¹ Uzu a ngbogbo wo umako, nu ututu ne nbe be ni bekuni, ni ibe ya bani ufufu usesele me nba me te ne. ² N be ge be-te nba pa ke uku ye ni tsu ki bekuni. ³ Ine nba zwi nmo nba pa gitsi ko Uyesu Almasihu gala. ⁴ Ke lika ni dama ba gebo guye te, umete kpene nbelolo iva de gyenge ni ba ne ngye yaba akuku. ⁵ Ke be nyine ye ni lele ni nzize ne, nbe sine upisika kulu gada te, nba ge be nyine gede ngeyi nyinea ye ui ulai nginye ka bani itsi-itsi? ⁶ Wa de nneme gala, nde ulike kana be; nyilnea te ku galika nene ne ku tsi-tsi de ne ugalili te, ⁷ gede ani ubi wo usigapa agi ni ibo ya bani uzunibi, gi egitse'a, nde uzu yo ututa ugi ene like wa'' ⁸ bee nyine ye te, lika kana, ⁹ nbe kwole- gi ge ni ibonede me iki te. ¹⁰ Keke umaryamu magadaliya, uyuwana, umaryamu mmao uyakubu, si be nyine me nba gwo le tsini umanzo aka me. ¹¹ Nde umanzo esu ulapiya ye zi gyenge la, gebo guye te ba wohi ni be nyine ye ne la. ¹² Ubiturusu gini like tsaki ge ni bekune guye, ume ga veni nybainee, ugbagba pa ngye ye. Ubiturusu kwolegi ge gam kana, uni dama gede ngye uvu akome ¹³ Uga gini vu gede niba bam ba va age guleke gu de nu uzu ye, avala gede imawus, nge kelikpa kana vu umil tseyi efu nu urushalima. ¹⁴ Ba ge aka me iyi te gbi ni ni idiya ne. ¹⁵ Uyi te ke ba ge lika ni idiya ne nba gine a byi idiya lige te, uyesu ni iwu yana ne tsu be, uwa ge ni a ne ¹⁶ Nde yapu yaba awulu gi ba kpute gede uvu na la. ¹⁷ Uyesu ge ba gede nge nyina ge bam ba va ke nyinea ge mete? '' be ngye nneye iye ya ni bibi. ¹⁸ Uni de aba, avala gede ukiliyobas wulua, nye kili nnya de ni urushalima nnya kpu ubeme uyi nu utu me te la go? ¹⁹ Uyesu geba gede ngye uvu uye? nba wolu' a'', gede aka me iye gebo ka uyesu unazarat, uei uvu unabi uni aka inukpukpu game ni lika ko usigapa ne, ni bani yupu gbi te ne, ²⁰ Si ke, ini kpukpu ya ifiristoci si ugwo yeyi sua gi gede awa, gya gina gitseya te. ²¹ Nde itse yapu ba, gede uvu na wa see Israila u usi yite, ban ni ga yite ne keke mete izi ita me n lika gume yi te te. ²² Be nyine yeyi de me lika tsiyi yaapu, gebo gede ba ge nni bekune guye ni ututu ne. ²³ Ke ba ga pa gitsi kaana gala te be, kwo legi be, nba gede niba gini pa umleka u ge niba gede unyo ulohi li. ²⁴ Beloo yeyi de gini kwolegi ge ni bekune guye nba gede lika gume nbe nyine ye ge te usi yite. Nde ba pa la." ²⁵ Uyesu ge ba gede bani iwulu me, iye yene awulu ni lika ka anebi ne la! ²⁶ Uvu ntsi gede Uyesu Almashihu ume apa liye tse, gi wa zwi gam ka Ada? ²⁷ Uyesu za lika ke iwu yana giba nu ubible, efu nu utu wo umusa ni anebi ne. ²⁸ Ke ba tsutsu ni guleke kaba ne te Uyesu m kwukwa gede wa kye a ge geuge. ²⁹ Nde ba saiba gede wa de niba ne gede uzu bye be tse Uyesu de niba ne. ³⁰ Ke uyi te ba dende gee niba alibe usu ibe ilili u me aduwa, nlutu kaniya uza giba giba. ³¹ Tse iyapu yaba bye, nba kpu'a, uwene kana ki ukpasa ba. ³² Nbe ge idiya gede utu me uwa gelika ko ubible te iye yeeyi adugiwa li ya? ³³ Nbe like tuye kukwa nbe kwolegi ge urushelima. Nba ge tu iboneva ye gwo, ni bani me yi none te ne. ³⁴ nba gede Usigapa gusi like, ugini fuba uimanu pa." ³⁵ Tse nba zaa lika gume uyi te, igame kana ni ibeliliga zaa. ³⁶ Ke ba ge aka me te Uyesu ni iwu yana ne gyengye ngaki gaki kaba, ugede liyesi a yi ene. ³⁷ Bayi ni lukuta ne si nzize, gade ugima vu ulufu nba pa. ³⁸ Uyesu ge ba gede ngyenyi iye yene ni bibi? Ngye yi nyine ebyi lige ni iye yene? ³⁹ Nyine ibo yami, ni gineda kami ne, usi vu nime ni iwu yami ne. Da mi apa, gbo gede ulufu a nya gupa ni akyikune la nde nyine pa ke nya ya la. ⁴⁰ ke ubani aka ye ge te utsini ba ibo yana nigineda kana ne. ⁴¹ Lika guye ni dama ba te ba wulu la gebo ka liyesi. Uyesu geba gede nyina nya gyege ulili lii? ⁴² Ngene nba gya lugbetu usoso, ⁴³ ngene usu'a uli ni yapu yaba. ⁴⁴ Uge ba gede, tu me na de niba ne te na ge ba gede ibe izizi ime aka gbii nu utu Umusa te si utu anebisi ibeme uzabura ge te yayi. ⁴⁵ Upye ba yapu nba wagaba ke ibile. ⁴⁶ U geba gede, a si ka gede Almasihu wa pa liye gi ugine like, ni uzu utita. ⁴⁷ Nyina zwi urishelima ni tize ikiki ne gbi gi nyime ge lika ka tuba ni gamo ne nlige kana. ⁴⁸ Nya vy usend ya ibe me. ⁴⁹ me'e anikewoli me,Adami me te nde nyine ngye, gi nyine'a guya ninka tse. ⁵⁰ Uyesu dene niba ne nba ga tso tso ni uBetany ne, u gwene ibo yana nki udeba anibalika. ⁵¹ Ke uyi te, ke wa gi ba anibalika te, utsu ki ba u gwo nki. ⁵² Tse nba vini gya, nba kwolegi ge urishelima ni nmawana ne. ⁵³ Basa vini agi Usigapa ngam ka aduwa