¹ ke aka me kye te, Ubulusu like ki Uantakiya, ukye gé Ukorinti. ² Nne ye utsi gwo yahuda ume avala gédẹ uakila, banị ile yo Ubutus, ume uswu gede ni italiya nu unyine ana nẹ te, gebo gédẹ Ukaudiyas, gi ganu gédẹ Uyahudawa anabo uroma, u Ubulusu gé woza aba, ³ ngene gebo gédẹ ba me gatime, gebo gédẹ ba mé nni gele. ⁴ Gébo guye tẹ Ubulusu amẹ lika ni gam ka aduwa zam. Uwo zu yapu gédẹ Uyahudawa nu Helina wa awulu ni lika usele nẹ ⁵ Nde ke usila nu utimoli fu be nu makidoniya tẹ, ulufu me Ubulusu ntsi gi wa ga batị yahuda gede Uyesu vu Almasihu. ⁶ Nde kẹ yahuda gye nba ke tutu tẹ Ubulusu kwo gugye kana, uge ba gédẹ gunugba ka beyi kene uyi nlutu kene, nim de makpu gyengye la. Me fu nneme ma geé nba ikiki. ⁷ Nne ye unabo neye ugé gam ko utaitus yustus, unime uwa vini agi Usigapa te. Gam kana tsu tsu ni gam ka aduwa na ne. ⁸ Ukristus uganibo ko gam ka aduwa ye wolu nu Usigapa ne si bani me nbe le nyam kana gbi te; ngene nbani Ukorinti yawa me nbe wu te wolu, amẹ ba batisma. ⁹ Usigapa gebUbulusu ni utu nẹ ni uwhayi, gédẹ uka mo nzize la, nde wa ge lika, uka yi kpo la. ¹⁰ Gebo gédẹ ndẹ nẹnẹ li, gebo guye tẹ ma wolu gyi gwon-gwo apa lee la, dun nnya bani ni gedu ne ni ile me li. ¹¹ Ubulusu den neye gyi uye ni ipya tseyi nẹ, uwa tsini lika ko Usigapa ngi nye kaba. ¹² kẹ ugaliyo vu Ugwamnan wo akaya te, bani yahuda like ame ikana nu Ubulusu , nbe be na nni iwa gaza. ¹³ Nba gédẹ unime gédẹ unimẹ gédẹ, bani a vini agi Usigapa, si ga gédẹ wa vu gaba ka ibe izizi yeyi la. ¹⁴ Nde kẹ Ubulusu eye age lika tẹ, u ugaliyo ge yahudawa gédẹ, nyine ugima vu akai ibibi, ugima gwo-lika gédẹ ya due nẹ tsẹ. ¹⁵ Nde kẹ uvu lige gebyi ka aka, ni liye nẹ, ni ibe izizi yene nẹ, nyina aga gbagba aza. wa ban gédẹ ma vu uni iwa uyili me ga zaa la. ¹⁶ Ugaliyo gigi nba nabo guki ko iwa ga za. ¹⁷ mo sasta nisu, nbe lua tsim nge zu ge ka nni iwa ga zaa . Nde ugaliyo adamụ ni ba nẹ la. ¹⁸ Kẹ Ubulusu fule den neye wa tẹ, nme unabo ban ikiki, ugi kana gé Usuriya niba nu Uprisicilla ne su Akila. Tse gi wa nabo gukpu ko uzo ni Usankuriya, uya tsi tiyi kana tse, kẹ usi gédẹ na me tẹ. ¹⁹ Ke ba nu Afisa tẹ Ubulusu nabo Upriscilla nu Akila nẹ nmo, nde na ni iwu yana ne gé nni aduwa yo yahudawa uwa nyine lika ko Usigapa ni ba nẹ. ²⁰ Ke be bya gédẹ wa de ne ba ne gbo gbo tẹ ugyé. ²¹ Nde u ge ba gédẹ uga vu gamẹ ko Usigapa na gi ni ekwolegi wa. Uzwi gukpa ko uzo no Afisa. ²² Ke Ubulusu nu Ukaisariya tẹ, nge ukye gé Antakiya. ²³ Ke ufulu dẹ nneye tẹ, Ubulusu gi ge guleke ko Galatiya nu firiya nẹ, uge batsagba yana gbi gede be nye iye. ²⁴ Keke me uni de tẹ li avala gédẹ Afolo, uni de tẹ li avala gédẹ afolo, uni umo-mo iskandariya ugé Afisa. U kpu lika ko Usigapa tsim. ²⁵ Afolos wa ga kpu n lika ko Usigapa. U nya ntsi nu ulufu, wa ga lika pelili gebo ko Uyesu, nde ukpu Ubatisma wo yohana kili. ²⁶ Afolos topo wo lika ya ge nu gam ka aduwa. Nde ko Upriscilla nu Akila wua tẹ ba vala gẹnẹ ukpasa da nba ga lika ko Usigapa gyẹ. ²⁷ Kẹ ugime ye gédẹ na kye age Akaya tẹ ba ikiki, ga gédẹ wa me ntsi, tse nba kaa gi batsagba me nbe li nu Akaya te gédẹ ba gwa ni ibo iva né. Ke unu neye tẹ ude banị nba wolu ni aniheli ne ibo tsim. ²⁸ Afolo gyengye kana gilili nu gede-gede, uwa ge bani yahu dawa gédẹ ba kpu nu Ubible gédẹ Uyesu uvu Almasihu.