¹ Gebo ka gayite, nimi me nde nu ugulusuna Gobo ko Usugapa, ma gẹnẹ gẹ̀dẹ nyine a zwa tuzu gumẹ uyeliye ivala yene te. ² Ma gẹnẹ gẹ̀dẹ nyine avu bani lutu gẹ gẹ sine tize, nyine avu bani fine. nyine aya ankuli ni ka idika nẹ, nyine mẹ utuwezi mẹ nyine ele ni indikane gẹbo ka gẹ̀ idika kene nu Uyesu. ³ Nyine me lika gume ulufu ne avu udede te, nyine gọ lute za ni idikane. ⁴ Guwupa keyi nu ulufu ne wa vu udede kanko me asi valeyi ni utowezi udẹdẹ tẹ̇. ⁵ Utowezi uvu udedẹ Ubangaskiya uvu udẹdẹ si ubatizima ye. ⁶ Usigapa dẹdẹ ina avu adayi byi me ngenge yi ni gada kana byite. ⁷ Agi gongo ubẹmẹ usi bi game te nu Uyesu Almasihu. ⁸ Usiyi ke lika ko Usigapa ste; ki ugonki te, uvo bani yana g.ẹnẹ utowezi wo liye, ugi gongo ubemeuwa bi game te. ⁹ Nge uvu gẹ̀dẹ, "U gọ̀," ana gẹ̀dẹ Uyesu usi gada ka guse game. ¹⁰ Ana me usite usigine vu unime ugo gapa ke nki, umete gi uwa go ginẹ ke ibe byii. ¹¹ Uyesu vula bani idiya gede bavu anabawa, bani idiya bavu batsagba, bani idika ba vu bani uwazi game, bani idiya gẹzuge ka bani aduwa bani idika vu bani ga tsini bani. ¹² Agi gongo gatime gumẹ gẹbo ka gẹ̀dẹ lika kana wa wạ̀ aza go ni liyẹ́ ko Uyesu. ¹³ Gayi te wa gigi gi ya vu giyẹ gudede nu utwu a ga kpwu ubi Usigapa, gi ẹyẹ kẹ anu kwu Uyesu aye gẹ̀dẹ yanu te. ¹⁴ Usi yite geboka ga gẹ̀dẹ nyine aga vu bebiki mẹ eginẹ nẹ agene ngi ni gezuge nẹ nẹ tẹla. Usiyite gebo ka ga gede iga ba ibe ibibi sa me atsini bani nu utowezi jiwa gabi wo inize. ¹⁵ Nde nyina agė idiya lika ni gule ka gẹyẹ ka lika tyi, giye kẹẹ nu utowezi me ya nu Uyesu ume uvu lutu ka bani aduwa te. ¹⁶ Uyesu g lutu ka bani me nba wulu nane te. Guwupa ke yi ugo ni nede de nu utowezi me ngogo te, yi ni gatime kana nẹ tẹ̀ gi guwupa akyẹ̀ ni idika geye. ¹⁷ Ni gayitẹ ma gẹnẹ nu utowezi Usigapa gẹ̀dẹ, nyine aga zutuzu kanko bani gase gumẹ ni lika ibibisa geme uwa lutu late. ¹⁸ Ba de ni gubi ni gakpu kaba tuzwu kaba uyi kọkọ nu Usigapa, gebo ka ga gede bẹlẹ ni gubi ebeme nba me ni iye ya ba. ¹⁹ Ba ya azi la, nba ni iwu yaba su gi guwupa, ni ibe ibi bisa game ne. ²⁰ Wa vu ka atine ne utowezi wo Usigapa tẹ tẹla. ²¹ Nkpute gẹ̀dẹ nyinẹ wu lika ni lutu ka Uyesu. Nyinẹ kpute gẹ̀dẹ utowezi ana vu utowezi sènsele. ²² Yina uwulu gi nyine anabo ibe ibibi me nyine ame ekiye kiye ni guwupa gume. guwupa ukpwukpu uvu umẹ uwozo te, gẹbo ke ibe itsuku. ²³ A tsine gẹ̀dẹ yina iye ipipa nu ulufu. ²⁴ Gi nyine avu bani ipipa me amene ko Usigapa siyite ume uvu utowezi sensele ni gayi tsa. ²⁵ Ni gayite, nyina anabo amii ga tsi nyine agẹẹ idika ugasikiya gẹbo ka ga gẹ̀dẹ nyine vu guwuạ gudẹdẹ. ²⁶ Nde iye yene ini zọ, nyina ege pili la. Nyine aga wulu gi nyine avo idika ni iye gbogbo gi uzu aki la. ²⁷ Nyine aga wulu gi usantan azene la. ²⁸ Unime ugi me iye'ebe, wa nabo geyi, wa me gatime ni ibo yanane, gi uwa wa ubeme uwa zà agi banime nba ya la te. ²⁹ Ga wulu gi lika ubibisa afu ni ganu keye la. Gẹ̀ lika gume uwẹ bẹne beyi avo bani te, lika kẹnẹ wa vu ume uwa dẹ banime nbẹ wute ibo. ³⁰ Nyina aga wulu gi ulufu wo Usigapa ame ipisi nine la, gebo gede anene gulu 'ube, gbogbo agai utume asene te. ³¹ Nyine anabo iye ge bibo, si gayine ubibi, si ipisi, silika geye bẹnẹ si twutu ga kye idika, ni ibe ibibisa ne byi. ³² nyina akplika ni idika ne, nyina mo gunugba kẹ idika, nyina mo idika kan kome Usgapa ni Uyesu mo ne te.