¹ O̱hio̱ si anifan li Kristi re̱ de̱mai ciere. O̱hio̱ so̱na muzan le̱se̱n, ecie siegbe o̱vbi ifi si o̱miamen si ighain. ² Me̱me̱n li Po̱lu li e̱vba khi vbakha kie̱n o̱la rue̱'e̱i umo̱in e'e li Kristi lo̱ zavbo̱ re̱na'a. ³ Igbocie to̱na ni o̱ikho̱ia lo̱u kha rue̱'e̱i ho̱n, lo̱iya re̱o̱vbi uhu ereme̱n. ⁴ Eru van egbe'se̱ s̱io̱vbi egbe si Kristi re e̱ghe̱ li vba diudu ain uhi. Uke de s̱io̱vbi e̱seo̱he̱n re vbo̱le̱ghe̱. ⁵ S̱ian vbi obo̱ si eti-lo̱fuan, vbe̱ke̱in amie̱nho̱n, nimaza muzan khe̱'e̱ aruduo̱ si ue̱n'le̱se̱n. ⁶ Vbi Jesu Kristi, orue̱'e̱ bi o̱lo̱ivbi orue̱'e̱ o̱'imo̱n o̱lo̱dewun. Amie̱nho̱n vbe̱ke̱in ihume̱ke̱n u'kpo̱kpa lo̱kie̱n emi. ⁷ Eri vba ya e̱n le̱se̱n. Emo̱ke khuvba vbi ata are̱khae̱n? ⁸ Laire̱ vbi emi'liyo̱ i'zavbi obo̱ si o̱lo̱'ecie'e̱ vare. ⁹ Emi kha rana're o̱mo̱in iyo̱dan. ¹⁰ Eri'mo̱in adiudu an o̱we'egbe vbi O̱lo̱mo̱e̱nmai khi ukha degbe mo̱in ao'o o̱dan. O̱ia lo̱ vbie̱'e̱ rurua o̱lo̱ mi ikhueo so̱i, o̱lo̱ghere̱ghe kian ereme̱n. ¹¹ Imio̱nme̱n, ikha kpe̱ wewi e̱mōin orue̱'e̱, emo̱ze̱i lakpe̱re̱ mo̱in ikho̱e̱ke̱in se̱me̱n? O̱khariyo̱ o̱gbe̱'e̱n lo̱vbi ukpo̱ran lo̱de o̱gbo̱ngban o̱ke kie̱n ema khueo. ¹² Iho'o lai mie̱n khi ea lian vbie̱ vba rurua, elo a'ai egbe'siain. ¹³ Oise̱le̱bua ecievba o̱vbi amie̱nfan. Sokpe̱n vbaewei amie̱nfan savba o̱vbi ukpode si egbe. Vba ya ro̱i gi o̱zeva vba. ¹⁴ Erimidi uhi ereme̱n kui uhumi ghe vbi o̱kpa lo̱kie̱n, "Hume̱ke̱in o̱lo̱zevase̱ elabi egbese̱'e̱." ¹⁵ Sokpe̱n vba kha gbe'egbe li vba ya khuakhi egbe'e, vba rie'e o̱vbo̱ khi vbai khue egbevba'o. ¹⁶ Ire̱'o̱vba, vba ya ri e̱mo̱n Eti s̱ian, livba kha yare̱ ri e̱mo̱in egbe u. ¹⁷ Erimidi khi egbe mo̱in aho'o lo̱ totoi re̱khain Eti, iyo̱i eti gboi mo̱in aho'o lo̱ totoi re̱khain egbe. O̱hio̱ o̱be si egbe lian eveva u. Emo̱zavbo̱ dianre likhi uya vbi emi luaho̱'o̱i khulo̱p'u. ¹⁸ Sokpe̱n Eti kha re̱'e̱s̱ian, uhi ike mo̱in utotomo ōwe̱'vbegbe. ²⁰ ireo̱ ugami, eti lo̱be bi ikhumi uwe'emi, ari e̱olo̱be gho'o̱ia, uro'o, o̱ine̱n uwumi, o̱kan umie̱nmi, oghaye̱, ²¹ imo̱eo, ade̱yio̱n gbegbe, bi ue̱n evbe elabi enan. I'hiuke̱ke̱ lavba, elabi'i hiuke̱ke̱ lavba vb'ikpao, khi elo̱vbi elemina ekha u'uku si e̱ghe̱'o̱ba si Oise̱le̱bua. ²² Sokpe̱n ikpo̱mo̱n li Eti o̱mo̱n likhi ihume̱ke̱n, egho̱gho̱n, o̱fure, ozie̱n, itue̱ke̱n, o̱hume̱me̱n, amie̱nho̱n, ²³ ifue̱n'egbere, bi ako̱in emi'u. Aimi uhi lowuin eli emi'na. ²⁴ Ea lian kie̱in isi Jesu Kristi eike mo̱in aho'o si egbe da'a is'o̱lo̱be. ²⁵ Main kha rivbi e̱ke̱n Eti, vbazuan ya we'e vbe̱ke̱n Eti. ²⁶ Vbaezuan ya mōi ikho̱e̱n'egbe, da'a abiegbe ohan, da'a amo̱n'e̱o si egbe.