¹ Ubulusu wulu ni gitsi kana ne. Nu tuye nba ni aduwa tọpọ aliye gapa nu Uliselima, nbanime nba wulu nu Uyesu ne te, gbasa gẹ́ ilele yọ́ Uyahudiya si Usamaliya, usivu batsagba kili nbe le ni nnẹdẹdẹ. ² Bani ya aliman ki pụ isitifanu nba dẹndẹ gunyi gebo kana. ³ Nde Usawulu ume bana aduwa lika ubibisa, wa zyii gami-gami, uwa mọ bani belolo si banyine agene adẹ nu ubulusuna. ⁴ Si gayite, banị́ me nba wulu nu Uyesu te, nba gbasa gẹ́ guleke-guleke, nba gana me uwa'ai ya lika ka Usigapa. ⁵ Ufilibus gé Usamaliya ugẹ banị́ lika ka Usigapa. ⁶ Utu me nbanị́ yakpu wu, nba gini pa ibeme Ufilibus amẹ idadama te, nbanị́ ni iye gi ubẹmẹ uwa gẹ te. ⁷ Banị́ liba ka banị́ uno ni gedu ne ba wa gase, ni guyi uni kpukpu ne, nbanị́ liba ka gitsi ko ukpasade si banị́ me nba vu itipata te ba wa gasẹ. ⁸ Gayi te sinẹ banị́ iye ni ile. ⁹ Nde anya unide, avula gẹ̀dẹ Usaminu ni ginye ka ile ye, ume ni ngbọgbọ uvu uni gobo gamẹ ugini ame gatsii, wa me banị́ Usamaliya ibe ya anyini, wa vula iwu yana gẹ̀dẹ uni nikpukpunki. ¹⁰ Gbi banị́ Usamaliya, babyiki si itinubo, be wu lika kana, nba gẹ̀dẹ, unime uya ntsi me uwa me lika udadama kanko Usigapa te. ¹¹ Be wu ubeme u wa gete gebo ka gẹ̀dẹ wa me aka idadama ni gobo gume uwa me te. ¹² Nde ki nbaba wulu ni lika ka Ufilibus me uwa ge banị́ lika ke litse ka Usigapa ni lika ka Uyesu ne, ame ba Ubatizima gbii aba, belolo ni benyine ne. ¹³ Usaminu uni gobo game ni iwuyana ne wulu nu Uyesu ne, ka abama ubatizima te, uwa me gatume ka Usigapa ni Ufilibus ne. Ku wa pa aka idadama me Ufilibus ame te unidama'a. ¹⁴ Ku batsagba me nbele nu Uliselima be wu gẹ̀dẹ banị́ Usamaliya ba gu lika ka Usigapa te, nba nẹẹ Ubutulusu ni Uyahaya ne gene. ¹⁵ Ku ba ganu mote, nba me aduwa gẹ̀dẹ niba awa gakpu ka ulufu usensele. ¹⁶ Gebo ka ga gẹ̀dẹ ulufu agima be wozaba be la nde asi gima meba ubatizima kili, ni liye ka Uyesu. ¹⁷ Ubutulusu ni Uyahaya ne ba ba ibo ni lutu, ulufu wa Usigapa zwi iye yaba. ¹⁸ Usaminu pa gẹ̀dẹ batsagba ba banị́ ibo gi ba wa ulufu, u gi iku. ¹⁹ Ugẹ̀dẹ nyine a gimi ulufu ye du, gebo gẹ̀dẹ unime nba ba gubo kami, wa wa ulufu. ²⁰ Nde Ubutulusu ga'a gẹ̀dẹ "tsí ni iku yenye ne, nde nna ga gẹ̀dẹ agye Usaminu ko Usigapa ni uku ne la ²¹ Na ya gyengye ame ni nlika gume la, gebo gẹ̀dẹ iye yenye yayi sensele nu Usigapa ne la. ²² Gebo ka gayi te, nabo aka ibibi me nname te gi na gu Uyesu, gina me aduwa gẹ̀dẹ Usigapa amȯ aka ibibi yenye. ²³ Ma nyine gẹ̀dẹ iye yenye ni zo, nad4 nu uzunubi. ²⁴ Usaminu gẹ̀dẹ, "Me aduwa gimi, gi ubeme nna ge nmete aka yi nimine la. ²⁵ Ku nba ba ge banị́ lika ka Usigapa te, Ubutulusu ni Uyahaya ne kolegi be Uliselima; Ba me uwa'ai n utuwezi nbame uwa'azi ni ile-ile ya Usamaliya ni gedu ne. ²⁶ Nne Umaleka wa Usigapa ge Isitifnu gẹ̀dẹ lẹkẹ́ nna gẹ́ uzu gasa me utuwezi n ge Uliselima ge Ugaza te, "(utuwezi ye uyi ni gubize) ²⁷ Ulike ugee, ugagẹ, upa unide banị́ Uhabasha uni nikpukpu me unya litse nu Ukadakatu, useniya wa Uhabasha nna uvo gibe ka tie guye gbi. Ubẹ Ulisselima gẹ̀dẹ ana avini agi Usigapa ²⁸ Ubeme kolegi uba nu uvaka na, uwa mẹ̇ likalatu ka utakalada wa anebi Iseya ²⁹ Ulufu gẹ́ lika nu Ufilibus nee, gẹ̀dẹ, gee pele ni uni uvaka ye. ³⁰ Ustivi tsa'aki gẹ́ tua uwa me likalatu nu utakalada Iseya, ubi'a gẹ̀dẹ nya kpu ubeme nnya kalanta te li? ³¹ Ubahasw ye gẹ̀dẹ mame guneme gi nma kpu, wavu unide giwa tsini mi la? Ufilibus gẹ̀dẹ wo go aba nu uvaka nina ne. ³² Ubeme Ubahasha, kalanta te, uvu gẹ̀dẹ "Agena kanko ugọgọlọ gi age'a tsa uto nde wa ge gyengye la, uyi kana kpo. ³³ Ni lutu kana ge sine tize, aza'iwa yami ngo wa ge unime umọte? gẹ̀dẹ awa ni gase gume. ³⁴ Uni nikpukpu ye ba Ufilibus gẹ̀dẹ mẹ yẹ́ gẹ̀dẹ nya ge mi, ngo anebi mẹ age lika kana nu ukada me te? Wa ge lika ni lutu ka iwuyana g, ko ni lutu ka ka unide kókò? ³⁵ Ufilibus tọpọ alika ga ge, nu lutu ka utakalada wa Iseya, ugini me uwa'azi wa lika ka Uyesu. ³⁶ Baba na zu tuzu agee ni utuwezi, nba u ganu ka uzo unikpukpu de, uni nikpukpu me gẹ̀dẹ, uzo uyite, ngye wa gigi aka memi ubatizima la? ³⁷ Ufilibus gẹ̀dẹ, nde na wulu ni iye dede ne, amẹ ubatizima. Itipiya ye wulu gẹ̀dẹ Uyesu vu ubyi wa Usigapa ³⁸ Ubahashi gi ganu gẹ̀dẹ uva aluko guye agenge, nbe si zu uzo, Ufilibus ni uni nikpukpu ye ne, Ufilibus ma ubatizima. ³⁹ Ku nba be fu nu uzo te, ulufu wa Usigapa zu Ufilibus, uni nikpukpu ye apa gala, uwa zu tuzu agee ni utuwezi nwa mee mwana. ⁴⁰ Nde Ufilibus ge fu nu Izotus. Nde ni niye uwa me uwazi ni ile-ile, gbogbo ube Ukaseliya.