¹ Ni ginye ka bani Aduwa ya Uantaki, anya innebi ni bamaline. Nba vu Ubarnaba, Usaminu (Avala uniza) ni ulikiya Ubakurame ni Umanayi (ume evo ba ni ugọle Uhiridus ne te) si Usawulu. ² Ba ba Usigapa ni lime gamọ ne, Uluhu gẹba gédẹ nyine fune Ubarnaba ni Usaminu ne gi ba me gatume gume nvala ba te. ³ Ni ngi ya aduwa ni lime game ne, nba baba ibo, tse nba gbasa. ⁴ Ubarnaba ni Usaminu ne, be wu gule kaa Usigapa nba gé Usulukiya ni niye nba kyé gé Ukuburus. ⁵ Ku be la ni Usalami te, ba gé lika ka Usigapa gi bani Uyahudawa, ni ginye kaba anya Uyahaya Umarkosi nba débo ibo. ⁶ Ku be gi ile ye gwo si ubafusa te, nba Ubayahude de liye kana vu ubar-Yeshua uni gobo si iva getse. ⁷ Uni gobo gũye go le ni uni de ne avala gédẹ Umakaddas, na Usarjus Ubulus uni likpa gakpu. Uvala Ubarnaba ni Usaminu ne gébo gédẹ wa ye lika ka Usigapa a wu. ⁸ Ndé Uelimas "uni gobo" (lutu ka liyé kana té) u méba agbo; gébo wa ye géde Umakaddas ewu lika ka Usigapa la. ⁹ Nde Usawulu ume aavala gédẹ Ubulus du té. U lele nni uluhu sensele ne u nyina. ¹⁰ U ga gédẹ nye ubyi ya Usaitan, ne ye lika sele la, etekino nya nabo agu ya lika ka Usigapa game? ¹¹ Gubo ka Usigapa yi ni lutu kanye, nya vé yapu. Nya pa naki ni utume la. "Ni liboc guye ngubị like ukula iyapu uwa ye bani me nba tsina tumwesi te. ¹² Ku uma kaddasi pate te, u gi ugaskiya ni lika ka Usigapa me uwu te. ¹³ Ubulusu ni belolo yana ne be su tizu ni gukpa ka uzo ni ubafusa age ufiriya ni tize ka ubamfiliya. Nde Uyahaya kolegi ga uliselima. ¹⁴ Ubulusu ni belolo yana ne nba fu nu Ufiriya age Uantakiya nu tese ka ubisidiya nneye nba zwi gakị ka aduwa ni usati ne. ¹⁵ Ku ba géba ibezizi ni innebi ne te, Hunibo ya gaki ka aduwa ye, ka utalada vo ba, gédẹ banikwo nde nyine nya lika gume wa giyi ntsi a pete tẹ nyina aga." ¹⁶ Ubulusu like u li ussenda ni gubo kana ne; u gédẹ, "Bani isilela nu bani me nba yaba Usigapa te ne, nyine wu. ¹⁷ Ada nukpu-kpunki ya isilela té adakpu ye yi ne, u giba liyes; nu tize ka umasar ni ntsi ne ufune ba . ¹⁸ U mọ liye niba ne ni gũtụ iye ogba. ¹⁹ Ku gbasa kuleke-guleke tova ni tze ka uka'ana te, ugiba tize guye uwa vu ikube. ²⁰ Gbi ibeme yi ni yi iye kpaku ino nu kurine. Ni ngi yana Usigapa giba bani iwa gake ebe gebe ka anesi Usamula. ²¹ Nba gédẹ agi ni ba ugole, Usigapa giba Usawulu ubyi wa Ukish gukyeka ubiliyaminu u wa vu ugwole aba wa eye ogba. ²² Usigapa fune ugole kya, u bene udawuda gede wa vu Ugole. Ni guko ka gomo ya Udawuda Usigapa gede, nwa Udawuda ubyi wa Uyessi; be unime iyeyami eye te; wa gengye gede wa me meye gede wa me te. ²³ Ni guypen gume Usigapa fune unime wa tsayi te beto Uyesu, ku usime anikawali te. ²⁴ Unemi me yi ce gi Uyesu wa be, Uyahaya gu eve ya Ubatizama age utubu ka bani iselela. ²⁵ ku Uyahaya me gatime kana bye te, ugéde, ngo nne su gédẹ nvu? Avu nimi nvva nala. Nde nyine ewu anya unime webe te ume nma da gudaba kana anula te. ²⁶ Banikwo bebyi ya ubelayi, si bani me nba ba Usigapa te, geba kayi a bene unime wa tsayi te. ²⁷ Gebo gédẹ bani me nbe le ni Uselima te. SI ba goma yaba, ba kpu la, nde ba gé lika ka gitsi kana ni la ibe izizi ya aduwa ya uzu usutine te. ²⁸ Si gédẹ ba pa ni lika bibi ne la, nde ba ga ubilatus gédẹ awa. ²⁹ Ku ba ge gengye me aka nu lutu kana te ube gina ki kye gapa nba ga za ni be kune. ³⁰ Nde Usigapa like na ni bekune. ³¹ Bani me nba fu ni uliselima ni ugalili za nane te, nba pa ni gbo-gbo bani ye nba vu bani Benda ana agi bani kyekye me. ³² Yo gédẹ lika dada gewu gédẹ ibeme Usigapa me anikawal ge nina gi adekpu yayi ne te. ³³ U niya me giyi bebyi yaba be, ni ge like ne Uyesu ni bekune. Ka asika ni Uzabura wa vuva: Nya vu ubyi wami, nnyeme nvu Ada enye. ³⁴ Ge lika kana ni bekune vu géde guwupa kana aka vu la ugé lika gédẹ: "Ma ge ne anabelika ya Udanda itsa ya utata. ³⁵ U gini ge lika ni uzubura, nya nabo uni ulihu tsa giwa vula. ³⁶ Ku Udauda ba Usigapa ni iye udode ne ugini me ubeme Usigapa wa yete, utsi a puwa ni adakpu yana ne, u vu. ³⁷ Ndé unime Usigapa like ne nu bekune te we vu la. ³⁸ Banikwo yami, nyine a kpu gédẹ ka unime ugigi iwa gase nu aka ibibi yeyi. ³⁹ Ni weza ana unime ugu ni iye dode ne wawa gana ni ibe izizi ya Umusa. ⁴⁰ Gebo guye te nyine adeye ni ibeme anebi ga ne te gi ika si tize ni lutu kane la. ⁴¹ Gebo ka aka idadoma yene te, nyine ame waya, nyine ali gébo gédẹ ma me gatime ni gase gume, gatume gume nyine awulu la te, ko nyi a ge ne. ⁴² Ubulusu ni Ubarnaba ne ba gé, nbani géba gédẹ nyine gini aga yi lika guye ni uzu ya Usati ne wa. ⁴³ Ku be like ni gaki ka aduwa te, Iyahudawa ni gédu ne si bani me nba me aduwa za ni ba ne te ba Ubulusu ni Ubarnaba ne, nba ge ba lika gédẹ ba me lika sele. ⁴⁴ Uzu ya Usati gini nu bani nigedu ne ni ile ye fu be gédẹ niba awu lika ka Usigapa. ⁴⁵ Iyahudawa pa gédu nba ne agu nba ba lika gume Ubulusu gédu nba ne agu nba ba lika gume Ubulusu géba te gala. ⁴⁶ Nde Ubulusu ni Ubaranaba ne gé lika ba nzeze gédẹ, uvu ntsi gédẹ a gene lika ka Usigapa. nde ku nyine gya nmete, nyine atsi ulayi gbogbo ga nya bela gébo giyẹ ya gena ye vo guke ikyikyi. ⁴⁷ Gebo guye te Usigapa gédẹ nge ne gasipa nu guke ikyi-kyi gédẹ nyine ebene gase evo ba. ⁴⁸ Ku guke kyi-kyi ye wu te, nba me nmwana nba yaba liye ka Usigapa. Ide gu Usigapa nba wa ulayi. ⁴⁹ Lika ka Usigapa za zu nnono ya tize guye. ⁵⁰ Iyahudawa té lika le benyine de ni ituzige ya belolo ya ile ye ne. U bene ukana egu Ubulusu ni Ubanaba ne gene atu ya le yaba. ⁵¹ Nde Ubulusu nu Ubanaba ne ba kwo gulili ni nne yaba. Nba zu ilede me avula gédẹ ukoniya te. ⁵² Nde batsagba me nmwana gebo gédẹ be lele ni uluhu usensele ne.