¹ Be biki, ma ka ibe me a gene gobo gẹ̀dẹ nyine aga me aka ibibi la. Ide uni de ume aka ibibi e nye unime ude nii gaga tky, na adayi inna uvu Uyesu Alimasihu, ume, uwa ya aka ibibi la tẹ̀. ² Ina ufune na ka ibibi yeyi me, wa vu aka ibibi yi kili la, si wou gongwo ni gase gume. ³ Gayi te, iya kpute gẹ̀dẹ ipkya, nde nyabe ibe izizi yana ⁴ Ide unime u gẹ̀dẹ, nna kpuwu Usigapa uwa bei ibe izizi yana la, uvu unami ugaskiya ayi n ne la. ⁵ nde unime uwa ba lika kana nu ugaskiya ne nna uvu unime, ngaye ko Usigapa yi na ne tẹ̀. Ga yite aya pkwu gede iyi ngyiye kana. ⁶ unime u gede nna vu wo Usigapa, wa zu tuzu ka ko me Uyesu zutuzu tẹ̀. ⁷ Banị yami, ma ka, ibe izizi ipipa e lene la, isi vi ebe izizi me nyne kpu nu gbongbo te. ibe izizi ikpukpu uvu lika ko Usigapa me nyine wu tẹ̀. ⁸ Si ga yi tẹ̀, ma ke ibe izizi ipipa ma gene, ume uyi kukwasi nu Uyesu ne, nene tẹ̀, gebo ka ga gẹ̀dẹ nyine ge me le nutu, nde nyine guzi fu nu utu be. ⁹ Unime u gẹ̀dẹ nna de na a kụwa, nde wo ye uni vuva wana la, utsi tsi de nu utu. ¹⁰ Unime uwe ye uni vuvu ana, ude nu kụwa, wo pili kpe la. ¹¹ nde unime uge uni uva na, wa zutuzwu nu utu, wa kpu nime uwa ge te la, gebo gẹ̀dẹ yapu yana vu ikuku lu. ¹² Bebi yami ma ka magene gẹ̀dẹ amune aka'a ibibi ye ne gebo ka liye kana. ¹³ Ada, maka ma gene, gẹ̀dẹ nyine kpu unime uyi ni ngbọngbọ tẹ̀. nyine ba sanbalu, ma ka ma gene, gẹ̀dẹ, nyine wo unasala ni bani ibibi ne. ma ka a gene bebiki wuliwuli, gebo gẹ̀dẹ nyine kpa Ada ¹⁴ Ada ne, ma ka ma ge ne, gebo gẹ̀dẹ nyine kpu unime uyi ni ngbọngbọ te. Basanbali ma ka ma gene gebo gẹ̀dẹ yine ya itsi, n lika ko Usigapa yi nene ne, nyine wo nsela ni banị ibibi ne. ¹⁵ Nyene geye gase gume, niba ye gase gume ne la. nde unime uweye gase gume, geye ko Sigapa wayi ni iye yana la. ¹⁶ Gbyi ibeme iyi ni gase gume ni geye ko guwupa ne, ni geye ko yapu n, ni lika ubibi game ni gase gume, wa vu wo Usigapa la, nde uvu wa gase. ¹⁷ Gase gume ni ibe yana ne ya kye nde unime me lika ko Usigapa wayi gbogbo agye. ¹⁸ Bebiki wuliwuli, utu age bye te, kan kome nyine su wu gẹ̀dẹ, anabawa yami be be, keke mete bebe ni gedu ne be ngayi te tẹ̀, ikpute gẹ̀dẹ ile nu utu w gebe. ¹⁹ Be fu kiyi gebo ka ga gẹ̀dẹ, ba si gima vu woyi la. ba gima vu yeyi ba gime le nine nde ge fu kaba guye tsini gẹ̀dẹ ba si gi ma vu woyi la. ²⁰ Nde Usigapa uvu lene, yine kpu lika sesele gbyi. ²¹ Ma ka gene gebo ka ge gẹ̀dẹ yina kpuwu, lika sesele la. Nde gebo ka ga gẹ̀dẹ yine kpu, gẹ̀dẹ ami yayi ni lika ko ugasikiya la. ²² Ngọ uvu unami? unami uvu unime ute gẹ̀dẹ Uyesu wa vu unime use banị te la. una wa uvu umali ami gebo gẹ̀dẹ, ugede Uyesu w vu ubi wo Usigapa la. ²³ A nyo unime ugẹ̀dẹ nna kpu ubi la, ugẹ̀dẹ nna kpu ada tẹ̀. Unime ukpu ubi tẹ̀, uvu unime ukpu ada du tẹ̀. ²⁴ Nde yine, ubeme nyine wu ngbọngbọ tẹ̀ yine e vaa. Nde ubeme nyine wu ne ngbọngbọ tẹ̀ uyi ne ne, yine yi nu ubine saa ada na. ²⁵ Alikwawoli me ume tẹ̀, uvu ulia gbongbo a gayi. ²⁶ Nka ibeme gyne gebo ka ga gẹ̀dẹ, banị idika ba gegyi gina a va nu utozi. ²⁷ Nde nyine, avala me nyina gu na ne te wayi ne nene anya unime uwa tsine tegala. nde lika gume u tsine ne byi te uvu ugasikiya, amii ayi mu la. Kan kome usi tsine te, ye vu lika ka na. ²⁸ Nyine bebi wa Usigapa, nyine genge ni tsine, gebo gẹ̀dẹ, etekime u wobe te, ya nya ntsi gi azii a ga muyi ni gabe kana la. ²⁹ Nde nyine kpute gẹ̀dẹ, uvu uni tsim, nte nyine akpute gẹ̀dẹ unime ume lika sesele uvu ubi umumo uwana.