¹ Bani de fu ni Uyahudiya nbe tsane banikwo gédẹ, "Nde atsi ne gumotsi ku utaki wa Umusa ge te la, nyine a wa gase la." ² Ubulusu ni Ubanaba wute, ubene ikụkụ ni izaza ne, efune Ubulusu ni ubanaba si bani de gédẹ ba ge uliselima ni batsagba si itunibo yaba ni lutu ka lika gume. ³ Ku si vu bani aduwa nbe neba gite te, be tse Ufinikiya nu usamariya ne nba geba lika ga Ububa wa guke ikiki me. Lika guye bene imwana vo banịkwo yaba. ⁴ Ku ba nu Uliselima te, bani aduwa, batsagba ni ituzuge ne, ba me ba nnaba, nba géba ubeme Usigapa me ni lutu kaba te. ⁵ Nde bani de ni Ufarisawa ime mba gi ugaskiya te, like nba gédẹ, "Uvu ntsi gédẹ atsi ba gumotsi agini a geba nba ba itaki ya Umusa." ⁶ Ituzuge ni batsagba ne dende giba nyine lika guye. ⁷ Ni gébye ka izaza ye, Ubutulusu like u geba gédẹ, "banikwo, nyine te ngyni, Usigapa fune mi ni ginye kane, gédẹ guke ikiki be wu lika kana ni ganu kami giba gi ugaskiya. ⁸ Usigapa, wume ukpu iye yabani te, ugiba uluhu ki usi giyi te, ⁹ wa suyi kwokwo la, u giba ubangaskiya. ¹⁰ Gebo giye te, nge yi nyine amọ Usigapa pa, nyine gi batsagba liye gume adakpu yayi ni yi ne ye sua nu la te? ¹¹ Nde inya ubangaskiya géde ni liye ka Ada Uyesu ya wa gase ni ginye ka aniheli yana, ku basi yi te. ¹² Gedu ka banị le kpo nbe wu aka idadama me Usigapa me banị ni weze Ubanaba ni Ubulusu ne te. ¹³ Ku ba ge lika bye te, Uyakubu wulu, ugédẹ , "Banikwo, nyine ewuni. ¹⁴ Usaminu gé yi Usigapa topo gatume ka liyeba ni guke ikiki gina awa bani a fune nginye kaba gebo ka liye kana. ¹⁵ Lika ka batsagba wulu na ne, ku asi ka te; ¹⁶ 'Ni ngi ya ibeme, me kolegi me be, ma me gami ka Udauda ume upili te; ngimi ma izatukpo yana giwa gengye. ¹⁷ Gi bani me nbe ki te be ye Ada, si guke ikiki me avule ba ni liye kami ne te. ¹⁸ Ime ivu ibeme ,Ada nikpukpunki ge te , umé umé ibeme akpuya a kiye-kiye te. ¹⁹ Gebo guye te, ni ga pa kam ika gbuba gbu-gbu la guke gume nba gu Usigapa te. ²⁰ Nde ya ka ya vo ba ge, baka ba itugbọgbọ la, baka ba banenye nu belolo ne la, si baze ga wu. Baka gini li ube Utsitsila. ²¹ Utaki ya Umusa ime a gaya ni gaki ka aduwa a kiye-kiye ni uzu wa Usati te." ²² Nbatsagba si itunibo ya banị aduwa pa gédẹ uye liye giba fune Uyahuza ni Ubanaba ne si usalla ni ituzige ya bani aduwa ne gédẹ ene ba gite niba ni Ubulusu ne si Ubanaba. ²³ Nba ka utakalada, "Batsagba ni ituzige ne si banikwo agene vo guke ikiki" banikwo ya Antakiya ni Usuriya ne si Ukilikiya, ya lene atsu mwa li. ²⁴ I wu gédẹ bani de ni ginye kayi ime iye neba gite la te, be waze ne nba ge lika gume Ulikene ne iye te. ²⁵ Gbi eyi i pa gede u yeliye giye fune bani ebene weze ne ni Ubanaba ne si Ubulusu, ²⁶ bani me nba gi iye yaba gebo ka liye ka Ada nikpukpunki Uyesu Ugengyete. ²⁷ I ne Uyahuza ni Usalla ne gédẹ ba gene ibeme. gbi. ²⁸ Gébo guye te Uyeliye gédẹ luhu sensele niyi ne, ika gini ge ne liye gude epe ibeme ga la, ²⁹ nyine anabo itugbogbo gaba, nyine nabo ibe tsitsi gali, nyine aka wu ibeme iya gigi nyine ata afu te la nyine aka ba belolo ni benyine ne la, nyine mó ibeme gubo nyine anya liyesi. Na ute. ³⁰ Ni ngi ya gengyen, nba su tuzu ge Uantakiya. Nba vala gédu gó nba giba Utalada. ³¹ Kuba pa Utalada ye te, ba me nmwana gédo ka gesi ntsi me ageba te. ³² Uyahuza ni Usalla na ba geba lika ka ga si ntsi a pete gébo gédẹ bavu batsagba. ³³ Ku ba me iziva nmo te, nbe kolegi ge ni bani me nbe neba gite te ³⁴ Nde Usalla pa gédẹ ugaso gédẹ nina a demo. ³⁵ Nde Ubulusu ni Ubanaba ne be le ni Antakiya ni banikwo ne, nba tsene ba lika ka Usigapa. ³⁶ Ba wa izu genyi Ubulusu ge Ubanaba gede, " Ya kolegi kekeme gi iga pa bani me i geba liba lika ka Ada nikpukpunki te ge ba me gune me li. ³⁷ Ubanaba eye géde ni Uyahaya ume avula gédẹ Umarkosi te ne. ³⁸ Nde Ubulusu mé dẹ ugede wa gó gédẹ ya ge umarkosi ne la, gébo gédẹ wa ba niba ni Ubamfiliya la. ³⁹ Ni neme ngamintsi zuba ubene ga na uoba, Ubanaba ni Umarkosi ne sa uzo ge Ukuburus. ⁴⁰ Nde Ubulusu ni usalla ne ba ge za, ki banikwo me ba aduwa ya aniheli ya Ada nikpu-kpunki gede wa deba ibo te. ⁴¹ Ubulusu gi guleka ka Usiriya si Ukilikiya wa geba gédẹ be si ntsi a pe te.