¹ Nde Usawulu tsi-tsi a gelika nzize ga de si batsagba ya Usigapa ga ge gawu, uge nu ifirist unikpukpu. ² Ubi'a gẹ̀dẹ wa gi na uwasika gi na gé gami ka aduwa wa Udimashku, gi uga pa uni de uba utuwezi ye, belólò ko benyine, gi wa bene ba Uliselima nga kye. ³ Kẹ wa gẹ̀ tuzu tẹ, uba tsutsu nu Udimashku ne, giwa gude fu wula ta gi, gwo ni nki, ⁴ Ngene upyili zi ntize uwu gule, gẹ̀dẹ Usawulu ngye yi nya gye mi? ⁵ Usawulu gine, gẹ̀dẹ nye ngwo Ada? Ada gẹ̀dẹ nimi Uyesu ume nya gye mi tẹ, ⁶ Nde like nya zwi ginye ka ile agè ubeme nya mẹ tẹ. ⁷ Banị́ me nba ge tuzu nu Usawulu ne tẹ ngye kpo, nbe wu gule, nde ba pa gwon-gwo la. ⁸ Usawulu like ntize tẹ upyi iyapu tẹ wa pa neki gala, nbe vo ngubo bene Udimashku ⁹ Ume izi-ita wa pa nneki la, wa gini libe ni gewu ne la. ¹⁰ Kyekye me tẹ dẹ utsagbani ne, ume avula gẹ̀dẹ Ananiya tẹ dẹ nu Udimashku. ¹¹ Usigapa ga nu ula-kulu, ugẹ̀dẹ, Ada nimi tẹ. Usigapa ga gẹdẹ like nnya gee tuwezi de ume avula gẹ̀dẹ utii tẹ, ni gami ko unide ume avula gẹ̀dẹ Uyahaya tẹ, bi lige ka unide nu Utarsus ume avula gẹ̀dẹ Usawulu te wa me aduwa li ¹² Wa pa unide nu ula-kulu, ume avula gẹ̀dẹ Ananiya tẹ, wa be gi uba ba gubo wa wa neki apa wa. ¹³ Nde Ananiya gine, gẹ̀dẹ Ada, nwu lika bibi gume unime me bani isesele yenye ni Uliselima ni gedu ne tẹ ¹⁴ Ifirist gya litse gẹ̀dẹ wa mo du unime uwa vula liye kenye tẹ ¹⁵ Nde Ada ga gẹ̀dẹ na za gẹ̀dẹ wa vu uni a gatume kana, gi wa vo liye kana evo banị́ ikiki ni igwole ne si bebyi ya Israila ¹⁶ Gebo gẹ̀dẹ ma tsina kẹ wa pa liye gebo ka liye kami te. ¹⁷ Tse, ngene Ananiya gi zwi gami. Ugone gubo ba, ugẹ̀dẹ unikwo Usawulu, Ada Uyesu ume nya gẹ̀ nu utuwezi ufu ba nya pa tẹ̀, nemi gitẹ, gebo gẹ̀dẹ nya wa gase, gi nya gini elele nu uluhu usensele ne. ¹⁸ Kukwa ube dẹ fu ni yapu ya Usawulu, uwa nneki gapa, ulike, ama ubatizima, ¹⁹ ngene uli-ibe, unya ntsi ude ni batsagba ne bya nu Udimashku. ²⁰ Nneye kukwa uge gami ka aduwa gẹ̀dẹ Uyesu vu ubyi wa Usigapa. ²¹ Utsi banị́ me nbe wu lika kana gage gbi tẹ iyapu, nba gẹ̀dẹ wa vu unime ugbase banị́ Uliselima, banị́ liye gumẹ ga vala te te la. Ugini be neme gẹ̀dẹ na mo ba akye agyi ifiristi". ²² Nde Usawulu anya ntsi epe tẹ, ngene uwa gi banị́ Iyahudawa me nbe le nu Udimashku te liyẹ̀, uwa tsini ba gẹ̀dẹ Uyesu vu Alimasifu. ²³ Kẹ uzu ni gedu ne kye tẹ, Iyahudawa kyẹ gẹ̀dẹ niba awa, nlika kaba ni tse gase, Usawulu ni wu. ²⁴ Nba nyine ukpaki unikpukpu, uzu ni utu ne gẹ̀dẹ niba awa. ²⁵ Nde batsagba su'a ni utu nẹ, nbe tse zana uvo, nginyẹ kọ ukpaki ²⁶ Kẹ ube Uliselima te, Usawulu eye gẹ̀dẹ na gwo lutu nu batsagba nẹ, nde ba mọ nzize yana, gebo gẹ̀dẹ ba wulu gẹ̀dẹ uvu tsagbani la. ²⁷ Nde Ubanaba su'a ubene'a nu batsagba, uge ba ku Usawulu, pa Uyesu ni utuwezi tẹ si ku Uyesu gẹ̀ lika nane tẹ, si kọ Usawulu ge lika ni ntsi nẹ ni liye kọ Uyesu. ²⁸ Utsi gwo ba nba zwi, nba ba gini efu ni Uliselima. U ge lika ni ntsi ne nliye kọ Uyesu, ²⁹ nba mé ga mitsi nu Uyahudawa Uhelinanci nẹ, nde be sé ye gẹ̀dẹ niba uwa ³⁰ Kẹ bani ikiki kpu tẹ̀ tẹ, be vo'a bene Ukaisariya, nba gene'a nu Utarsus. ³¹ Ngene, nbanị́ aduwa ya Uyahudiya ni Ugalili ne si Usamariya gbi wa liyesi, nba wa ge kyé, nba gina zutuzu ni nzize ya Uyesu, ni ulufu usesele gayi ugi-gi banị́ aduwa legedu. ³² Kyekye me tẹ Ubutulusu gi gwo guleke gbi, ube ni banị́ aduwa ume nbele ni ile ya Ulidda tẹ. ³³ Nneye upa uni de umé avala gẹ̀dẹ Iniyasu tẹ, ume uzi liba nu iye tota tẹ, gebo gẹ̀dẹ uni fọ. ³⁴ Ubitulusu ga gẹ̀dẹ, Iniyasu nya wa gase nu liye kọ Uyesu. Ugẹ̀dẹ like nu ugwodo, ulike kukwa. ³⁵ Ngọ-gọ me nbele nu Ulidda nu Usarona pa uniye nbe gyi be nu Uyesu. ³⁶ Kyekye nu Uyafa utsagbani de ume avula gẹ̀dẹ Utabita, ume egine gẹ̀dẹ Udokasi. Unyine mé a me gatime usesele ugini nya leyegba ka banị́ me nba gyẹngyẹ la tẹ ³⁷ Uyi tu iyẹ te unyine ye abye liba, uni-tsi; kẹ a nyini unyine ye tẹ, ezi'a nguza kaa nki. ³⁸ Tu kẹ Lidda tsu-tsu ni Uyafa nẹ, nbatsagba wu gẹ̀dẹ Ubutulusu de nneye, nbe ne uni vo'a gẹ̀dẹ wa tsuku-tsuku ebe, uka bya la ³⁹ Ubutulusu like uge niba ne, ko unu tẹ, nbe bene guza kanki, uni'bu gyengye tsu-tsu nane nba sẹ baya, nba tsini'a guge kọ Udokasi ume umẹ ni utu me ude ni ba nẹ tẹ ⁴⁰ Ubutulusu geba gẹ̀dẹ be fụ gbi ekyi guza, ngene uvini uwa me aduwa, ngene ugini guwupa kana, ugẹ̀dẹ Utabita like. Ngene upye iyapu yana, upa Ubutulusu, udende. ⁴¹ Ubutulusu tana gubo kana umóa like ne; ngene kẹ, ubene'a nu ulayi ne ⁴² Nbanị́ kpu lika gumẹ̀ gbi ni Uyafa gyi gwó, nbanị́ ni gedu ne wolu nu Uyesu nẹ ⁴³ Ubutulusu dẹ̀ bya nu Uyafa nu unị́ de nẹ avula gẹ̀dẹ Usaminu Umajemi.