¹ Me ye gẹ̀dẹ nyina kpu ki paliye gebo kene tẹ̀, banị me nbe le nu Uladosiya te ni banị ni gedu ne me iyapu yame agọ ni ne late nẹ. ² Nme gatime gẹ̀dẹ ma da ba iye gime bena ba nedede ni idiya geye gebo ka lika ti ko Usigapa, ³ nwo ze na ngabi game ni gakpu yi. ⁴ Ngene te gebo gẹ̀dẹ gọngọ aka zene ni lika dika ne la. ⁵ Ni nde ma denene ne nguwupa la, nde ndene ne nu gumu nu sesele. Mame nmuana gẹ̀dẹ ma pa getime kene ni pelili ni ge genge kene ne Uyesu. ⁶ Ki nyina si gu Uyesu uvu utimozi te nyina sa zutuzu tẹ̀. ⁷ Nyine genye zwi nane kasi tsine ne tẹ̀, gi nyine gode. ⁸ Nyina gigi gi unide azene ni ga kpu kana ume uvu wa gapa ka banị yapu tẹ̀. Nde wa vu ga kpu ko Uyesu la. ⁹ Nu woza na nbani kpu ubeme Usigapa me. ¹⁰ Nyine me gatime kana gbi. Na uvu ntsi ya lutu ka genye gbi. ¹¹ Nwozena a nyini ene, ume uwavu game ko uniyapu late nde game ko uyesu. ¹² Nyine tsi na ne gebo ko Ubatisima nyine gini like na ne gebo gẹ̀dẹ nyina wulu ni tsi ye Usigapa ne ume ulika na nbekune tẹ̀. ¹³ Tume nyine tsi na aka ibibii ne aswe ne iwu ni guwopa, ugigi nyina nyo ula na ne ume umoyi wa aka bibi tẹ̀. ¹⁴ Uso ebe ugima vu guta nlutu ke tẹ̀. Ufuneya kii gbi gebo ko ubeme ume nu gaki gapa tẹ̀, ¹⁵ ufune ibe ya giwa ni ibe ibibi ne ugiba azi gebo ka ga na gume uyi nu Uyesu tẹ̀. ¹⁶ Gebo guye tẹ nyina ka wolu gi unide azene iwa ngali, ni gewu nu uzu ne ume avi ni agi Usigapa tẹ̀. ¹⁷ Ibeme vu gumunu ke ibeme ye be te nde na neya ivu tata la. ¹⁸ Kede nyina uwulu gi unude azene gi nyina me lika ka gupa. Ke ibeme ugede napa tẹ̀. ¹⁹ Gẹ̀dẹ wa mo lutu la. Gade ufu nlutu nne iki yewu gwe idika, uke ni ge ke gume Usigapa gi tene. ²⁰ Nde nyine tsi za nu uy esu ne ume ufunene ki ibe ya gase gume tẹ̀, nyiye tsi ame ibe kukwa gẹ̀dẹ nyine vu wa gase gume? Nge nyina be ibe me nbani yapu a tsi ne ne le. ²¹ Kede nyina me, kede nyina li kede nyina ada? ²² Ebeme gbi ame gebo ka aka tsuku ume ame niya ne te, gebo ka ubeme banị yapu a tsine le. ²³ Ebe izizi me vu ume nbani yapu ame tẹ̀, ugini vu wa guwupa, nde ya nya genye ame ni iwu la.