¹ Ugalibas gẹ̀ Ubulusu, "Gẹ̀dẹ nya bi iwuyene gẹ̀ fune." Ubulus goni gubo utobo wuo iwayana gẹ̀ fune. ² Ma mua imuna ugomo ugalibas, gèbo gẹ̀ ibẹ̀ mẹ̀ẹ Uyahudawane abene nye lutu kami nyami te. ³ Nkpu gẹ̀ dẹ nya kpu agẹ̀ yi Uyahudawa ne, ni ibẹ̀ ya ba ne. Gẹ̇bo guyẹ̇ te ma mẹ̇ẹ ulokonya mi ankuli nyi wu ba. ⁴ Dudu Uyahudawane kpu kaba gẹ̇ gẹ̇dẹ nimi mẹ̇ẹ libigi nye ntsi yami ne nu Uluselima. ⁵ Ba kpumi ni ngbongbo, ugwo gẹ̀dẹ ba wulu gẹ̀dẹ mẹ̀dẹ kan ko uba-falase be bani litse gume a wuli ka la te. ⁶ Kye kye mi nimi gengye gẹ̀dẹ atsi mi iwa gebo ke Anikawali umi yi nyi gaki gaki kami nu Usigapa sẹ̇ Ada yine ne. ⁷ Anikawali mẹ̀ guki ibone eva ma dẹ̇ ni iyẹ̇ yaba gẹ̇ de ba dava gi Usigapa utu nu uzu nẹ, ni iyẹ̇ gẹ̇ de, ugomo Agliba gẹ̇dẹ Uyahudawane ba gyẹ̇ na tutu. ⁸ Ngyẹ̇ yi uni di wa mi utunani gẹ̇dẹ uvu be udadama gẹ̇ dẹ Usigapa likẹ̇ banẹ̇ tsi tsi? ⁹ Ngi ma mẹ̇ ibẹ̇ mẹ̇ vu gẹ̇ vu gẹ̇zugẹ̇ nẹ̇ liyẹ̇ ko Uyesu Ubanazalet. ¹⁰ Mẹ̇ ibẹ̇ mi nu Uluselima, nė gu ukulukuku gẹ̇ bo ka ntsi mi wa nyẹ̇ banẹ̇ ni kpukpu yu tsa-gobo mba wu ba, nimi wulu ni ba-nẹ̇. ¹¹ Nba be liyẹ̇ nyẹ̀ gẹ̀dune nyẹ́ guza gẹ̇ Aduwa ma lika dudu ge dẹ ma ba ntsi mba ka mẹ̇ẹ ibe ti mẹ̇ ba ubẹ̇ uwa yẹ̇ lẹ̇ lata ga ile ile nye tize kẹ̇ banẹ̇. ¹² Utumẹ̀ mẹ̇ẹ ma mi aka miti, nimi ngai udamasika ni gẹ̇ yẹ̇ ntsi nyẹ̇ banẹ̇ nyė kpukpu yu tso gobo ne, ¹³ nye giyẹ̇ ko tuzu kami ni uzu zaza, ugomo, nimi kpu lika ko uhaske umi fu ni nki umẹ̇ fu nki uwa tsini inono uwa gi mi ago, uwa zu tuzu nimi nẹ̇. ¹⁴ Dudu yẹ̇ ipili zi tizė iwu kuli gudẹ̇ uwa gȧ lika nye kuli ko ublahi ne, uwa gẹ̇ dẹ Ushwulu, Ushawulu gė bo ka gyẹ̇ na gi me liyė? unya liyė gi na pa ibe sele. ¹⁵ Nẹ̇ẹ gẹde 'na vu ngwo Ada?' Ada gya amsa, 'gẹ̇ dẹ ni mi nvu Uyesu mẹ nya gimi liye te. ¹⁶ Kẹ̇ kẹ̇ mi likẹ̇ gyen-gye, gẹ̇bo ka akai mi ma tsi nẹ̇ aka mi nya vu bėfẹ̇ nẹ̇ ga kpu ne ni lutu kami, ma tsine ne gezu ge te. ¹⁷ Ma fune nė giye ke bane nye banẹ̇ nẹ̇ mi nẹ̇, gite ni wuze ba te. ¹⁸ Nya pẹ̇ ba iyapu nẹ̇ aka yaba yu utu a ganẹ̇ u, zu nẹ̇ẹ ysi yu usatan aganė yu Usigapa, gẹ̇ bo gẹ̇ dẹ ba na bo aka ibibi ma dẹ̇ ba nu tuwezi ti ne wa zẹ̇ mi.' ¹⁹ Gẹ̇ bo guyẹ̇ tẹ̇ ugomo ugalibas, gẹ̇ dẹ̇ ni fulu be me npa nye nki te. ²⁰ Nde ni gbongbo bane me a ce ni udamasika, si Uluselima sė tize ko Uyahu dawa kali kali ni banẹ̇ ba nabo aka ibibi nba gi yapu mba ba Usigapa, gi mẹ̇ vu ti yẹ aka bibi me nba nabotị. ²¹ Gẹ̇bo ka a gai mi Uyahudawa ne bẹ̇ yẹ̇ tuwẹ̇ zi me ba wu-mi te. ²² Usigapa demi ibo har kėkė mė gė bo gẹ̇dẹ ma be gẹ̇ gyen gye ni gẹ̇ zu gẹ̇ ka bane gigi si bane kpukpu, ma gi usaida gami nye ibe mẹ̇ Annabine su Unusa gẹ̇dẹ ya yẹ̇ tẹ̀. ²³ Nde Almasihu wa pa li yẹ̇, wavu ngbongbo mẹ a likẹ̇ nẹ̇ tsitsi, gi ba gẹ̇ lika mẹ̇ a likẹ̇ nė tsitsi, gi ba gẹ̇ lika ko uhaske a gi bane iyapu si Uyahudawa ne banẹ̇ ni. ²⁴ Ku Ubulusu fune iwuyane, ufestas gai lika nẹ̇ kuli nẹ̇ẹ kpukpu, ugẹ̇de Ubulusu nami gumu ko, ga kpu kye uwa de gumu. ²⁵ Nde Ubulusu gẹ̇dẹ ma mi gumulo ni kpukpu Ufestas, nde ni liye bitsi ne ma gai akami ne lika ti nye iwuyami ga mwabone. ²⁶ Gobo gẹ̇dẹ ugomo kpu ibe mẹ̇ dudu gẹ̇bo guye ma gai lika gume nye ntsine gobo gẹ̇de anya ibẹ̇ mẹ̇ vu iwowo ni woze tila. ²⁷ Ko na wulu ne Annabi ne ugomo Ugalibas? Nimi kpu gẹ̇dẹ na wulu." ²⁸ Ugalibas gẹ̇ "Ubulusu gẹ̇dẹ ni tu gengyi nye yi gẹ̇dẹ ma vu Uklista?" ²⁹ Ubulusu gẹ̇dẹ "Ma mi uloko nu Usigapane gẹ̇dẹ nu tu gẹ̇ nyi ko ugẹ̇ gė likpa avu nye kili la si bane mi nba wu mi ni uzu wa nyami ba yi kan kokwa mi ndw ba ne batigomo ne mane. ³⁰ Ugomo likẹ̇ kyen kye ni ba si ugominane si ubaniki si banẹ̇ mẹ̇ a dende nya ne tẹ̀. ³¹ Nba nabo ni ga gwo, nba gai lika nye dika ne nba gẹ̇dẹ, unumi ami lika gumi a wa tė la ko ko agwa tẹ̇ la. ³² Ugalibas gẹ̇ Ufestas "Gẹ̇dẹ uni ye gima su guye gene ni Ukaisali la nte a nabo'a be.