¹ Gebo guye te nyine tsene Usigapa, ka ko abibyi iye-iye ana. ² Nyine'a zutuzu in ge ye, kẹ Almasihu sẹ ye-yi tẹ, ugi iwu yana gebo kei, ugi iwu yana gi gamunu nu Usigapa. ³ Nde ge-ga ngi nye kene aka ba aka yẹ ikilaki ga ge la, ko aka itsuku, ko ibe yapu, gebo gédẹ ibe me ye ye-liye ni banị yo usigapa la. ⁴ Aka itsuku aka yi la ko aka ye iwulu ga ge aka yi la. Nde ugodiya ga gi ayi. ^{7 5} Me yẹ gẹdé nya kpu tẹ gẹdẹ nya kpu tẹ gédẹ , banị ikilaki, bani aka itsuku, ko banị ibe yapu , si banị upye ga gi, ba wa ikwube yo umulki yo Almasihu nu wo Usigapa nẹ azwi kata la. ⁶ Ka wolu gi go-go aze ni lika gudu-gudu ne la, gebo ka ga gede ipisi ,yo Usigapa we ba litu ka bani me nba folu-aba la te. Gebo guye te ka gwo lutu niba nẹ la. ⁸ Nyina gi me le ngu ni, nde kyẹkyẹ me tẹ giwa ko Usigapa pye ,,ene yapu. Nyine zutu-zu ka ko a bebyi ise isele. ⁹ (Gebo gédẹ giwa usesele me, na uwe bane lika sesele, lika gakpu ni lika kukwasi nẹ) ¹⁰ Uwe ye akpu ubeme u sịị Usigapa iye tẹ. ¹¹ Ka gwo lutu ni banị gatime gamẹ ngubyi nẹ la, nde ga guye tẹ nye tse ba gasẹ ¹² Gebo gede lika gume nba me ngewo tẹ, vu lika ka azi gi aga. ¹³ Nde ubeme utse gase ngiwu, wa ni amegede-gede. ¹⁴ Gebo gede ubeme uyi gede-gede, wa ku tsa. Gebo guye te a gede, like, nyine banị bala geze ni be kune, gi Almasihu akwu ene tsa. ¹⁵ Nyine nyine gayi kene tsim, uku yi ka ko abanị me nba kpu la te la nde wayi ka ko abani mẹ nba kpu te. ¹⁶ Nyina mede utu, gebo gede izu vu ubibi. ¹⁷ Gebo guye te ko vu utu-tu la nde wagaba ko ubeme Usigapa eye te. ¹⁸ Nde ka wolu gi beze amene la, gebo gede wa gigi nya me waya-waya -waya ga guye te lele ni ufulu usesele ne. ¹⁹ Nyine ge lika ni idiya ne nu uzaburu si aya si aya jyo ulufu, nyina ka aya gi nyina yaba Usigapa ni iye dede ne, ²⁰ nyine gi ugo giya ni gyengye zam, nliye ko Uyesu Almasihu, Usigapa Ada, ²¹ nyina gi ididya iwu yene ngatime ko Almasihu. ²² Nyine benyine nyina folu-aba ba, bana yene ka ko Usigapa. ²³ Gebo gede ulolo uvu olu-lutu ko uniyine, ko unyine, ko Almasihu vu olu-lutu ka bani aduwa te, u Almasihu vu uni ga sea. ²⁴ Nde ke bani aduwa a folu-aba Almasihu te, gebo guye te benyine a folu-aba babana yaba ni gyen gye. ²⁵ Belolo nyine ye benyine ne, ke Almasihu se ye bani aduwa, ugi iwu yana gebo kaba te. ²⁶ Almasihu ni miwu yana gi bani aduwa, gi nbayi tsa gebo gede unyi niyi nu uzo a lika kana ne, ²⁷ ugi mba gebo gede wa, wa ga yaba, gi uka nya atsambya ko, lika ge tse zune aka yi la nde gyengye ayi tsa. ²⁸ Nga yite, belolo eye benyine yaba ke be se ye iwu yaba te , unime we ye unyine ana we ye iwu yana du. ²⁹ Go-go agye iwu yana pa be, gi ugya ibelili ko umoa ibo, ke Almasihu si gi bani aduwa ibelili ugini mo ba ibo te la, ³⁰ gebo gede ivu bani guwupa kana. ³¹ Gebo ka ga yite uni anabo adana ni nma-ana ne gi wa gwo-lutu ni unyine ana ne gi iva ye avu ude nguwupa. ³² LIKa kukwasi me uvu uwo-wo te vu uni kpukpu, nde ma gelika ka Slimasihu nu bani aduwa ne. ³³ Ban ni ga yite ne go-go ene eye unyine amna ke use ye iwu yana te, nyine be nyine afulu aba belolo yaba.