¹ Gebo ka ga yitè te, ni mi Ubulus, uni ubulusuna wa Uyesu gebo kene guke ikiki. ² N kpu gẹdẹ nyine wu lika ka gatime unikpukpu ka aniheli ya Usigapa me aa gini gebo ke ne te. ³ ma ka ibeme kẹ Usigapa tse ibe gase gi ,mi te. Ume ni me, u vu lika ka akukwasi me u gima ni bobo te ume n ka kwe gi'e ne te. ⁴ Nyine e ba ge'a, nyine a wa gaba ka ubeme n ma nyine ni lutu ka ukukwasi ume uni bobo ni hutu ka Uyesu te. ⁵ Bani ya ekiye-kiye a gima kpu lika ka ukukwasi me la. Nde kyekye me te ulufu tse'a gase gi batsagba si anebi ne i me e fune ba gebo ka gatime te. ⁶ Lika ka ukukwasi me uni bobo me te vu gẹ́dẹ guke i kiki si'a li ikube za nii ne, ba gini vu igina ya guwupa, n ba gini a za anikewoli ya Uyesu gebo ka bishra. ⁷ Gède n vu ubi'a gatime gebo ka aniheli ya Usigapa me aa gi me ni gatine ka ntsi ya na. ⁸ Si gẹ̀dẹ ni mi n vu gada kele ni bani gatime ka Usigapa. Usigapa gi mi gamunu gu me. Gamunu gu ye u vu gẹ̀dẹ ma gene lika ka aniheli ya Uyesu ma vo guke ikiki. ⁹ Gamunu ya Usigapa vu gẹ̀dẹ ma'e pye gongo iyapu gi wa pa ubeme Usigapa yẹ̀ te. Usigapa me u me ibe gbii te ni ubeme u yẹ̀ te wo ekiye-kiye. ¹⁰ Gebo ka bani aduwa u Usigapa pye ubeme u yẹ̀ te gi banị aduwa gi tizuge si itinibo ya guwupa ka nki a kpu gẹdẹ Usigapa nya itimozi ni gedu ne me uwa me aka i tsitsi ga pa te. ¹¹ lika gu me yi te kẹ Usigapa kye, u li ni Uyesu Almasihu Ada e yi. ¹² Gẹ̀dẹ gebo ka Uyesu ii wa ga bana si nni ga kye ni ntsi ne gebo ka ubangaskiya me ii nya nni woze ana te. ¹³ Gebo guye te nyine aka sona gebo ka liye yume n ma me ni lutu kẹne, u me u vu ga yaba kene te la. ¹⁴ Gebo guye te, nta nnepo ani ni tize gi Usigapa, ¹⁵ ume n liya ka gongo ni nki si tize fu te. ¹⁶ Ma me aduwa gẹ̀dẹ wa wulu'ene kẹ gibe ka ga yaba kana yite, ga nyine a bi-ntsi ni ntsi ne ni ulufu me u yio ni ginye kẹne te. ¹⁷ Ma me aduwa gẹ̀dẹ ni ubangaskiya, Usigapa a de ni iye ye ne gẹ̀dẹ nyine a nya izu ni ntsi ne ni ge ye kana. ¹⁸ Nyine a nya ntsi gi nyine a kpu za ni bani aduwa ikiki ne ga ya, si ga tugye, si ga nya likpa, ni ga kye ka ge ye ka Almasihu. ¹⁹ ni ga gẹ̀dẹ nyine a kpu ge ye ka Uyesu, u kye pele ga kpu te ni ga gẹ̀dẹ nyine e lele ni ligbene ka Usigapa ne. ²⁰ Kyekye me ni woza unume u nya ntsi gi wa me e pe kẹ iya mẹ̀ i gini e bi lige te, kẹ u yi ni ntsi yana ni ginye kẹ yi te. ²¹ Ga yaba vu wana ni bani aduwa si ni Uyesu Almasihu gi gbii banị gbogbo a ge usi'a yi tẹ̀.