¹ Ni utu me Ubulusu ni Ubanaba ne zu Ukoniya te nba zu gaki ka Usigapa wa Iyahudawa nba me uwa zi: gé nbani Uyahudawa ni ihellianawa gi iye ya ba. ² Ndé Uyahudawa me nba wulu la te, ba tẹ lika bani me elemo te nbe like ukana ni ba ne. ³ Ba fulu le ni neye bya, uba ge lika ka ba nzize ni ntsi ya Usigapa ne, wa geba lika ka aniheli yana. Ume ibe da dama me ni gubo ka Ubulusu ni ubanaba ne. ⁴ Nse gédu ka bani tsi iva: Bani de pyi iyahudawa, nbani de pyi imtsi. ⁵ Iyahudawa ni bani ile ne be ye gédẹ ituzuge ya ba ata Ubulusu ni Ubanaba ikụ. ⁶ Ba pa te nba tsaki ge ile ya Ulikoniya, Ulistira ni udarbe ne, si ile me ita ba gi gwo te ⁷ ni neye nba ge lika ka Usigapa. ⁸ Ni Ulistira anya unide me wa zutuzu la te, uvu gapata ni limọ kana ⁹ Uwu ku Ubulusu wa ge lika te. Ubulusu ni iyapu sa uwa gédẹ, unya Ubangaskiya ume asa te. ¹⁰ U go ligba ni ntsi ne, "Like genge." Uniye like genge wa zutuzu. ¹¹ Gebu pa ubeme Ubulusu me te, nba me nmwana ni ligba ni quke ka Ulikokiya ne, itu gbọgbọ yeyi fe ni nki ni gubo ka bani." ¹² Ba vala Ubanaba gédẹ "Uzafsa", ba vala Ubulusu gédẹ "Uhamisa" gébo gédẹ na wa ge lika ape. ¹³ Ufiristi me avala "Uzafsa" ume guza ka aduwa yana yi ni nigazu ka le tẹ, bene ine nukpukpu iva gédẹ agi upye niya ne. ¹⁴ Nde ku batsagba, ,Ubanaba ni Ubulusu ne wu té te, ba sa ngé yaba nba fu be ni gédu ni gunyi ne. ¹⁵ Nba gédẹ, "nyine ewu! Nge yi nyine ame ibeme? I vu bani yapu kankọ ene du. I bene lika sele vo nee, gédẹ nyine anabọ avaa tsuku ga me gi nyine ba Usigapa ni ukyi, umé ume nki si tize si uzo si ibeme ,iyi ni ginye kana te. ¹⁶ Akiye-kiye te ugba banị nbame ubeme uleba te. ¹⁷ Si ga gétẹ, wa nabo iwu yana te la, wa mé aka idadama, ibe isele, wa génẹ ugbọ, wa génẹ uba lili ni liyesi ne." ¹⁸ Zi ga géte likya, Ubulusu ni Ubanaba ne bi ba nba gyi upye gala. ¹⁹ Nde Iyahudawa de ni Uantakiya ni Ukoniya ne ba za bani nba ta Ubulusu ikụ nba gwa fune atu yele, gédẹ utsi be Nde batsagba ta gi gwo Ulike kolegi zu ile ye wa. ²⁰ Niyapu gaku ne. u ge udarba ni Ubanaba ne. ²¹ Ba gé lika ka Usigapa ni ileye nba wa batsagba mwa, nba kolegi be Ulistira, ni Ukorinya ne si Uantakiya. ²² Nba géba jgédẹ ba si ntsi ni ubangaskiya ne ni lika ka Usigapa, gédẹ uvu ntsi giya pa liye na wa gigi iwa gami kana a zwi. ²³ ki ba deba tizuge ni gaki ka ba gbi te, nba mé aduwa ni lime gamọ ne, ni génẹ gegu ka Usigapa ume nba wulu na ne te. ²⁴ Nbe tse Ubisidiya ge Ubamfiliya. ²⁵ B a gini ge lika kaba ni Ubiriya nba ke ge Utaliya. ²⁶ Ni neye nba ke ge Antakiya ni neye esu ba gi ni gegu ka Usigapa gebo ka gatume gume nba me bye kekeme te. ²⁷ Ku ba nu Antakiya te, nba vala gagọ ni banị gaki aduwa, nba geba ibeme Usigapa me banị ni waze a ba te. ²⁸ A gu kpaki ya ubangaskiya gi guke ikiki nba vu Iyahudawa la te ba le ni batsagba ne age utu de.