¹ Emiata ikhi o̱lo̱lo̱ u'uku kha kie̱n o̱vbekha, o̱imo̱i iyo̱dan re̱yi o̱vie̱n, o̱khare̱ kie̱n khi yio̱n lo̱ mo̱in emikhemi. ² Sokpe̱n ea niain lo̱ya re̱o kpayo̱i khui elemi se̱vbo̱ e̱ghe̱ li erai re̱o̱i kho̱ke se̱ lo̱lo̱ re̱ mo̱i elemi. ³ Iyo̱ limai ri, e̱ghe̱ si o̱vbekhan mai, mai kie̱n ela mamani re̱yi awe'e si olagbo̱na. ⁴ Sokpe̱n bi e̱nghe kere̱se̱, Oise̱le̱bua yi ovbio̱i, lo̱'o̱u khi o̱kposo vbiai, la vbia o̱vbi ue̱n si uhi. ⁵ O̱vbo̱na lo̱re̱ mie̱n ele rivbi obo̱ si uhi fan, limai lo̱re̱ meti kie̱n elare̱ kio̱mo̱n. ⁶ Erimidi ivbia vbaiu, Oise̱nle̱bua yi eti si ovbio̱i ovbi e̱ke̱n udu samai, eti lo̱ khue eci "Baba, li Era." ⁷ Vbo̱hio̱ so̱na u kecie kie̱n o̱vie̱n sokpe̱n o̱mo̱ lavbiai. Ukha kie̱n o̱mo̱, e̱the̱ai ukie̱n o̱lo̱mo̱n uku s̱ian vbi obo̱ si Oise̱le̱bua. ⁸ E̱ghe̱an, livbaire̱̱ ei̱n Oise̱le̱bua, livba re̱ cie̱n ovie̱n yi elo̱'o̱u khi ere̱re̱ kie̱in ireo̱ gbeigbei. ⁹ Eyian lo̱keu khue̱in Oise̱le̱bua, da'a, li Oise̱le̱bua kere̱ e̱nvba, e̱mo̱ze̱i livba lo̱kecie re̱ delegbe o̱vbi awe'e si o̱lagbo̱na lo̱i dewuin emio̱so? Vba ke cie ho'o li vbai cie kie̱n o̱vie̱n? ¹⁰ Erivba e̱n re̱ vbi ae'ere si ikpe̱de̱, uki lo̱gbo̱n, e̱ghe̱ o̱do̱ndan, bi ikpe. ¹¹ Ofe̱n o̱wun me̱n lavba. Ofe̱n si o̱ubi khi ifilo lavba vbi oto̱'o̱san. ¹² Idoabo̱ lavba, imio̱nme̱n, livba re̱ubi'me̱n, erimidi eri me̱me̱n gbou bivba. Vbai ume̱n o̱be. ¹³ Vbae̱n khi o̱hio̱ si aidan lire̱ wewe vbie̱vba vbi ikpao. ¹⁴ Ore̱u khi aidan se̱me̱ kie̱in idamighe yivba, vbai ri e̱o gbeme̱run da'a livba sin me̱n. Sokpe̱n vba ga'obo̱ mie̱n'me̱n elabi e̱hi si Oise̱le̱bua, bemo̱n khi Jesu Kristi legbeso̱i li ke'u. ¹⁵ Ebi egho̱gho̱n savba keri siyo̱'o̱? Erilo̱ me̱ti tai kho̱, vba'a khalo̱ me̱ti, erivbakha vbo̱'o̱i ikpeo vba wun'ne̱me̱n. ¹⁶ O̱hio̱ so̱na, erike kie̱in o̱be vba erimidi khi t'ata lavbaho̱n? ¹⁷ Erian so̱go̱lo̱ ho'o vba, sokpe̱n o̱ivbi re̱yi o̱le̱se̱n. Yian ho'o liain van vba vhi obo̱ me̱n livbai ya re̱khaiain. ¹⁸ O̱eo̱vbo̱ livba ya riakha'a vbo̱hio̱ si emile̱se̱n, o̱ivbi e̱ghe̱ li rivbi use'evba ukpo̱kpa. ¹⁹ Ivbekhan me̱n li gue̱'e̱, ya ciegbo oya si utomi si evbia vbo̱hio̱ vba re̱kpe̱se̱'vbo̱ khi Kristi di udu vba're. ²⁰ Yia ho'o li di use'e vba re li re̱ deli uro'o me̱n, erimidi e̱mo̱n vba o̱'yiame̱ unuan. ²¹ Tane̱me̱ho̱n, vbavba li vba ho'o li vba e vbi e̱mo̱n uhi, vbai hin emin li uhi tai? ²² Avin'o̱in khi Ebrahamu mo̱in ivbia eva, o̱kpa vbi o̱li oghumi vbiai li o̱no̱in re̱vbi o̱li o̱kposo laro'oi vbiai. ²³ O̱re̱riyo̱, o̱li oghumi vbiai likhi o̱lavbiai s̱ian vbi ukpo̱hio̱ si egbe, sokpe̱n o̱li o̱kposo laro'oi vbiai likhi o̱mo̱n la hi. ²⁴ Alo̱ meti mi aze̱o si elemina vbi itan, erimidi eli ikposo leva na eubi atamasi eva. O̱kpa zavbi O̱ko̱ si Sinai vare. O̱vbiai ivbia lekie̱n ighumi. O̱na vbi Hagai. ²⁵ Hagai likhi O̱ḵo̱ si Sinai vbi Arebia. O̱kie̱in are̱zoma si Jerusale̱m li o̱le̱ghe̱na, erimidi khi o̱rivbi oghumi bi ivbekhan so̱i. ²⁶ Sokpe̱n Jerusale̱m lo̱rivbi idale, lo̱kie̱n iyio̱mai. ²⁷ Erimidi era vin'o̱i kho̱, "Yia gho̱gho̱n, we̱we̱ li agan, we̱we̱ lu'u vbia. Fiurun si egho̱gho̱n, we̱we̱ lue̱in e̱mo̱in o̱mo̱n uvbiami. Erimidi agan ke vbi ivbia lebun, lei ivbi o̱kposo lo̱imo̱in o̱do̱ n. ²⁸ E̱yian vbavba li imio̱n me̱n, ze̱n elabi Aizik, ivbia li ahi'i livbau. ²⁹ Vbi e̱ghe̱ain, o̱mo̱n lavbia s̱ian vbi e̱mo̱in egbe lo̱khui o̱la vbiai s̱ian vbi eti s̱ian. Iyo̱ gbo'o̱ ebai tai na. ³¹ O̱hio̱ si o̱na, imio̱n'me̱n, mai vbi ivbi o̱kposo lo̱kie̱in oghumi, sokpe̱n ivbi o̱kposo la ro'oi.