹⁴ Uyesu gé 'a gédẹ, Nyẹ, ngọ umẹ mi, unị iwa gatsị, ni weza ẹnẹ? ¹⁵ Ugé ba gédẹ, "Nyinẹ a mẹ ankeli ni iwụ yẹnẹ nẹ, gi nyinẹ a ga zwi aka ibibi la. hédẹ ulayi wọ unị wavu ibe mẹ unya té l." ¹⁶ Uyesu ta akizi, gédẹ, "Unọ unị gibe mẹ ibe ilili tsim, ¹⁷ Umé ni iwụ yana, gédẹ, ma mẹ, gédẹ ma nya nné mẹ nme le ibe yọ unọ té la? ¹⁸ Ugédẹ, Ube mẹ nma mẹ tẹ uté. Ma tsaka iwọ yami, gima mé idika, imẹ iya tsi mi ibe yọ unọ gele té. ¹⁹ Ma gé ulayi yami, gédẹ, "Ulayi, nya nya ibe ilili ya iye gunẹ gune. Zẹẹ, li, wu, gi nye'a mẹ liyesi." ²⁰ Usigapa gé'a gédẹ, 'Unị ututu, uti wa nnyẹmẹ mẹ ye ulayi nyẹ, ibe mẹ nnye'a gini zi té, ya vu ya ngọ? ²¹ Kụ unị dika yi té uté, uni gibe kana zi ni gasẹ gumẹ, we zi ya nu Usigapa la." ²² Uyesu gé' batsagba yana gédẹ, "Gebo guyẹ té, magé nẹ, gédẹ, ga'a damu ni ibe mẹ nnye'a li ténẹ la, ko gụwụpa kẹnyẹ, gugye gumẹ nnye'a dẹ té. ²³ Gédẹ ulayi pe ibe ilili, gụwụpa pe gugye. ²⁴ Pa anaki be zwela, ba kụ la tẹ. Ba nya uwọ la, nde Usigapa a giba ibe ilili. Nyinẹ banị yapu peanaki! ²⁵ Ngọ ni ginyẹ kẹnẹ liyé uwa gbunu utu ni gụwụ kana? ²⁶ Nyinẹ'a mẹ ugẹnyi yẹ nula, ngyẹ nnyi nẹ 'a mẹ liyẹ ni ibe ikiki? ²⁷ Nyinẹ a pa ifle, kẹ be kyé té. Ba mẹ gatimẹ la, ba kụ la, nde uyaba wó Usulemanu wa tsitsi ni ba nẹ la. ²⁸ Uvu mẹ Usigapa nnẹ abi sense le imẹ nba yi kyekyemẹ té, agule be we tsi té, wa mẹ ẹnẹ ape té, banị ubangeskiya gẹnyi! ²⁹ Ga'a ye ibe mẹ nnyẹ'a li té la, ni ube mẹ nnyẹ'ẹ wũ té la, ni guba nẹ la. ³⁰ Gédẹ gọngọ a ye ibe mẹ, Ada yẹnẹ kpụ gédẹ nyinẹ a ye ya. ³¹ Nde ye litsẹ kama tse, gi ibe ikiki a gbunu' ẹnẹ niya. ³² Nyime aga mọ nzinzẹ la, bebyi yami, gédẹ, Ada nẹ, vo nẹ, ni iye nu litsẹ kana lii. ³³ Nyinẹ a zunẹ ibe yẹmẹ, gi banị litolotsi gibe kẹnẹ. Nyinẹ zi gibe kẹnẹ ni nki, nné mẹ ye zo la té, nné mẹ iyẹ lii la té, nné mẹ ye zo la té, nné mẹ nbagamwatsi a tsụtsụ la té, ibe ifufulụ a li ya laté. ³⁴ Nné mẹ gibe kẹnyẹ yi té, iye yenyẹ yi. ³⁵ Nnyine a tsi ngye yẹnẹ kpẹgbe-kpẹgbẹ, giwa kẹnẹ aloi nyali-nyali zam-zam , ³⁶ wa yi gayi ka banị a dẹ yapụ ya gezugẹ kaba, umẹ ukolegi ni gapya kọ ganuo ga pala té, gebo ka gebo ka gédẹ ube be, uwe gị ukpaki, ba gu'a niya bili. ³⁷ Banị mẹ Uyesu ube be tuba n ba ẹ ze bala la, nte, ba vu banị anibalika, mbeli gi ma gé ẹnẹ, wa a dẹ iwụ gi wa mọ ba a dẹndẹ gi wa gbagba a gi ba ibe ilili. ³⁸ Banị ikọ yẹ, ko gi Usigapa ẹ be ni utu nẹ, ko ni utu gaki-gaki nẹ, wa ebe e tuba ni yapụ nẹ ³⁹ Nyinẹ a gini a kpụ gédẹ a gima a gédẹ unị gami wa kpụ ge be kăạ ugamwatsi, nyte wa wụlụ gi wa tsaka gami ka na a zwi la. ⁴⁰ Gebo guyẹ tẹ, nyinẹ a dẹ iwụ gédẹ nyinẹakpụ etekimẹ u-byi ya uniyapụ we ebe té la. ⁴¹ Ubutulusu gédẹ, ada, nya ta akiziẹ mẹ a gi yi nkili go, ko nya ta'a gi gọngọ?" ⁴² Uyesu gédẹ uganibo uno uvu unị sele, unị ga-kpụ mẹ Usigapa wa nabo banị ya na a gi'a, gi wa kpa ba? ⁴³ Unị anibalika uvu unumẹ Udigapa e be e tu'a gi wa amẹ lika sele té. ⁴⁴ Kẹ ma gé ẹnẹ mẹ té, wa'e nabo gibe kana a gi unawa. ⁴⁵ Nde ubi'a gatime guyẹ gé ni iye yana gédẹ Usigapa bya ge be; uwa li bebyi ya gatimẹ belóló si benyine, gi wa li, ewu e bone, ⁴⁶ Usigapa wa bebyi yẹ wa ebe e bye'a bye-bye, gi wa tsi'a wili-wili, gi wa fulu nnéki a gi'a ni nénmẹnkanị ibibi le té. ⁴⁷ Sị gédẹ ubi'a gatimmẹ guyẹ kpụ unịmẹ u nya'a té, nde wa mẹ ubemẹ ugọ'a gẅédẹ wa mẹ té la, gebo gédẹ a lu'a. ⁴⁸ Nde unịmẹ u mẹ lika ni gubi, u me lika bibi, a w's mọ'a la. Nde unịmẹ a gi'a mọ'a, a si e ye moă ni woze 'ana, uịmẹ a gi'a ibe mọ'a ge vo sia gu mọ'a ni woze' ana. ⁴⁹ M be giwa ge ku ni gasẹ gumẹ, nde u bam gédẹ giiwa guyẹ a gima'a ta ka na lil. ⁵⁰ Nde nya ubantizima mẹ m ma' eye gédẹ a mẹ mi ubantizima na'anẹ té, u gima ba mi gédẹ a gima ani'a a mẹ be. ⁵¹ Nyinẹ ni mẹ té, gédẹ m bene liyesi vo ẹnẹ ni gasẹ gumẹ go? Nnyi, n bene gaza. ⁵² Efu té a gé a gé gezugẹ, banị itọ ani'a za iva, ni gami gu dọdé, banị ita ba gọ banị iva gwo-gwo. ⁵³ Ba gwo ni idika nẹ la, Ada a gwo ni ubyinẹ la, Ubyi a gwo ni Ada nẹ la; Mma a gwo ni ubyinẹ la, ubyi a gwo ni mma nẹ la; Mma a gwo ni mma wa ubana ana nẹ la, unyine wa ubi'ana nẹ la, unyine wa gwo ni mma wa ubana ana nẹ la. ⁵⁴ Uyesu gedu gédẹ, "Nya ba pa ugbọ ni si ni gezuki, nya gédẹ 'ugbọ e be lii' Usi'aba yi té. ⁵⁵ Afu ya gada ba na me, nya gédẹ gafugiwa a mẹ, n gafugiwa si a ba mẹ. ⁵⁶ Banị ibi, nyinẹ kpụ kẹ nnéki yi té, nde nyinẹ akpụ kẹ nyinẹ a sa utu mẹ té nu la? Ngyẹ yi nyinẹ akpụ ubemẹ wa'a dẹ ẹnẹ ibo té la? ⁵⁷ Ngyẹ yi nyinẹ akpụ ubeme wa'a de ẹnẹ ibo té la? ⁵⁸ Ga-mintsi ugwo'ẹ ni unuva ẹnyẹ nẹ nya mẹ ubemẹ nyinẹ 'a gwo té, tse gi wa gene'e ni anikali, gi anikali a gene'ẹ ni banị bulusuna, gi a dẹ'ẹ ni guza ⁵⁹ Ma gé'e nya'a gi iku mọ'a la, nya fu ni guza guyẹ.