¹ Ku Ubulusu nu Uderba ni Ulistilia ne, anya utsagba de me avula ge Utimuti te, Uvu ubyi ya unyine Uyahudiya ume uwulu ni Usigapa ne te; Ada na vu Ubeheline. ² Age lika sele ni lutu kana ni ganu ka bani me nbe le mi Ulistira ni Ukoniyane. ³ Ubulusu ci Utimoti gumoci gébo gédẹ niba a zu tuzu za, gédẹ Iyahudawa kpu gédẹ Ada na vu Ubelielin. ⁴ Ba zu guleke-guleke, nba lika ni bani aduwa ne gédẹ ba fulu aba ibeme ibatsagba ni itunubo ye ne ka ni Uliselima te. ⁵ Bakpu ka ba peteagini wa gakpu epete ni bani me nba wulu na ne te. ⁶ Ubulusu ni belolo yana ne, ba zu ile ya Ufirigiya ni Ugalatiya ne, ku uluhu sensele gédẹ ba ka ge lika kana ni tize ka Asiya. ⁷ Ba be kpukpu ni Umisiya ne, ni iye ya ga gede ba zu Ubitiniya ne, Uluhu sensele ya Usigapa awulu la. ⁸ Nbe tsé Umisiya, mba zu ile ya Utaruwasa. ⁹ Ubulusu pa Uwahayi ni utu ne gédẹ, unide ni Umakiduniya wa vula gédẹ be tize kayi gyine ba dayi ibo. ¹⁰ Ga pa te ka Ubulusu, wu mó utuwezi age Umakiduniya, ni ga gédẹ Usigapa we ye gédẹ niba a ga ge lika kana ni niye. ¹¹ Ki ba nabo Utaruwasa te, Ubulusu ni bani lubo kana ne ba zu gukpa ka uzo ge Usamutaraki, ni yapu gaku ne nba ge Uniyafolis. ¹² Ni neye nba ge Ufilibi, lle nikpukpu ya Umakiduniya, ile pili ni tize ka uroma, imé izi iva mó. ¹³ Ni zu wa sati ne, ifu ge ni gazu ka ile tsutsu nu uzo ne gédẹ ya pa ni aduwa game. Yi dende iya ge lika ni benyine me nbe le ni neye le te. ¹⁴ Unyine de avula Ulidiya, wa li gigye ni Utiyatira, ume wa ba Usigapa ga ba, u ziyi gutakpu. Ada nikpuku pya iye yana, wu me dé lika gume Ubulusu wa ge te. ¹⁵ Ama ubaftima ni banikwo yana ne, u géyi gédẹ " Nyine wulu gédẹ ma ba Usigapa, nyine abele ni gami kami." U wa yi. ¹⁶ Ni utume iyage upye gagi te, i gwone ubyi nyine zu de ume wa pa nekite. Wa bene gibe evo bani yana agenge. ¹⁷ Wa ba yi ni Ubulusu ne, we go ligba gédẹ, "Bani me vu bani ya Usigapa Ugengye, ba gene lika sele" ¹⁸ Ume iziva usa géte, nde Ubulusu me ipisi na ne, Ugiyapu uge bani unoda mgédẹ, ni liye ka Uyesu nyine efu ekya, nba msi fu kya kukwa. ¹⁹ Bani yana pa Utumuezi ya iku gazu kaba wa yi gala, nba mo Ubulusu ni usalla ne, nba kuko ba gene gigye ni bani iwa ga ke. ²⁰ Ku ba gene ba ni wa gaza te, nba gédẹ, "Bani me vu Iyahudawa be like ne ba ni iye vovo. ²¹ 21 Ba tsini Utaki me ya guwa ni Uromawa pa be la tse gi agini me gatume na ne. ²² Gedu ka bani like ukana ni Ubulusu ni Usalla ne: Ikewa sa ba nge aba gede a leba gagyi. ²³ Ku ba luba bye te, nba gédẹ a leba ni Ubulusuna nba de uni naki ga pụ gédẹ wa pa ba . ²⁴ Uni neki gapu me leba ni guza ka asi na'a te, ude ba atsangba ni nne. ²⁵ Ni utu gaki-gaki ne, Ubulusu ni Usalla ba me aduwa nba kaye gi Usigapa, ban kiki me nbe le ni Ubulusuna te, ewu ba. ²⁶ Afu ini kpukpunkilike, ngesi upọ ka guza ezo, ikpaki ya Ubulusuna gu, atsangba tsi, nba Ubulusuna fu. ²⁷ Uni ubulusuna gapu san bala upa ikpaki vu igugu, usu gasengeli gédẹ nba awu iwana, ni ga gédẹ bani Ubulusuna tsaki be. ²⁸ Ubulusu go ligba ni ntsi ne gédẹ, ka wu iwuyenye la niyi ile gbii te. ²⁹ U gédẹ, evo nina giwa, u mode zwi ni lukuta, ne, u kulu ni gegu ka Ubulusu ni Usalla ne. ³⁰ U fune ba gase u gédẹ " itinibo, nge nma me gima wa gana?" ³¹ Nba ga gédẹ, nnye ni gami kanye ne nyine awulu ni Uyesu Ada ne, nyine awa gase. ³² Ba ga lika ka "Usigapa, na si bani gami kana." ³³ Uni Ubulusuna gapu me ku ba ni utu ye ne, u ga nyini ba inaba, na ni bani gami kana ne gbi ameba ubatizima kukwa. ³⁴ Ugeba gami kana ugi ba ibelili, gami kana lele ni nmwana ne, gebo gédẹ ba wulu ni lika ka Usigapa ne. ³⁵ Ku iyapu ku te, ikewa ne gide gédẹ efune Ubulusu ni Usalla ne. ³⁶ Uni neki gapu me ga Ubulusu ubeme ikewa ge te, u ge Ubulusu gede nyine age ni iye dude ne." ^{39 37} Nde Ubulusu gédẹ, "Ba layi ibe ni gédu ka bani niyi me ivu bani uromawa, ba wuyi la, nba layi ni guza, be guyi ni gewo go? ³⁸ Bani Ubulusuna gapa ga ge ba lika gume Ubulusu ge te, ge wu géde Ubulusu ni Usilla ne vu bani Iromawa, nizize mwo ba. V 39 Ikewa gbagba be, nbs ge Ubulusu ni Usalla ne gédẹ nyine egi eki eleme. ⁴⁰ Ni nyiye Ubulusu ni Usalla ne fu ki Ubulusuna, nba ge gami ka Ulidiya. Ubulusu ni Usalda ne pa banikwo nneye nba géba gédẹ be si ntsi ni lika ka Usigapa, nbe gi ki ileye.