¹ Yine apa geye gume Usigapa giyi te, gẹ̀dẹ avaliye gẹ̀dẹ bebi wo Usigapa, ine isiyi tẹ̀. gebo ka gayi te, banị gase gume ba kpyi la, ge gẹ̀dẹ ba kpala. ² Banị yami, ivu banị wo Usigapa keke me, ya gini kpu ki iyayi te be la. ikpu gede, utume Uyesu ube be, yayi ka kona, gẹ̀dẹ ya pa kana wo usiyi te. ³ Unime nya lika gume ni eye yana, uni yapu sinmo, wa zwu tuzu sansle ka ko me Usigapa siyite. ⁴ Unime ume uzunubi, wa me ube me uwago la tẹ̀. gebo gẹ̀dẹ akabibi vu ubeme uwa gọ game la tẹ̀. ⁵ Yine kpute gẹ̀dẹ Uyesu ube gase gume, gya mwoyi uzunubi waye, gebo gẹ̀dẹ na wa ya akabibi la. ⁶ Aya unime ude na ne wa na me aka bibi la. nde unime u kpakpa ki lika ubibi ne wa kpala tẹ̀. ⁷ Banị yami nyine, a ga gigi ge unide a zene la. unime uwa me lika sesele, usi vu uni sesele, ka ko yami, Uyesu si me lika sesele tẹ̀. ⁸ Unim e ume lika ubibi uvu wo Usẹtami ume lika ubibi ni ngbọngbọ. Gebo guye Uyesu be gase, gyi wa gbasa gatime ko Usẹtami. ⁹ Aya unime uvu wo Usigapa, gi wa ma aka bibi ta la, gebo gẹ̀dẹ Uyesu uzu lika kana, ni eye yana. Unime n lika ko Usigapa yini eyeyanate, wa nabo aka ebibi ga me, gebo gẹ̀dẹ Uyesu na se. ¹⁰ Gayi te, akpou bani ye Uyesu ni ye be ni wo Usẹtami ne. Unime uwa me lika sesele la, wa vu uni wo Usigapa la; su unime wo ye univuva ana la tẹ̀. ¹¹ Lika gume nyine wu nu ngbọngbọ tẹ̀, uvu gẹ̀dẹ ye ye idika la. ¹² Yine igayi ka ko ukayinu me ume aka ibibi, uwu uni ukwona tẹ̀. La'a ngeyi uwu uni ukwona, gebo gẹ̀dẹ uvu uni bibi, unu kwona vu ni sesele. ¹³ Ke de wa ve ne ube upipala bani yami, nde ageyine ni gase gume ¹⁴ Ikpku te gẹ̀dẹ, ifu ni gitsi iwa ulayi gebo gẹ̀dẹ yeye banị kiki yeyi. Unime uweye uni vunala ude ni utu. ¹⁵ Unime ugye univuva ana uvu uni banị gawu; yine kpu te gẹ̀dẹ unime uwa wu banị te, wa wa umuliki Usigapa la. ¹⁶ Uyesu u tsine idika gaye gebo gẹ̀dẹ u gyi iwu yana. ni du, ya uwuye. ¹⁷ Nde na ya ube, uni uvuva yi aya la, inayi kyi nye pko, wa yi guneyi gyi geye ko Usigapa ayi nene? ¹⁸ Banị yami egeye idika ni ganu keli la, ya me ubeme wo gẹ̀dẹ asame tẹ̀. ¹⁹ Ga yite, nya kpute gẹ̀dẹ ivu banị wo ti ni gegu ko Usigapa. ²⁰ Nde eyeyi, ya zeyi iwa Usigapa uya ntsi be eyeyi, ukpu geye gbi. ²¹ Banị yami, nde eye yeyi ya zeyi iwala, ivu banị wo Usigapa. ²² Ya wa ubeme nyeye tẹ̀ nu uze Usigapa, gebo gẹ̀dẹ ya ba lika kana, igina ma ube me u weye tẹ̀. ²³ Ubeme u tsine te uvu gẹ̀dẹ ya wulu ni lika ko Uyesu Alimasihu, igini eye da, ka ko me u se ki ni tẹ̀. ²⁴ Unime uwa ba utozi wo Usigapa, Usigapa dena ne, gayi tẹ̀, iya kpute gẹ̀dẹ udẹ ni ne, gebo ko uluhu na me ugiyi tẹ̀.