⁵ Nabo ibe ibibi ya gase gume, banị me iba ba'a benyine ni bẹ̀ lolo ne tẹ̀, ibẹ kyẹ̀mwekyemwe, ibẹ gẹ yẹ pe iwu yẹ nyẹ̀, guku, umẹ uvu gẹbo gamẹ̀ tẹ̀. ⁶ Gebo ke ibẹ̀mẹ ipisi yẹ Usigapa ebe niba ni yapu. ⁷ Nyẹ̀nẹ gima maka mẹ tse Usigapa vala ne. ⁸ Kẹ̀kẹ mė nyina nabo ibẹmẹ yilima, ipisi, iyẹ ibibi, tụ̀tụ, ni lika bibi ga gẹ. ⁹ Nyina ka tsámi gi idika la gẹbo gẹ̀dẹ nina nabo ibẹmẹ bibị̀sá yẹ bẹ, ¹⁰ Kẹ̀kẹ mẹ nyina vu banị pepa, ka kọ mẹ Usiagapa mẹ̀ ibẹmẹ yana tẹ̀. ¹¹ Gebo guyẹ ubaheline nu Ubayahude ne ba vu udẹ̀dẹ, banị mẹ asuba iwu tẹ̀ ne banị mẹ̀ á suba iwu la tẹ̀ ubarebawa, kọ bẹ̀ fu kọ banị mẹ nba kpu Usigapa la, ndẹ Adá unị kpukpu kpu gẹngẹ gbyi uginẹ den gẹ̀ngẹ gbyi. ¹⁵ Nbeli gi liyẹ̀si kọ Uyesu wayi ni iyẹ yenẹ̀. Gebo ka liyẹ̀si gumẹ à vale nu Uyesu, yávu banị ugodiya. ¹⁶ Nbẹli lika kọ Uyesu wa dẹni iyẹ yenẹ̀. Gbi ni gakpu ne nyina tsini idiká ayẹ umẹ uvu wọ Usigapa. Nyina ka ayẹ gine vinị agi Usigapa ni iyẹ yenẹ ¹⁷ Gbi ibẹ̀mẹ nyina mẹ, nyina mẹ ni liyẹ̀ kọ Uyesu. Nyina gii ugodiya nu ụtimozị̀ wọ Usigapa.