¹ I tọpọ iwu ya yi ge gọnẹ be go? Ya ẹ'ye uwasika wa uyaba ni woze ẹnẹ la, ka ya ka wasika wa uyaba ya vo ẹnẹ la, go ya'eye, kanko a banịdẹ? ² Nyinẹ'nyine si vu iwasika ya yi ya uyaba mẹ uvu ukaka ni iye ya yi, ngọngọ a ge té. ³ Nyine tsini gédẹ nyinẹ vu uwasika mẹ i gwu ni woza Uyesu vo ba ni tẹ. A kă ninẹ la, nde ni ulufu wa usigapa nẹ. A kă ni utukpa wa ukụ la, nde aka ni iye ya banị yapụ. ⁴ Ntsi mẹ i nya ni vsigapa té u yité ⁵ Ya nya iwụ ya yi gi a ge té gédẹ ibemẹ iya mẹẹ mẹté funi woza ayi la. Ibe ye gbyi fu ka ba ni usigapa ⁶ Usigapa u gigi i vu bebyi ya gatimẹ ka na. A nikeweli mẹ ya vu ya uwasika la nde ivu ya ulufu. Gebo gédẹ uwasika vu unị banị ga wụ, nde ulufu wa sẹ bani. ⁷ Ibe izizi ya usigapa ya bene gitsi, nyinẹ u ka ya ni itikpa ya ikụ, u gi umusa na. Ibe ni giwa gime uwa kụ nnẹmẹ usigapa de te tsa te. U gini ku upisika wa Umusa yi tsa; upisika wa Umusa kụ kyẹ-pẹlẹ gi banị isẹlẹyila a gwo yapu na'anẹ nula. Giwa giye kụ ki upisika ana sụnụ. ⁸ Nya mọ lika ka ulufu ni ngyẹnẹ? ⁹ A mẹ lika ka gasẹ a wa ga nyị, tọ wa ulufu wa'ebye ga yi gụnẹyi? ¹⁰ Ubemẹ u gi ma wa ga nyi ekiye-kiye té, wa wa ga nyị gala gebo ka ga gédẹ wa kye kye mẹ pe'a. ¹¹ ubemẹ uwa kye kana té,uwa ga nyi, tọ ume uwa nya ga'ebye la té wa ba ga yi gụnẹ yi. ¹² Ini lika gụyẹ kpụ té té, u giyi ntsi. ¹³ Giwa ka usigapa kụ upisika wa Umusa té, u ni upisika kulu ni guage nẹ gédẹ giyẹ aka wụ yapụ ya banị la, nde niyi té ya yi eyi te la. ¹⁴ Gbogbo a be nyẹmẹ, a si'a gé lika ka ekiye-kiye, banị a tẹ lika giyẹ. Uvu ubobo, ni uyesu kili, n lika giyẹ ba pé. ¹⁵ Si nyẹmẹ, a si'a tẹ lika ka Umusa, ba ni'a tẹ lika ka gugye guyẹ. ¹⁶ Nde unị wulu ni Uyesu nẹ ani gugye guyẹ pye ki'a. ¹⁷ Usigapa uvu ulufu. Nnémẹ ulufu wọ usigapa yi té, ga-bana yi nmọ. ¹⁸ Kyekye mẹ té, yapụ ya yi ni pye gi ya gbagba ya pa Uyesu. Nné mẹ i le kyekye mẹ té pe wa elibene.