DCS-Mirror-krispy_ged_act_text

Ya ubo ne tono

¹ Uyi tẹ, kẹ Uapọlọ de ni koranti tẹ, Ubulus tse gapa ke guleke, u zwi ile yo Afisa, u pa batsagba de nneye. ² Ubulus gaba gẹ̀dẹ nyina gu ulufu usensele kẹ nyina wolu te? nba ga'a gẹ̀dẹ nnyi, ni be wu lka kọ ufụlụ usensele la. ³ Ubulus gẹ̀dẹ ni ngye nyina me Ubatisma? nba gẹ̀dẹ nu Yohana uni Ubatisma. ⁴ Ubulus gine ba gẹ̀dẹ Ubatisma wo Uyohana game uvu Ubatisma wa gẹ̀ tuba, u gẹ̀ banị gẹ̀dẹ ba wolu ni unimẹ uwe be ni igi yana tẹ, nẹ ne ni uvu uyesu . ⁵ Ke banị wu tẹ̀ tẹ, ba me Ubatisma nliye kọ Uyesu. ⁶ Ke Ubulus baba, gubo tẹ, Ulụfụ usensele si ba baa, nba gẹ̀ lika n guke guke idika, ni annabci ne. ⁷ Ggi aba bayi bani iboneva. ⁸ Ubulus dẹ ipye ita ngam kọ Usigapa uwa mẹẹ lika, ugina ge bani lika ko umuki wo Usigapa. ⁹ Nde kẹ Uyahuda idika me gamitsi nba gye lika kana tẹ, ba sa ge lika ubibi ngedu kukwa. Gebo guye te Ubulus nabo ba usu Batsagba nane, uwa tsini ba lika ko Usigapa zam n guza ko tiranus. ¹⁰ Lika guye yi te nu iye iva, gebo gẹ̀dẹ bani me nbe le nu Asiya gbyi tẹ, ewu lika ko Usigapa si Yahudawa nu Helenawa nẹ. ¹¹ Usigapa a me lika uni kpụkpụ ngubo ko Ubulus. ¹² Si ukyallaye nu guge kana ne a se bani banị aba, nba wa gase i Ulufu ibibi efu eki ba. ¹³ Nde i Yahudawa me nba gẹ̀ tuzu tẹ efunẹ banị unọ ni liyẹ kọ Uyesu ne. Ngene ba gẹ̀dẹ nliyẹ kọ Uyesu ume Ubulus avala te, ni ba gi ganu gẹ̀dẹ nyefu. ¹⁴ Banị me nba maka iye tẹ yi bam ba tova, bebyi yo uni nukpukpu dẹ banị Yahuda, ume avala gẹ̀dẹ Usiba tẹ. ¹⁵ U ulufu ubibisa gine ba gẹ̀dẹ Uyesu nna kpu, niba ni Ubulus nẹ, nyina vu ẹnẹ ngwo? ¹⁶ Ulufu ubibi mẹ uyi nu unuye tẹ fu tẹ u nya ntsi pe ba uwo luba. Tse nbe fu ẹnẹ ye na kyi ne ga tulele, nba kụ gwatu. ¹⁷ N yahudawa ni Helenawa nẹ eme nbele nu Afisa tẹ, ni wu gbyi n zize mo ba tsim, n liye ko Uyesu wa ga nyi. ¹⁸ Ngene nba ni aduwa ni gedu ne be nba ba ge aka itsuku me nba gi ma ame tẹ. ¹⁹ Ba batsi bene ibe gbala yaba adu ngeduka gwongwo.Ke ba za gedu ka bani tẹ,baniyi kuri ukpaku wo azufa. ²⁰ Gebo guye tẹ lika kọ Usigapa za gwọ nneki ni ntsi nẹ. ²¹ Keke me tẹ, ko Ubulus me gatime kana bye nu Afisa tẹ, iye yana su nu ulufu gẹ̀dẹ ne tse makidoniya nu Akiya agẹ̀ Uliselima. ugẹ̀dẹ tu kene gwozi de nneye te, na gi na gẹ Uroma. ²² Ubulus ne banbava yana me nba da ibo tẹ, utimoti nu Irastus nẹ, ume nba daibo te, nba ulufu da na nmo tse. ²³ Tu iye te uzaza unukpukpu nki like nu Afisa gebo ko utozi iye . ²⁴ Uni umakeli me avala gẹ̀dẹ ume, ume Azufa wa litse wo uluba gebe ne moa tẹ. ²⁵ U vala bani gatime game gwo nneye, u gẹ̀dẹ ugẹ̀bo nya kpu te gẹ̀dẹ n gatime gume a we ikụ tata. ²⁶ Nya nyine, nye wu, gẹ̀dẹ wa vu gẹ̀dẹ u Afisa kili la, nde gbyi nu Afisa du, gebo gẹ̀dẹ Ubulus ginie banị̇ bene u towezi usensele. Ugẹ̀dẹ Usigapa dẹdẹ ayi ume ama ni gubo nẹ tẹ la. ²⁷ Avu gẹ̀dẹ gatime kai a nya ge ye kili la, nde guza ka aduwa yo upye ye ẹnẹ su zi gyengye la. Gebo guye te gwọgwọ esu'a ezi gẹ̀dẹ uvu gyẹngyẹ unukpụkpụ gala, na me U asiya ni udiya nẹ a vini agya tẹ. ²⁸ Ke nba wu aka me te, bani lele ni ipisi ne, nbe su ligba gẹ̀dẹ unikpu uvu udayana wo Afisa. ²⁹ Ile ni gi tata ngwọ gwọ atsaki a ge ngebo guye. Nba mo banị ye Ubulus ume awa gẹ̀ tuzu ni bane tẹ, me ge ugayu nu Aristakas, ume nbe be ni makidoniya tẹ ³⁰ Ubulus eyẹ gẹdẹ na zwi gi nye ka gedu ka bani nde batsagba yana awulu la. ³¹ si batinibo de ume nbe le ni guleke kọ Asiya, ume nba vu belọlọ a na tẹ ne usako de vo nitsi nẹ gẹ̀dẹ uka zwi nmo la. ³² Ba kpu u atata la, tẹ, gwọngwọ se su ana ligba. Bani idika aba akpụ u beme ubene ba gwọ te du la. ³³ Gẹ̀dẹ kọ Yahudawa egu Uskandri agẹ̀ne gezuge ka gẹ̀du, Uskandri gwene ibo nki gẹ̀dẹ na zaa lika a giba. ³⁴ Nde kẹ ba kpu tẹ gẹ̀dẹ uvu banị Yahudawa tẹ, be su ligba bya, ni gule gudẹdẹ nẹ gẹ̀dẹ Udayana ya Afisa gẹ̀ ngyẹ. ³⁵ Nde ke bani nnki ga nyine kẹ ile gigi ngedu yi kpo te, u gẹ̀dẹ nyine belọlọ yo Afisa, n gwo uwa kpu te gẹ̀dẹ ile gẹ̀dẹ yo Afisa vu gam ka aduwa ye ibe gele ko dayana ugẹngyẹ te la, si yo upọltọ me uwe si ni nki te la? ³⁶ Nyina kpụ tẹ, gẹ̀dẹ ya vu ibeme nyiya gye te, la, gebo guye te, nyina yi kpo nyina me gyẹngyẹ uvava la. ³⁷ Nyine benebị nni Usheria ume nba va ba gamotsi nu gam ko aduwa kọ bani aka yo upye. ³⁸ Gebo guye tẹ uvu udamatraya nu banị gatime kaba nẹ, ume akye ba tutu tẹ, uni Usharia gu giba tinibo limo li gebo guye teba kye idiya tutu. ³⁹ Nde nye ye ube dẹ gebo ka lika dika, lika guye ebye nneme a gwọ zan te. ⁴⁰ Gebo gẹ̀dẹ ile ni lanaso wa ga gẹ̀dẹ a kwa izaza abeyi gebo guyẹ tẹ linaso ayi la, duya zaa ya nu la, ⁴¹ Ke uwu lika gume tẹ, u gẹ̀dẹ gwọngwọ ap