1
Unịdẹ̀ auala Gẹ̀ Ananiya n unyine ana usafalatu nẹ nba zụnẹ nnẹ̀ yaba,
2
Ananiya ni iku dẹ̀ mẹ, uzụnẹ gitẹ funẹ wo, unyine ana kpụ tẹ̀ ugẹnẹ iku mẹ ikitẹ̀ vo utsagbani.
3
Nde Ubitilusu gẹ̀ "Ananiya" ma mẹ gunịmẹ usetan zẹẹ tẹ̀ nya tsa amii ba ulufu usesele? Nya ni iku mẹ anya zụnẹ gitẹ kẹnyẹ tẹ̀ fune wo?
4
Utumẹ nnya zụnẹ gitẹ bele tẹ̀, ngẹ̀dẹ usi vu kana woyi Nya ba zụnẹ tẹ̀, ngẹ̀dẹ ikuyẹ sigini zu yeyi? Ngyeyi tse nnya ni iye yẹnye za iva? Wa vu unịyapụ nnya tsamiị bala, nde ma tsamii ba Usigapa.
5
Ubitulusu sa'a gẹ̀tẹ̀ ebye, Ananiya fulu tịzẹ Banịmẹ nbe wu lika ka gitsi ka Ananiya tẹ̀, nba mọ nzize.
6
Nbebyiki lòlò be nbe su gitsi kana gẹnẹ, nbe gẹ̀pụ'a.
7
Ni igii yana, unyine anạ fube, wa kpụ ubẹmẹ umẹ ubanana tẹ̀ la.
8
Ubitulusu byii unyine gẹ̀dẹ, "Gunẹ nyinẹ zụnẹ gitẹ kẹnẹ? Ugẹdẹ iku mẹ uzụnẹ tẹ̀ uyi tẹ̀.
9
Ubitulusu gẹ̀ unyine gẹ̀dẹ, "Ngyẹyi nnyinẹ kyẹ ganu nu ubana yẹnyẹ nẹ gẹ̀dẹ nyinẹ a mẹ ulufu wọ Usigapa apa? Pa nnẹ̀da ya banị mẹ nba gepụụ ubananyẹ tẹ̀, ni ganu kọ ukpaki, kyekyemẹ egepụụ'e nu ubana nyẹ nẹ.
10
Usi'agẹ̀tẹ̀, unyine yẹ falu tịzẹ uni tsii. Nbebyiki lòlò be nbe su gitsi kana gẹnẹ nbe gẹ pupa tsutsu ni bekune kọ ubanana ne.
11
Nzizẹ ni kpụkpụ mọ banị asuwa, si ba nịnẹ nbe wu lika guyẹtẹ̀.
12
Banị na ibe ya anyini ni gedu nẹ imẹ batsagba mẹ tẹ̀. Gbyi a baamẹ ibe nin nẹdẹ̀dẹ̀ nu utùzwi wọ Usulemanu.
13
Gọngọ azwi tuba la, nde banị afulu ababa.
14
Banị mẹ nba wụlụ nu Usigapa nẹ tẹ̀ be edu petẹ̀, belòlò,
15
nbe su banị mẹ nbayi gẹlẹ latẹ̀ afune utuwezi nbe ziba ni ibabala gẹ̀dẹ Ubitulusu ubana gụ utawezi yẹ, gumunu kana akulu ba gi ba wa gasẹẹ.
16
Banị ni gedunẹ, bene ni ile ile mẹ igii Ulisalima gọ tẹ̀, nbe bene bani me nba yi gẹlẹ latẹ̀, si banị liba ka banị unọ tẹ̀ asa sẹẹba.
17
Nde filisti uni kpụkụ dẹ ni banị dẹ̀ nẹ, ba mẹ agụ
18
Nba mọ ba dẹ nu ugulusuna.
19
Ni ginyẹ kọ utu yẹ umaleka wọ Usigapa be, ugwu ibaki yọ ugbulusuna yǝ, ufune ba gasẹ, ugẹ̀dẹ
20
nyinẹ agẹẹ, gezugẹ kọ guza ka aduwa, nyinẹ'a gẹ̀ bani lika ke wala yọ Usigapa.
21
"Kẹ be wù lika guyẹ tẹ̀, nba zi guza ka aduwa nba tsinị gbogbo uzu bye. Nde ufilasti unikpụ kpụki ni banị mẹ nba dẹ nanẹ tẹ̀, ba gi ganu nba vala batsagba yẹ banị Iseleyila uda, nbẹnẹ banị gẹnẹ Ubulusuna gẹ̀dẹ, efune. Batsagba yẹ ibene.
22
Banị mẹ ẹnẹba tẹ̀ gage'a ugbulusuna ye, nba pa gọngọ dẹmọla, nbe kolegi be nba ba gẹ̀tẹ̀.
23
I pa guza kọ ugbulusuna vu ugugu, nbani neki gà pwu bẹ̀gẹ ni gezu gekaguza, nde yapà gungo ni ka guza ko ugbulusuna la.
24
Ngene Huʒugẹ yọ guza ka aduwa ni ini kpụkpụ yọ ifilisiti nẹ wu lika guyẹ nba pụ ubemẹ nba mẹ ge bo kaba tẹ̀la; nba gẹ̀dẹ lika gumẹ uwe bẹnẹ.
25
Unịdẹ̀ be ugẹ̀ba gẹ̀dẹ, bẹni mẹ nyine leba nu ugbulusuna tẹ̀ gyengye ni guza ka aduwa, atsini banị ibe.
26
Ngene ituʒugẹ yẹ, ni banị ga tnie gamẹ ko gomo nẹ nba bạba gẹẹnba kolegi ba bene, nde ba sa amẹba, gbegbye, gebo gẹ̀dẹ ba mọ nzizẹ gẹ̀dẹ ube dẹulikye atẹ̀, ni ba ikwu.
27
Kẹ bene ba tẹ̀, nba gẹnẹ ba gagwo kọ uda. Ufilisti unị kpụkpụ da byi ba li gẹ,
28
"Ngẹ̀dẹ igẹ̀nẹ gẹ̀dẹ yinẹ aga mẹ uwazi ni liyẹ kọ Uyesu gala? ngeyi nyine ni banị atakpu tsi ni uwazi nẹ nyinẹ yẹ abẹnẹ lukọ, gya awu banị.
29
Nde Ubitulusu gene ba gẹ̀dẹ, "Nyine aye gẹ̀dẹ ya ba lika kene go, ko wo Usigapa.
30
Usigapa likene Uyesu me nyine watẹẹ ni bebekune.
31
Usigapa sua, vo ni nki ngobo galili kana, gede wa vu ugomo, si unime uwa sẹ̀ bani te, ugi bani islayi, nawa luzu gume nba wa gasẹ̀ na aka ibibisa yaba.
32
Ni igbagba pa ibeme, ni me Usigapa giyi ga kpute iya fulu abate."
33
Ki itsi-itsi lutu ko uda wu lika guye te iye yaba ni gii, nbeye awu batsaga ye.
34
Nde usalisi dẹ auala gede ugamaliya, uvu umali ye bani ibe izizi ga pwu, umẹ̀ nbani afulu aba tẹ̀ like gange ugede anabo batsagba yẹ̀ nbe fu gase tsyẹ.
35
Ugẹba gẹ̀dẹ, bani "Isilela, nyinẹ ayinẹ ubẹmẹ̀ nyine ye amẹ bani mẹ te sen sele.
36
Ni utu dẹnẹ utudas usu uwu yana gẹ̀dẹ̀ nna vu ubẹdẹ, nbani ideli ino (400) nba ba'a Lika kana, nyine wa, nbani "za" me nba bate gbyasa, gongo awu lika kaba ga la.
37
Ni ngiya na, Uyahuza banu ugalili bẹ nu utume azạ̀ bani te, ube nbani wu lika kaka na nba bà, ulika kana aba ya lutu la, nbani me nba bate gbasa'a.
38
Gẹbo guye te, ma gẹnẹ gẹ̀dẹ nyine anaba bani me, nde ibe ya ba iga vu ya bani yapu, ya gẹ̀ utowẹzi la.
39
Nde ubẹmẹ iba mete uvu wọ sigapa, nyine aba gezo la iga mo ne tipi nu Usigapa ne la. Ine nbani wulu ni lika kana ne.
40
Ine mba vala batsagba ye, nba luba itigi, nba sẹ ba gẹ̀dẹ ba ga me uwazi ni liye ko Uyesu gala, nba nabo ba.
41
Be fu nu utaziwe uda, mba me imona gẹ̀dẹ, agi ni ba liye gebo ko Uyesu.
42
Ni ngi yana, bene be guza ka aduwa zamzam, nba gina zyi gangan, ganga nba me wuazi zamzam gẹ̀dẹ Uyesu uvu Alimasihu, ume se bani te.