¹ I kpụ gédẹ a ni gasẹ gumẹ gbasa, inya gami gumẹ Uaigapa mẹ gi yi té li. Wa vu gami gũmẹ a mă ni ibo nẹ té la, nde uvu gami gũmennya dẹ gbogbo agẹẹté. ² Gédẹ ya mẹ liyé ni gasẹ gumẹ, ya pụ etekimẹ ya'e go i ga zẹẹ ni nki té. ³ Ya pụ gam ka nki gédẹ liyé a yi nmọ lar. ⁴ Gevovo ga yi ngye ni gasẹ guimẹ. Ya'eye gédẹ ya yi ba gugye la, nde ya'eye gédẹ a dẹ yi gugye, gi lika ka gụwụpa aka wa nni ga kyẹ ni wọ ulufu nẹ k. ⁵ Ume u bene lika gumẹ té uvu Usigapa. mẹ u gi yi ulufu yana gi wa vu anikewoli wa ubemẹ wa'ebe té. ⁶ Gebo guyẹ té, nyinẹ a tẹ gédẹ, u tumẹ i le ni gami ni gụwụpa té, ntẹ ya dẹ ni Usigapa nẹ la. ⁷ Ya mẹ gatimẹ ni ubangaskiya nẹ, avu ubemẹ n yapụ a pa té la ⁸ Gebo guyẹ té, ga yi kẹ yi ni Usigapa nẹ pe ga le gumẹ i ya 'ele ka yi ni gami ni gụwʊpa gumẹ nẹ. ⁹ Gebo guyẹ té i su ni iye ya yi gédẹ ni nnémẹ i ya gẹẹ ya mẹ ubemẹ iye ya'esi Usigapa té. ¹⁰ Gebo gédẹ Usigapa wa za gọngọ iwa, ibemẹ nya mẹ té, si isele, si ibibi, na ninnya sa'etisi. ¹¹ Usigapa kpụ banị mẹ i vu té, n wụlụ gédẹ nyinẹ kpụ yi du. ¹² Ya mọ'ẹnẹ ni ntsi ne gédẹ nyinẹ a wụlụ ni yi nẹ la. Ya ye gédẹ nyinẹ a wa gegu e lu gebo ka yi, gi nyinẹ a wa gulẹ gumẹ nyinẹ e ginẹ banị mẹ n ba hi gegu gebo géde a pa ni ba té, nde wa vu gebo ka ube mẹ ufu ni iye ya ba tẹ la. ¹³ I kpụ iwụ ya yi uvu gebo ka'enẹ; ya kpụ iwụ ya'eyi la, uvu gebo ka Usigapa. ¹⁴ Ge ye ka Usigapa gigi gi i kpu: gédẹ unị dọdé tsi gebo ka gọngọ, gebo giyẹ té gọngọ si tsi gbyi. ¹⁵ U tsi gebo ka gọngọ, gi ba ni mẹ n ba yi té, ba ka nya iwụya ba la, nde ba yi gebo ka unịmẹ utsi likye gebo ka ba tẹ. ¹⁶ Gebo gi yẹ té, ya su gọngọ kyekyemẹ gẹnẹ ni wa gụwụpa la, si gédẹ i gima su utesu utu dé té. Nde ya'e su gọngọ té gala. ¹⁷ Unịmẹ uɲya Utesu, uvu unị upipa, ibe ikpụkpụ fu kiă. Unawa vu upipa. ¹⁸ Gyẹngyẹ fu ni Usigapa. U kukwa si bene woza'ana, u giyi iye ya lutu ga gwo. ¹⁹ Usigapa a za banị iwa la, gebo gédẹ Uyesu ta yi gwo na ne. U nabo lika ka lutu ga gwo niyine. ²⁰ Gebo gũyẹ té, ni yi i ta gonu ka Uyesu, gebo gédẹ usigapa mọ ginne ka yi gi ya sa'ẹnẹ ibo gebo ka Uyesu. ²¹ U giyi ubyi yana gamunu gebo ka aka ibibi ya yi. Wa mẹ aka ibibi pa be la. U mẹ té gi iya vu bani i sensele ya Usigapa.