¹ ubulusu nyinẹ batsagba ugẹ̀dẹ banị́kọ ya zutuzu usele nu usigapa nẹ, gbogbo e be nyẹmẹ. ² Haniya uli-lutu ka ifirisiti gi banị́ ganu gẹ̀dẹ e tu'a ibo ni ganu. ³ Ubulusu gini gẹ̀dẹ usigapa e tu'e umẹ bibi mẹ nya eye amẹ gatimẹ ni ibe izizi nẹ, a zami iwa ya ibe izizi gẹ̀dẹ aka lu banị́ la, nde nyẹ eye avu ya? ⁴ banị́ mẹ nbe le tsutsu na'anẹ tẹ̀, gẹ̀dẹ ana kyẹ ufirisiti wọ usigapa tọtọ tẹ̀ go?" ⁵ Ubulusu gẹ̀dẹ banị́kọ yami nyinẹ̵'a kpụ gẹ̀dẹ uvu ufirisiti la, a ka si gẹ̀dẹ aka kyẹ ili-lutu ya banị́ yẹ nẹ tọtọ la. ⁶ Ubulusu pa gẹ̀dẹ banị́ gubo gudẹ̀ vu isadukiya n gubo gudẹ̀, vu ifarisawa u gẹ̀ lika gbo, ni uda banị́kọ yami nvu bafarisi ubyi mọ́mọ́ ya ufarisawa, gebo gẹ̀dẹ, n tse yapụ ba gẹ̀ lika nnẹ̀ bekune, nyinẹ'a zami iwa. ⁷ Usi ba ga e tẹ̀, ngamitsi sẹ zwi isadukiyawa nẹ, ni ifarisawa nẹ nbanị́ tsi iva ⁸ Gebo gẹ̀dẹ isadukiyawa gẹ̀dẹ, a na gẹ̀ lika la, anya umaleka la, agini nya ulufu la, nde ifarisawa nẹ, wụlụ gẹ̀dẹ ibe yẹ yi tẹ̀. ⁹ Nyine u zaza like, nbanị́ ibe ga-ka ka Ifirisawa like me gamintsi gẹ̀dẹ, Ubulusu a me gyẹngyẹ ibibisa la. U ga vu gẹ̀dẹ umalaike ko ulufu ge lika na'ane pa? ¹⁰ Tu me gamintsi ni kpukpu ba zwi ba, uli-lutu ya isoza iye mo nzize gẹ̀dẹ aka wu Ubulusu la, u ge isoza gẹ̀dẹ ba si gi ba ga gwu Ubulusu ni ntsi ne eki baniye egone woze'ana ¹¹ Ni utu ne, Usigapa gyẹngyẹ tsutsu nane "Ka mo nzize la, kẹ nya si ge lika kami ni Uliselima te, nya si gini'a ge lika kami ni Uloma" ¹² Ga yapu ku kana, i Iyahudawa de me ganu gẹ̀dẹ ni ba awu Ubulusu la, ni ba a li ibe la ¹³ Banị́ nba kyè aka iye ni banị́ wogba. ¹⁴ Ba ge ni uli-lutu ka ifiris si batinibo nba gẹ̀dẹ "I me iwu yeyi ganu gẹ̀dẹ ya'a wu Ubulusu la ya li ibe la" ¹⁵ Gebo guye te, nyine itinibo a ge uli-lutu ka isoza gẹ̀dẹ wa esine Ubulusu, ka gẹ̀dẹ e bye lika guye tee. Niyi te iguzi de iwu me ya'a wu'a tse gi wa nu nneme te be. ¹⁶ Nde ubyi wa unikwo Ubulusu unyineni wu lika guye, u gwo ga ge Ubulusu te ¹⁷ Ubulusu vala unime u wa pu'a te gẹ̀dẹ wa vo ubyi ye a gene ni uli-lutu ka isoza, u nya ubede a ge'a li. ¹⁸ Unawa mo ubyi ye, gene'a ni uli-lutu ka isoza u gẹ̀dẹ, Ubulusu me a mo'a de ni guza te gẹ̀dẹ me bene ugbadefe me woze enye gẹ̀dẹ unya ubede age'e. ¹⁹ Uli-lutu ka isoza ye mo ugbadefe ye gene kpasa de, u bi'a "Ngye nye nya age mi? ²⁰ Ugbadefe ye ga'a gẹ̀dẹ "Iyahudawa kye gẹ̀dẹ ni ba a ge'e gẹ̀dẹ nya efune Ubulusu e sine nni ga-gwo guye egule, ka gẹ̀dẹ eye a kye iwa tẹẹ. ²¹ Nde ka wulu la gẹ̀dẹ banị́ pe wogba me nba me ganu gẹ̀dẹ niba a wu'a la ni ba a li ibe la te. Ko kyekyeme, ba ngye a pu gẹ̀dẹ nya fune'a. ²² Uli-lutu ka isoza ye ga'a gẹ̀dẹ wa ge kana, nde "uka ge gongo te la". ²³ U vala usoza me uwa pu Ubulusu te u ga'a gẹ̀dẹ "nyine a fune isoza kpaku iva, si banị́ ivala ubo-bo tova, ni banị́ gutso kpaku iva gi ba ge Ukaisariya ni itu gaki-gaki ne. ²⁴ U gini geba gẹ̀dẹ ba ye guzikpa gume Ubulusu wa tolo te, gi nyine egene'a ni Ufilikus gomina. ²⁵ Uka uwasika te: ²⁶ Atsu kuludiyas Lisiyas vo uganibo, Ugomina Ufilikus. ²⁷ Iyahudawa mo unume, nbagima eye awu'a, nde nwu gẹ̀dẹ uvu banị́ Uloma, n gene isoza nba fune'a ni ibo ya ba ²⁸ N vo'a sine nni gagwo ka ba gebo gẹ̀dẹ n gima eye gẹ̀dẹ ma kpu ubeme ugwo ba te ²⁹ N wu gẹ̀dẹ ba za'a iwa gebo ka lige gume ebi'a ni lutu ka ibe izizi ya ba te, nde wae pili wa ga gẹ̀dẹ a kwo'a ko ade'a ni guza la ³⁰ N gini wu gẹ̀dẹ awu'a, gebo guye n fune'a gene woze enye bili, n ge banị́ me n lika gwoba na'ane te gẹ̀dẹ ba ga za ni gegu ka nye. A tse'o ³¹ Isoza iye fulu ba lika gume age ba te. Nba vo Ubulusu ni utu ne gene ni Antibatris ³² Gayapu ku, isoza ni gedu ne gi banị́ ivaka gi ba de nne ni Ubulusu ne, n niba ni iwu yaba ne kolegi ge gunne. ³³ Banị́ ivaka iye ga nu Ukaisariya nba gi Ugomina uwasika, n ba gini nabo Ubulusu gi'a ³⁴ Ugomina ba ni uwasika ye pa, ubi lige gẹ̀dẹ Ubulusu vu banị́ gubo guno? U ba wu gẹ̀dẹ u vu banị́ gubo ka Ukilikiya te Banị́ me n lika gwo'ene te ibebe, ma'e zi ³⁵ gutakpu ma ewu ubeme ugwo'ene te tsimi. U gi ganu gẹ̀dẹ a mȯ Ubulusu a de ni utazwi wa Uhiridus