¹ Gebo giyi te, n ka tsi gede, ko gi ligbezi ko asezi etu mi, ma kye woze ene la. ² N zo ene iye, nya wa gi mi ntsi avu unime n si gini zoă iye te le. ³ N ka ibe iye te gede n ba be, ba ni me n ba gwo gede ba gi mi liyesi te ba zo mi iye la. N wulu niéne ne gede liyesi ka mi vu udole nu wane ne ⁴ N ka ibeme vo ene ni liyezo ne, si baya, me ye gede me zo ene iye la. Nde me aye gede nyine a kpu gede ma ye ene. ⁵ Unide u bene ga-baba, a vu nimi kili n măewu la, nde ni gubo gude, gi ika zwi liƴẹ gbi la. ⁶ Ufolo mee n gedu gi uniye te ni tsi. ⁷ Ganu gume nyineă giă folo te, nyine ani amóa gi nyinea tsiă guyitsa. Nyine a me te gi liyegba a ka ni gä ngye la. ⁸ Ma ge ene gede nyine tsiniă gaeye kaéne. ⁹ Gebo giye n ka vo ene te, gi ma moéne ma pa gede nyine nya ifulu ba ma. ¹⁰ Nyine mo uni akă ibiyi yana, n sini mo unawa. Lika gume nni mo te-ubeme nni mo te-amóa gebo kaéne ni liye ka Alimasihu ¹¹ Gebo gede Usatan aka zaƴi la. I kpu lika kana. ¹² Kẹ n ge utroas te, Usigapa, Usigapa gumi ukpaki gi ma ma geba lika ka Uyesu. ¹³ Si ga yi te, iye ya simi la gebo gede mapa uniko ami Utaitus nom la. N kolegi kami ge Umakidoniya. ¹⁴ Nde ya gode Usigapa, ume ni liye ka Uyesu uwana giyi ntsi te. Ume gatime niyi ne, u gbassa lika kana gene nnono-nnono. ¹⁵ I vu bani sensele ya Uyesu ni gegu ka Usigapa, si bani me n ba wa gana te, si bani izozo. ¹⁶ Bani me mba zoo te, uvu ba lika gime ufu ni gitsi a ge ni gitsi. Bani me mba wa gana te, uvu ba lika gume ufu ni ulayi ge ni ulayi te. Ngo utsi aka ime iyi me te? ¹⁷ Ya yi ka-kanko a bani me mba zune lika Usgapagi wa uluba te la. Nde ya ge lika kana ni iye dode ne ka a si neyi te.