¹ Be- kiki nyina folu-oba banị me nba mo'e ene te nu Usigapa, gebo gede uyeli ye. ² Viuni gi Ada ennye ni nma ennye ni (gebo gédẹ uvu ube wa ngbogbo ume agi ganu ni anikowoli ne te), ³ gebo ka ga gédẹ wo ye liye agye, nnya li ge sẹ. ⁴ Ada nyine ke zoo bebyi ene iye gi nba yi ni ipisi ne la, nde nyina tsini ba age yo Usigapa. ⁵ Befu nyina fulu-aba batinibo yene ya gase tsim ni nzize nẹ ni iye usesele nẹ. Nyina folu ba ba, kẹ nyina folu-aba Almashihu tẹ. ⁶ Ga fulu-aba kennye uka vu gede Uganibo kannye apa gi iye-esia tse la. Nde ga fulu-aba kennye wavu wa ga gédẹ nya vu befu ko Almasihu, ume uwa mẹ lika ko Usigapa ni iyi ye nye tẹ. ⁷ Me gatime gume bgbi ni iye dede nẹ, kẹ nnya sa mẹ gatime agyi Usigapa tẹ, nde wavu banị yapu la, ⁸ gebo gédẹ nya kpu tẹ gédẹ du ubeme unị me uyeliye, wa gu ukpo nu Usigapa, ko wa vu befu ko wa vu unime uwa gabana tẹ. ⁹ Uganibo tsini befu ye nyé nu utoezi udede. Ke yeba lika la. nya kpu te, gédẹ unịmẹ uvu uganibo kẹ nyé nanẹ tẹ uyi ni nki, ka banị ga pye ayi nwoze ana la. ¹⁰ Gebye kana gbi, uvu gédẹ nya ntsi nu Usigapa, ni ntsi ya lika tsi-tsi yapu kana nẹ. ¹¹ Nyine'a su ibe ya loko ko Usigapa gbi adé ni iwu, gi nye ngye zwi ni ga bigiwa ko uni bibi. ¹² Gebo gédẹ loko kai wa vu wo fitsi nu beyi nẹ la. Nde loko kai gamẹ vu wo ugemuna ni litse ko ulufu nẹ si igwole ya gubyi ya gase gume, ugini vu gebo ka ulufu itsuku ni nneki ya nki. ¹³ Gebo guye te dé ibe ya loko ko Usigapa, gi nye ngye zwi anu nu lutu a gatsi, goi nya ba mé gyẹngyẹ dudu nye ngye zwị. ¹⁴ Gebo guye tẹ nye ngye ni ntsi ne, ni lika gakpu ke nyé. ¹⁵ bKẹ asa dẹ adaba ngi neda té, nyine de-iwu gi nyi ge lika ka liyesi ko Usigapa. ¹⁶ Ni aka gbi, dẹ ngune ko ubangaski, gi nye fune ibo ekiyi likye ka giwa ka gatsi anụ. ¹⁷ Su utengyiă wa ga na, nu likye ko ulufu nẹ nani uvu lika ko Usigapa. ¹⁸ Ni aduwa dudu, ni ube geye nẹ mé aduwa utu uno no no no ni ulufu. Ni iye mẹ aduwa gebpo ka banị tsa yo Usigapa gbi. ¹⁹ Mé aduwa gim, gi npye ganu nma mẹ aduwa a gimi usako. Mẹ aduwa gi ma kpu ibeme ivu iwo-iwo ya lika ko Usigapa tẹ ni ntsi nẹ. ²⁰ Gebo ka lika ko Usigapa nde taganu kẹnẹ ni atsangba, gi ma gelika ni ntsi nẹ, kẹ me ye gédẹ ma gé tẹ. ²¹ Utikiku, uniko ame uwo-wolu ni gatimẹ ko ubangeski nu usigapa, ma gé ne gyengye gbi gi nyina kpu ubeme nma mẹ tẹ. ²² Nne'a gite vo ene gebo ka aka me, gi nyine'a kpu kẹ iyi tẹ, gi wa tsene gutsa ni iye-yene. ²³ Inya liyesi ni baniko si geye ni ubangaski nẹ nu Usigapa, Ada ni Ada Uyesu Almasihu nẹ. ²⁴ Nbeli gi aniheli ayi gbi ni bani me nbe ye Adai Uyesu Almasihu tẹ nẹ, gi geye kaba eke tsii kata la.