¹ Nde unime u wuru gẹ̀dẹ Uyesu uvu ubi wa Usigapa, uzu, umomo wo Usigapa, unime u ye ada wo ye ubi me umo te du. ² Gebo ka gayi te tẹ̀ e kpu tẹ gẹ̀dẹ yeye bebi wo Usigapa iye Usigapa igini me ibe izizi. ³ Geye ko Usigapa uvu gẹ̀dẹ, ya me ibe izizi yana, ibe izizi yana ya nya liye la. ⁴ Banị me usi gapa mwo ba gbyi te, ba wa unasara ni gase ne. Unasara me iwa ni gase te uvu ubangaskiya yi nu Uyesu. ⁵ N wa unasara ni gase ne! uvu unime u wulu nu Uyesu ubi Usigapa ne tẹ̀. ⁶ Ana uvu unime ube nu utimozi wa ozwo ni beyi ne. Ubatizima wa uz ni ge tsi kana ne. ⁷ Utozi ita, utsine ubeme Uyesu me tẹ̀. ⁸ Uluhu, nu uzo ne, ne byeyine kana ne. gbiba ita me, ba wulu ni idiya ne. ⁹ E ga gu lika ka banị la, gẹ̀dẹ lika kọ Usigapa upe wa gọngọ. Ubeme Usigapa gete, uvu gẹ̀dẹ, Uyesu uvu ubi. ¹⁰ Unime u wulu nu Uyesu ubi wa Usigapa ne, u nya lika kọ Uyesu ni iwu yana. Unime uwa wulu nu Usigapa ne la, u gẹ̀dė Usigapa uvu unami, gebo gẹ̀dẹ wa wulu nu ubeme Usigapa ge nu lutu ko Uyesu te la. ¹¹ Ubeme us gapa ge te uvu gẹ̀dẹ nge ne ulayi gbogbo a gee. Ulayi ye uyinu Uyesu ubina. ¹² Unime uya Uyesu u wa ulayi. Unime u wa nya Uyesu la, wa wa ulayi la. ¹³ N ka ibeme nyane gebo gẹ̀dẹ ya kpu te gẹ̀dẹ wa ulayi, ni banị me iwulu nu Uyesu ubi wo Usigapa tẹ̀. ¹⁴ Ikpu gẹ̀dẹ ubeme iyeye, igaya, wama agiyi. ¹⁵ Igini kpute gẹ̀dẹ wo wuyi, ubeme ibya, wa ma agyi. ¹⁶ Nde unimeu pa uni vuvana uwa me lika ubibi, uwa vu me una wa tsi te la, wa ma aduwa gụ Usigapa agya unawa ulayi. Ma gi banị me aka bibi ba ya vu ye gitsi la tẹ̀. Aka bibi me ivu ye getsi te yi; ma gẹ̀dẹ wa ma aduwa gebo ka a kaye la. ¹⁷ Aka me iya me la tẹ gbyi ivu ubibib nde aka ibibi udika ya vu ye gitsi la. ¹⁸ Unime uvu umwo mwo wo Usigapa wa me aka ibibi la, nde unime Usigapa mwo tẹ banị ibibi ba da la. ¹⁹ Ikpu gede Usigapa umaiyi, gase gume yi ni gubo ka banị bibi. ²⁰ Ipku te gẹ̀dẹ ubi Usigapa ube gase gyi wa pyee yapu yeye, ge ya kpu unime uvu utozi te. Ni ya ba unime uvu ugasikiya tẹ̀, nu Uyesu Alimasihu me uvu ugasikiya, ugina ulayi wo gbogbo a gee tẹ̀. ²¹ Bani yami nyina nabo gẹ̀bo ga mẹ.