¹ Gebo ka liyeba ka Usigapa, i nya ntsi. ² Nyinẹ i gyẹ ibemẹ i vu ibe ya gewo-gewo si ya azi té. Imọ lika ka Usigapa ibo, ge gédẹ i ba lika pilili. Nyinẹ a gbagba a kyẹ iwa ni lutu ka ubeme nyinẹ pa té. ³ Nde lika ka Usigapa uni bobo, uni bo banị mẹ mba ni zwẹ té. ⁴ Itigbogbo niba va yapu. Gebo giyẹ té, ba pa nnéki gi ba kpụ lika sele kă Uyesu mẹ uvu ubyi mómó wa Uigapa té la. ⁵ Ya gé lika ka iwu yayi la, nde ya ge wa Uyesu mẹ uwaa sẹyi té, ni ga gédẹ, i vu bani nị'gatimẹ ka na. ⁶ Usigapa ni iwụ yana nẹ gédẹ "Giwa wa kụ nnéki ni nni gubi." U gigi gi giwa kana kụ nnẹki ni iye ya'eyi, gebo gédẹ i nu tsụ Uyesu, ya kpụ kẹ Usigapa yi té la. ⁷ Nde i nya gibe gumẹ ni nyakpa, gebo gédẹ wa yi gede-gede gédẹ, ntsi vu ya Usigapa, avu wa yi la. ⁸ Ime liyé ni gedu nẹ nde ya li la. Ya kpụ utata la, nde ya ts yapụ fene la. ⁹ A gyẹ yi, nde ẹ gu yi la. A sine yi tịzẹ, nde ya lila. ¹⁰ Gebo ka ga gédẹ ya ye gédẹ ya ye gédẹ ulayi wa Uyesu'a yi ni yi nẹ té, i si ya vo lika ka gitisi kana ni iwụ ya yi. ¹¹ Niyi mẹ i yi ni ulayi nẹ mẹ té, isi ya gi ni lika gi dode me u wụ Uyesu té nẹ, gebo gédẹ a pa ulayi wa wa Uyesu ni gụwụpa ka yi. ¹² Gebo giyẹ té, gitsi ba yi, nde ulayi ba'ẹnẹ. ¹³ Nde ulufu wa ubangas- kiya wo yi si vu ududé ni'ẹnẹ nẹ kẹ asi ka zi té: "N wụlụ, n gini gé" i wụlụ du. ¹⁴ Ikpụ gédẹ unumẹ u likene Uyesu té u gini é likene yi za ni Uyesu nẹ. I kpụ gédẹ wa bene yi gegu kana si nyinẹ. ¹⁵ Gyẹngyẹ si vu gebo ka'ẹnẹ, kẹ aniheli si za gọ banị ni gedu nẹ mẹ té, ugodiya wa'yi ledu gi liyẹ ka Usigapa aa wa ga nyi. ¹⁶ Si gédẹ nyinẹ a mẹ gédẹ ya d li, nde i i ya nya ntsi ya pe té pe té, gebo giyẹ té ya da nse la. ¹⁷ Liyé gumẹ i ya mẹ mẹ té wa bya tse gi wa'ẹ bye la, wa gini yi e zi gam ka ngyana umẹ u pe gyẹngyẹ tẹ. ¹⁸ Ya pụ ibemẹ a paya té nté avu ime a pa té la. Ibemẹ a paya té ya li gasẹ la nde imẹ a paya la té ya li gasẹ.