¹ Nyinẹ tuzugẹ, nyina gi befu kẹnè ubemẹ́ uvu ya ba tẹ̀. Nyina kpụ tẹ́ gẹ̀dẹ unume unyine tẹ̀ dé ni nkị. ² Nyine gengẹ i ni aduwa ga mẹ nyina mẹ nmona agi Usigapa ³ Nyina mẹ aduwa gẹ̀bọ ka du, gi Usigapa à gu ukpaki umẹ̀ ya bi lika kana ga gẹ seselẹ tẹ̀, gẹ̀bọ ka gayi tẹ̀, ndẹ nu bulusuna. ⁴ Nyina mẹ̀ aduwa gẹ̀dẹ ma bilika kọ Usigapa ga gẹ̀ ku siyẹ tẹ̀. ⁵ Zu tuzu nu gakpuni ni banị mẹ ibẹ le ni gu byi tẹ̀ ne, nyenẹ á mẹ̀ á dẹ. ⁶ Ubẹ̀mẹ nyina gẹ tẹ wa vu wa aliheri. Nbeli gi lika kene amụ̀nụ gẹ̀ wụ̀ gị nyina kpu kẹ nyine egine lika á gi banị tẹ̀. ⁷ Uki ko wa lika kami, Uyikikusu wa gẹnẹ̀ gengẹ ni lutụ kami. Unịko á liyẹ̀ ba, unị gatimẹ́, u wu wulụ nu ufu kiki á yinẹ Alimasihu. ⁸ Mena gẹ̀dẹ wọ bẹ̀ wọ zẹ̀nẹ gi nyina kpu ubẹ̀mẹ nyina kpu ubẹ̀mẹ ya mẹ̀tẹ̀, gi ya tsine ne iyẹ. ⁹ Nna gitẹ̀ za nu onisimus umẹ̀ wa mẹ̀ lika seselẹ, umẹ̀ nmẹ̀ yẹ lika kana tẹ̀, umẹ̀ udẹ̀nẹ ne nẹ̀ tẹ̀. Ba gẹ̀nẹ ubẹmẹ̀ u yẹ gbyi ne nẹmẹ tẹ̀. ¹⁰ Aristarkus ulolo wámi umẹ idẹ nu ubulusuna za tẹ̀, wa lènẹ atsu su Umalikọsi unikọ̀ wọ Ubanaba, umẹ ngene ̣gẹ̀dẹ nyina gu lika, ka na tẹ̀, ndẹ ubẹ bẹ̀ wọ̀zẹ̀ ne nyeni á gu ¹¹ Su Uyesu umẹ á vala gẹ̀dẹ Uyusitusu. Ni ba nba vu banị mẹ̀ Usigapa á vala bá gẹ̀dẹ ya mẹ̀ gatimẹ kọ Usigapa zaà tẹ̀. Ba vu banị mẹ̀, nba kumi iwu tẹ̀. ¹² Abafaras a line atsu uvu unịdẹ ngi nye kẹ̀nẹ, ufu wọ Uyesu. Wa na mẹ aduwa gẹ̀bọ kẹnẹ̀, gi nyine egenge zwi ni lika kọ Usigapa. ¹³ Mẹ̀ fù sẹ̀ndá ána gẹ̀dẹ wá mẹ gátimẹ ni ntsinẹ gẹ̀bọ kenẹ̀ bani̇ lawudikya si banị hirafolis. ¹⁴ Uluka umẹ uvu umali wa asimiti niba nu udimas ne, ba line atsu. ¹⁵ Li bani kọ yeyi atsu imẹ nbẹ le nu lawudikiya nu Nimfa ne sẹ aduwa mẹ uyẹ gi gami kanate. ¹⁶ Nyina ga ge uta kala da me nginyẹ kẹ̀nẹ, nyina gina gẹ nu Aduwa wọ lawudikiya, gi nyina gẹ waba du. ¹⁷ Nyina gẹ̀ Arkibas gẹ̀dẹ, wapa gatimá gumẹ Usigapa ga gẹ̀dẹ wa mẹ tẹ̀, giwá ma seselẹ. ¹⁸ Nimi Ubulusu nka utakalada me ni gubo kami ne, ma line atsu. Nyine a te me na atsangba yami. Aliheri ye Usigapa wayi ne ne.