¹ Tu me abawulu gẹ̀dẹ gaye Italiya nba de Ubulus ni bani kyikyi ni ibo ya unide me a vala gẹ̀dẹ uyaliyas, ni tize ko Ubatalian, Ugustas. ² I zu gukpa ka uzo ni Udramatiya, u me u si gima a de iwu gi wa gẹ̀ ganu ko Ukogi wa Usiya, te, ii ge ukogi, ide nnenu, Ulistakus, wo Utasalonica, si umakidoniya, nba ge nii ne. ³ Niga yapukwu ne ii si ni usidon, nnme uyaliyas vo Ubulus sensele uwlu gẹ̀dẹ ba da yana ba uwa pa ba. ⁴ Nyinẹ mba ge ukogi nba nba ge likpo ka uzo wa ukabrus gebo ka afu ibibisa ume uyi ni gezuge ka ba ti. ⁵ Tume ii tse zana uzo ge ukilikiya nu ubamifiliya, ibe umila ni ulisiya. ⁶ Ni nneye, u soza iye pa yukpa ka uzo de ni Iskandariya ume uwa ge Italia te, u deyi nmo. ⁷ I ba me izi iva sunu ni utumozi i nu Usinidus lede, afu a wulu gi ya ge gubo guye la, gebo guye itse ukalita tsutsu ni salmina ne ⁸ I zutuzu ni liye ne, tse i tse sa ile de me a vala gẹ̀dẹ ile sensele ume u tsutsu nu ulasiya ne tẹ. ⁹ Keke me, i bya ni utumozi, utume Iyahudawa a mo lime te ke kana du Ubulus a wulu la gebo gẹ̀dẹ uvu utu ubibi me u gwo gẹ̀dẹ a ge nneki te. ¹⁰ U gẹ̀dẹ ba ya mi, n batuzu gẹẹ gume, i yaa ge'a me te gẹdẹ uvu ume waa gwo yi atu te, si ni gukpa ge tọlọ si ni ulayi wa yi ne. ¹¹ Ndẹ usoza ye ̈ude iye yana ni gezuge kana nu unume wa tolo gukpa te pe ibe me Ubulus a gete. ¹² Gebo gẹ̀dẹ nneye Ada gẹ̀dẹ ni u bafe ne la n bani ni gedu ne ya e ya ki nmo gi ya pa ka gẹ̀dẹ ya nu ufinikiya gi ya le nmo ni u bafe ne. Ufinikya vu nni gukpa ka uzo ga si u tse yapu ta gubo gapa ka gezu sa, u gini ta gubo gapa ka gada ¹³ Tu me afu ya gubo gada ka ni tene, n bani nneki gage gẹ̀dẹ niba wa u bene niba e ye te be. N ba likene gukpaa n ba su tuzu ni ukalita. ¹⁴ Utu de gẹ̀ nye afu be ni tsi eme vala gẹ̀dẹ uyulokilidon, utobo wa gai lu yi nu utsibirin. ¹⁵ Utume me gwu kpa iwa uzo ba, ugbafe ye ke vo ta itsi ineme afu tsi te. ¹⁶ Itsi i neme i yawa ukaliya tsu tsu nu utsibiri ne umi avala gẹ̀dẹ ukauda ni liye ne i kye uziligi ni gapa ko uni kpụkpụ. ¹⁷ Utu me nba like na ni ili ne nba kya gebo gede kade wa pili ni uyasi usiti nba nabo uziligi a guba. ¹⁸ yami upama ni abebeli afu kiki la, nyi iyapu gagune bane gatime ko uziligi nba tọpọ yi be ga kụ fune uni li nu uziligi ye te. ¹⁹ Nyi uzi utita bane gatime ko uziligi nba gba gba a gwo ibe me ile nu uziligi ye te ni ibo yaba ne. ²⁰ Izu ni gẹ̀ dunẹ yapa haskela yu uzu nye izu yen kye. Abe beli ni kpu kpu uwa fo yi, ifene iye yi gede ya nya. ²¹ Ubya mẹ, iya li ibe late Ubulus likye kye kye ni gezuge ke bane gatime ko Uziligi uwa gạ̀dẹ bane aga de nyine wu mi n gima a likye nu ukalita bela. Iya pa ibe yu bana ni ga pili gume iya me mi ti. ²² Ma gene gẹ̀dẹ ya mua ne liye, gebo gẹ̀dẹ ba unemi uwa lasa uli na ni gi ye kye gumi se wavu uziligi ti. ²³ Ni utu me wa be ti umalika wo Usigapa uni uvu wa mite, uni nma vini ma kya te, umalika yi gi tsutsu nami ne. ²⁴ U Gẹ̀dẹ nyine aka mo n zenzela. Ubulus ufu ntsi nyine gye ni gezuge ko ukasa, pa Usigapa ni gwupa kana u gye ibe me n gya zu tuzu ni yane. ²⁵ Gebo guye te bane yeyi ya mua liye gebo i wulu nu Usigapa ne ki a si gami te ni u sa yi ti. ²⁶ Nde a tswi a zune utsibiri. ²⁷ Utu wo ibone ino a sa tswi a gene te agene te ni ukogi uduya ni giye ko utu. bane ga timi ko uziligi bane mẹẹ gẹdẹ ba tsutsu ni tize gude ni be ²⁸ Ke ba mo yi pa ti ba payi ni azava. nutu kye nyi nba gini moa yi nba weyi ni azava ni itone. ²⁹ N zeze moa ba moa moa dika te a tsi ba fune ni ikụ nba tsi ibe ino ni ga bye ko uziligi nba me aduwa gebo gẹ̀dẹ iyapu tsutsu ga kụ be. ³⁰ Bane gatime ko uziligi wu uzo be ye utu wezi me nba nabo, be yi a tsi ukiki Ada nyi utekute, nba yẹẹ gẹ̀dẹ ba tsi de a le ni gezuge ko uziligi ³¹ Nde Ubulus ge nyi kpu kpu yu Isoza, n de bane mi gye gyẹngyẹ ni giye ko uziligi la, nyine a wa ga nya la. ³² Isoza nba tsi ile yu uziligi nba nabo'a u pili. ³³ Ni iyapu ga gwo Ubulus me uloka ba gẹdẹ bali ibe ilili, nyami izi ibone inu nba likye kye la ti. ³⁴ Gebo guye ma loko ne nyine a li ibe gebo gẹ̀dẹ tuzu kayi ko ti ke lutu kane ude a gya ga wala. ³⁵ Ni ga gate usu ibe ilili uma ugodiya gi Usigapa ni iyapu yu konko utobo ga mya uwa li. ³⁶ Nba li ibe dudu ba. ³⁷ Bani kpaku iva ni ibobo tova nyi tsei ne nba le nu uziligi. ³⁸ Nba li tsi ba nba si ikiki fene ni uteku, gebo gẹ̀dẹ ba uziligi aka le inu la. ³⁹ Nyi iypu ga ko ne ba kpu tize guye la. nde ba pa ile de nba tole uziligi ga ile ye. ⁴⁰ Nba nabo ibe dika le nye gye kwo utku nu utu dode, nba bana ili mee uwa gene uziligi nba sene gezuge ko uziligi nba ga gezuge ko uteku ⁴¹ mba nu neme uzo iva gwo te uziligi gye gye tize gezuge ko uziligi zwi tize ba be be ge tsu la Nkulili wo uziligi se gebo ko uzo. ⁴² Ni iye yu Isoza be ye gẹ̀dẹ ba wu bane i bulusuna gebo gẹ̀dẹ ba ka wa ga kye la ⁴³ Nde gezuge ke Isoza wa ye gẹ̀dẹ na si'e ubulus, u nabo ube me ugyi ma ye te, bane me nba bi ga fulu tsezana uzo ba ga ni gyana ⁴⁴ Balọlọ kiki nba baa n gi ye dika ba ni ikatakpo imiyi imiyi bane dika ba nyi ibe gbala yu uziligi nyi ga yi te i nu gayi lafiya.