¹ Banị kiki yami, yina aka wululu gbyi nu ulufu ne la, nde yina mwo ilufu. a pa ko gẹ̀dẹ ulufuye ufu nu Usigapa. Ubeme ugi giyi nyene mwo uluhu apa tẹ uvu gẹ̀dẹ, anabawa ya mi be fu gase, ni gedu ne. ² Gyayi te nyina akpu ulufu wo Usigapa, ulufu me uwulu gẹ̀dẹ Uyesu ube gase gume nu guwupa uvu wo Usigapa. ³ Nde ulufu me uwa wulu nu Uyesu ne la, wa vu wa adala; nde ulufu me uvu wo bamali yami amii nyine uwu gẹ̀dẹ be be li tẹ̀, ba guzi be le ni gase be. ⁴ Bani yami, ye ne fu nu uwozo Usigapa, nyine wa unasala ni ba ne, gebo ka ga gẹ̀dẹ unime ude ni gyiye kene te upe unime ude ni gase gume tẹ̀. ⁵ Be fu ni gase gume gebo gu ye tẹ̀, ubeme nba ge te uvu wa gase gume, banị gase gume be ne wu baa. ⁶ Nyi ifu nu Usigapa. Unime u kpu Usigapa, wo wu gule keyi. Unime u wefu nu Usigapa la, u wu ube me iya ge te la. Gayi te iya kpu ulufu u sesele nu ulufu ubibib ne. ⁷ Bani kiki yami, beli eyene idika, gebo gẹ̀dẹ geye idika ufu nu Usigapa, unime u weye banị, uvu umwomwo wo Usigapa, ugine kpu Usigapa. ⁸ Unime u weye bani la, wa kpu Usigapa la, gebo gẹ̀dẹ Usigapa uvu geye. ⁹ A tsiniyi geye kọ Usigapa gebo gẹ̀dẹ na uvu geye, gebo gwuye ugyi ubina gẹ̀dẹ wo be gase gume gebo gẹ̀dẹ ni du, yeye banị gebo kana. ¹⁰ Geye uvu gẹ̀dẹ, uvu gebo gume eyeye Usigapa te la, nde gebo gẹ̀dẹ na u yeye ugyi ubina gẹ̀dẹ wo fune nu akabibi. ¹¹ Banị kiki yami, nde Usigapa uyeyi, ugo gẹ̀dẹ yeye idika. ¹² A nya unide me utaba pa Usigapa te la. nde yeye idika. Usigapa de nine, geye kana de ni ne. ¹³ Ni gayi te, ikpu gẹ̀dẹ niye ideni giye kana, inna ude ni giye keyi, gebo gẹ̀dẹ ugiyi ulufu na. ¹⁴ Niyi du ipaa, igini vu banị me a mwo, gebo gẹ̀dẹ Adayi ubene ubina gase giyi uwa vu unime uwa se gse gume tẹ̀. ¹⁵ Unime u wuru gẹ̀dẹ Uyesu uvu ubi wo Usigapa, Usigapa de ni giye kana, na du ude ni giye kọ Usigapa. ¹⁶ Niyi du, kpu, igini wuru geye gume Usigapa yya weyi te ne. Usigapa uvu geye, unime ude ni geye na, wa de nu Usigapa, usi gapa gini de na ne. ¹⁷ Gebo guye te geye ana me sesele ni ngiye kene, giya tsi nu uzu wo tsi gebo gẹ̀dẹ ko usiyi te, usiyite ni gase gume. ¹⁸ N zizye wayi ni gaye la saide geye sesele a tse nzize efene, gebo gẹ̀dẹ nzize uvu liye ga gyi banị unime uwa mwo nzize, gaye kana a me gọ la. ¹⁹ Yeye idika gebo gẹ̀dẹ Usigapa uguzi yeyi. ²⁰ Nde unide u gẹ̀dẹ na eye Usigapa, u wuye uni vuva ana la, uvu unami. gebo gẹ̀dẹ unime uweye unime uwa pa ni yapu ne te la, wa ye Usigapa me uwa pa ni yapu ne te la. ²¹ Nyina kpu gẹ̀dẹ, ube uzizi me ufu nu waze na te, gẹ̀dẹ unime u wa ye Usigapa, usi gini eye uni vuva yana.