¹ Ni utụ ye ugomo uhirudies si bani aduwa ide iyaku gédẹ nna pala ba. ² Uwũ Uyakubu unikwo wa Uyahaya ni gesen geli ne. ³ K u pa gédẹ lika guye si Iyahudawa iye te, u gini mọ Ubutulusu du. ⁴ Ku mọ Ubutulusu te, u da ni ubulusuna, u le isoza ino gédẹ pa; Wa ye gédẹ nina ebena gegu ka banị ni ngi ya gake ka tuva ne. ⁵ Si ga gédẹ ubulutusu de ni guza, nde banị ya Usigapa ame adusaa bgebo kana. ⁶ Ele ni ga gédẹ uhuridus wa funa ni guza equla, ni utu ana ne, Ubutulusu wa ze bala ni gaki-gaki ka isoza iva, Ada atsangba iva, isoza gina pu gana ka ikpaki ya ubulusuna. ⁷ Ni gakpu la ni utu ye ne, Umaleke wa Ada nikpukpunui be weza na, nguza kụ tsa ni giwa ne, u da ubutulusu ni ukpasa de u ga gédẹ "Lika bịlị." Atsangba me ide ni ibo yana te tsịị. ⁸ Umaleka ga gédẹ, "Gini iwu yenye, de gunye kenye, gina bami. ⁹ Ubutulusu ba umaleka nba fu gase, wa kpu gédẹ ubeme umaleka ame te vu ubibi la. Usu gédẹ nina apa ula kulu. ¹⁰ Ki ba kyé isoza ya nbọbọ ni ivuva ne te, nba nu ukpaki me ama ni gatzi ne te ume etu age wa ginye ka ille té, ukpaki ye gbagba gu. Nba gụ utumwe zi, umaleka nabwa. ¹¹ Ku ubutulusu kolegi be ayali yana te, "kyẹkyẹ" me nkpu gédẹ Ada nikpu kpu bene Umaleka gédẹ wa fune mi ni ibo ya Uhirudus si ibeme iyahuduwa gima ye ame mi te. ¹² Ku kpute te, uge gami ka Umariyamu nma uhayaha me a gini avula umarkosi te, nba nị gọ ame aduwa. ¹³ U gi ukpaki ya gani guye, ubyi nyine zu ka gami gute avula gédẹ ur uda ube gédẹ nina a gu ukpaki. ¹⁴ Ku ukpu gédẹ uvu gule ka Ubulusu te, wa gu ukpaki nu la gebo ka imwana, u kolegi be guza ni aki ne; gédẹ Ubulusu genge ni gase li. ¹⁵ Nba ga gédẹ, "nya me gụmu" nde ugédẹ uvu na. Nba gédẹ uvu. Umaleka ana." ¹⁶ Ndé Ubutulusu si agi ukpaki kpó, nba gu ukpaki nba pa, nlika dama ba. ¹⁷ me ba ni gubo ne, gédẹ bayi kpo. U géba ubeme Ada nikpu-kpunki me ufune nina ni ubulusa te. Ugédẹ, "Nyina ge Uyakubu ni banikwo ne te gbii" U gi kiba ugé ne diya. ¹⁸ Lika guye gbu izoza iyapu genge, gebo ka ge vuvu ka Ubulusu. ¹⁹ Ku Uhiridus ya uwa pa la te, u bi isoza ugini gi ganu gédẹ a wuba. U like ni Uyahudiya uge Ukaisariya uga de mó. ²⁰ Uhiridus me ipisi mwa ni banị Utaya ni Usidon ne. Nba gé woza na za. Nba gẹ Ubilastasa, gepi ka ugole giwa de niba ibo age lika nane gebo gédẹ ni tize kana nba wa ibeli. ²¹ Uzu me ezi te ni nu, Uhiridus de gugye ka ugole udende ni guki ka Ugele; wụ geba lika. ²² Nbani go ligba, "Gule gume vu wa utugbọgbọ, avu gule ka uniyapu la!" ²³ Nné yẹ kukwa Umaleka ya Ada nikpu-kpunki lụ, gebo gédẹ wa fulu ba Usigapa la, nné yẹ igu la utsi. ²⁴ Nlika ka Usigapa ya pete. ²⁵ Ku ubanaba ni Usawulu ne me gatume kaba bye te, nbe kolegi ni Uliselima si Uyahaya me avula gédẹ Umarkosi te.