¹ tume isi lafiya, iwu nba ga-de liyẹ̀ ka nye ne uvu utsibilin umalita. ² Bane iliye Bafu bani Aniheli ba gwo guwa ga-de ya wa gẹ̀bo kwo ugbo wa ki uni be te ntene a mwo. ³ Nde Ubulusu ye iki ye giwa, gebo giwa ngwa fu ukala ibo yana ne. ⁴ Nba ni iliye nba pa gwa kala ibo yana ne nba gai- iwuyaba ga-de, nba ga-de unimi fu uni nya ga wu, "Nde ufu nyị giye kwo uteku to, iwa ga tsi snsbwa nu uli ne la." ⁵ Nba ba nyi gwa denyi gwa ba we a cucela. ⁶ Ba si gutakpu gẹ̀dẹ ko wa fu uyi ko utsutsi, nde ba pu utu gye nye ba pa gym kyela, nba utunani ba nba gẹ̀dẹ ko ufu utut gbogbo. ⁷ Tsu tsu nye utsibili uno; wo yi bane kpukpu yu utsibili uni liye ubabiliyas u gwẹ̀ẹ yi ugi ibelili ye izi ita. ⁸ Nii nye Ada yu ubabili yas wa mẹ̀. Liye nye itene zwizwi, Ubulusu zwi uma Aduwa uba gubo nu lutu uwa ga sẹ̀ ⁹ Niyi ga yi bene kikime ayi gele la nu utsibili mba be mba wa ga sẹ̀. ¹⁰ Bane fulù baye tume mi ya like ke yi te ba gi ibe me i ye-ye te. ¹¹ Ni izi ta mẹ̀ẹ kye te i zwi uziligi yu Uskandaliya nyi yu wo ugbefe wu utsibili unya asa i kolobi balolo. ¹² Nigi ki ba sene ibe ni ile Usiraku ime izi ita nyene. ¹³ Nyane ni gai i ga sene nyi ile uligi yumi uzu kye afu nitsi ni Gada ulike nii giye ge izi iva i nu Ubutiyoli. ¹⁴ N Naye i pa bane yeyi nba mẹ̀ẹ uloko ga-de, ya dende nẹ nyi ba a gai uzu tova. Ni tuwezi mẹ i be uloma. ¹⁵ N-bane ye-yi ge wu te nba fu ba gwi yi nyi gige ko Ubiyas ni ilefu ita, Ubulusu pada umi Usigapa ugodiya, uwa ga nya ntsi. ¹⁶ Utu me nba zu uloma awulu Ubulusu keli wa dende nyi isoza me apo ne kite. ¹⁷ Izi ita kye Ubulusu vala itini bo ye Uyahudawa utume nba gwo te u-ga-ba gai-de, bane yami avu ga-de nmi unide aka ibila ko iye ko itaki ye Ada-yene si ga yiti a tse me gyi akye mi nyi Uluselima ni ibo ye bane yu uloma. ¹⁸ Bani i wa za nba ye ga-de ba nabo mi ba ga-de mi aka ibibi mẹ̀ awu mi tẹ̀la. ¹⁹ Nde Uyahudawa gye ni ntsiya ba ga-de ma su lika ma gene ukaisali ba ga-de su lika kami ma gene fo bane la. ²⁰ Gebo guye nma mẹ̀ yene ma pa ma gai lika ninene gẹ̀ tse iyapu gaba ko uslailan ne nba nya te akye mẹ̀ na atsangba. ²¹ Nba ga gẹ̀-de kpayi iya gwu utakalda ni Uyahuda wa ni lutu kami, gwonggwo a bene lika nyi lutu kai nye la. ²² Nde yè-ye gà ya wu ngye fu utumani nye ni lutu ko udalika mi nde ya wu wa inono. ²³ Utume nba za usu ti, bane nyi gẹ̀ dune ba tò-wa ni gạ sine be yana. Uwa gạ̀-lika nyi lutu kẹ̀ ga nya ko Usigapa, wa yẹ̀ gẹ̀-de nya mwa iyẹ̀ ya ba a gane nu Uyesu, utume a ka itakalada ni lutu kwo Umusa. Ni uanabi ne, umẹ̀ lika gumi afu ni tu sẹ̀ uzu ganẹ̀. ²⁴ Banẹ̀ gạ̀ te ne la, nde bane mẹ̀ afu bane ga wulu la. ²⁵ Bavu bane ga wulu nẹ̀ dika ne la nba ga ni ngine utu mẹ̀ Ubulusu gạ̀ lika gude te, "Uluhu ga lika ni wozẹ̇ anabi Ishaya ni utu wo Ada kpune. ²⁶ Ugȧ dė ni bane yẹ̇ ni gaba ga-de ni ga wu, nbe ba kpula. ²⁷ Nde iyẹ̇ yu unumi uyi ka-gẹ̇dẹ gutakpu ka ba ba kpu gyẹ̇ nyi nba kulu iyapu yaba, gẹ̇ bo gẹ̇-de ba ka palȧ ba ka wula nẹ̇ atakpu yabane ba kpu iye ya ba, gi ba gẹ̀ nba wa ga nya." ²⁸ Gẹ̇ bo guyẹ̀ tẹ̀ nyine akpu ga-de ga nya ko Usigapa a kana fo banẹ̀ ba wụ. ²⁹ Utume uwa gạ̇ aka mi te, Uyahudawa ne like nba mẹ̇ umusu ni iwu ya banẹ̇. ³⁰ Ubulusu dende iyẹ̇ iva ni gami kwo be nyine te. ³¹ Uwa tsine bane wu Ubangiji Uyesu Kristi ba zẹ̇ zẹ̇, ba umumi bi ga gyen gya te.