¹ Izi ita 'ana Ufestus ge gubo guye ufu nu Ukaisaliya ga Uliselima. ² Utse- gebo ni uni-kpukpu ya Iyahudawa bene lika ni lulu Ubulusu , nyine nba gaa géda. ³ Giwa me ubeme waa de ubulusu lika le géda Ufestas wa mye Ubulus a gene Utiselima, gi nniba a wua ni Utumuzi. ⁴ Nde Ufestas gi-ba lika gé dẹ Ubulusu me ude ni Ubulusuna ti ni tize ko Ukaisaliya ti wa koligi abẹ. ⁵ Nde bane me ba baye, nde unime kpu aka ibibi yu unime wa kya tutu. ⁶ Uzu tota nu ubone u kye kana ga Ukaisaliya, nye i ya pu ga gu kana u dende ne ga dende ka lika gatsi ugede abane Ubulusu gegu kana. ⁷ Ubulusu be, be , Uyahudawa ne mi be gi-yé ttsutsu nane ti mi ba bene i kala yili yili, nde a guyala. ⁸ Ubulusu fune iwu-yana, "ma mẹẹ gongowo lika bibila; ko Uyahudawa ne ko ni guza gé aduwa ko ugomo. ⁹ Ufestas wa ye ga nyine nu wuzi Uyahadawa; gebo guye ti ubi Ubulus gédẹ" nye gé-dẹ nya géuliselima nga tse iwa ye be mé? ¹⁰ Ubulusu gédẹ "gyengye ni tise ga iwa ga tsi atsi mi iwa, ma mé uyahudawa aka ibibi la , ki nyine si kpu ti. ¹¹ Nde m aka ibibi se awumi, ma gye mee tsi la. Nde tutu kane uvu ami, kede gongwo atse mi agi ba. ma su lika ma vo ugomo tise." ¹² Ufestas ba dende ni itinibo ya bane uge ba gede" Nyine vala batigomo nyine gai ni batigomo," ¹³ Ami izi iva ugomo Agalibas nyine barniki ne nba nu tize ko Ukaialiya gebo gede ba pa festus. ¹⁴ Izi ni gedu ni Ufestas ga Ugomo lika ko Usalka nu ufilikus unabo ukuluku. ¹⁵ Utume nde nu uluselima ti utsi gebo ni bane ne kpukpu yu Uyahudawa ba ba-ne ukala ni iwu wezana, nba loko gede awa. ¹⁶ Ni lika guye ti ngaba gede ube mi nyine ana mi ni Ulomawati, unime abane lika kana ni gezuge gi bani lika te, na gi na fune iwuyana ni gegu ka bani lika. ¹⁷ Gebo guyeti utume ba gowoti ma byala, ni iyapu ga gune ma dende ni kuki vi iwa ga tsi, gi ma gigi a bene uniye.b ¹⁸ Gi bani lika ge bane, ba ge lika kaba nimi kputi gede lika li ayi ni gyekana la. ¹⁹ Nimi kputi gede aka yaba ivu aka mi aze iwa ni lika ko uni de mi uvu Yesu ume tsi be ti, umi Ubulusu ge de unya aii ²⁰ Ma kpu gi ma zu lika gumi tela, nimi bya lika gede ko wa ge Uluselima gi aka tsa iwa ye akami yo. ²¹ Nde Ubulusu a ye ge de aka tsi iyapu fene nani la ugomo tsa iwa, ugede a ga za ma ba tsuwa avo ugome" ²² Ugalibas ge Ufestas gede mi ye ge de ma wu unume. "a gule nyine wa" in Ufostus ²³ Ga ya puku kana Ugalibas nu baliniki ne, isoza si itinibi ne i gbade te bani ntsi nba de-nee isoza si itinibo ye iie Ufestas gi ganu gede fene Ubulusu. ²⁴ Ufestas gede ugomo uga litas nyine mi nyine le nimi ne mi ti nyine pa unimi bane Uyahudawa kpu tuzu gumi izu tun ni Uluselima gbogbo be inemi ti ma be sumi li gba gede anabwu nu uii ne te. ²⁵ Nimi ma kpu gede wa mi gengye me a wa te la, Nde a su,a a gene ni ba tigomo, ntsi lika gede a gana. ²⁶ Nde ma kpu akak de ma ma ga Utakalda mavo ugotote la gebo guye nbana gegu kine tutu nyine ugomo Ugalibas. ma wa ubeme ma ka nu lutu kana. ²⁷ Ni ga pa, uvu ibe ibibi ga ubi wo ugome ma ka ga ibe ibibi ni lutu kana la.