¹ Sǝi kõmangɨ je kɨ ai dɔ mbal tɨ kɨ Samari tɨ oi ta kɨn majɨ, adi kõ nje ndoo je kɨ dum, ɨbudi sɨngǝ dangɨtɨ je rum-rum ǝ ǝli ngawsi je ǝi nǝ: i rǝi adɨ j-ãyĩ-naa ne. ² Njekoyal Luwe ɨbɨ rɔne kɨ rɔkay-njay lǝne. Ooi ndɔ je a rei, dije a uwǝi sǝsi kɨ mɨsɨ, ǝ a uwǝi gɨn kojɨ je lǝsi kɨ kuy. ³ Sǝi je a kujǝi-naa kɨ bole lo je, na na a uwǝ rǝbɨ kɨ nõne tɨ. Dije a tuwǝi sǝsi ɓuki sǝsi dɔ mbal Hǝrmõ tɨ, ǝyǝ Njekoyal ǝl be. ⁴ Awi Bethel tɨ ǝ ɨrai majal, awi Gilgal tɨ ǝ ɨrai majal ka boy ɓǝy, ɨteei kɨ sĩ ǝ adi kadɨ-kare je lǝsi kɨ ndɔe ndɔe, ǝ asɨ ndɔ mɨtǝ ǝ uni ne kɨngǝ je lǝsi dan kɨ dɔgɨ tɨ adi kadɨ-kare tɨ. ⁵ Ɨlǝi əm kadɨ-kare je tɨ lǝsi ǝ ɨrai oyo Luwǝ, ɨlǝi bẽ , ɨndǝi ngəngɨ dɔ ne je tɨ kɨ adi kɨ mendɨgɨ lǝsi. ⁶ Nɨngǝ mi m-adɨ ɓo bo õ ɓebo je tɨ lǝsi pǝtɨ, ne kuso goto me kǝy je tɨ lǝsi be ka ɨtǝli rǝi rɔm tɨ al; Njekoyal ǝl be. ⁷ Mi m-adɨ ndi ǝdɨ al nay mɨtǝ ɓǝy taa nay ra ko asɨ, m-adɨ ndi ǝdɨ ɓebo tɨ kɨ kare ǝ m-adɨ ǝdɨ kɨ nungɨ tɨ al. M-adɨ ndi ǝdɨ me ndɔr tɨ kɨ kare ǝ m-adɨ ǝdɨ kɨ nungɨ tɨ al adɨ tutɨ kurum. ⁸ Ɓebo je joo ǝ se mɨtǝ awi rɔ e kɨ kare tɨ dǝji-e man kãy nǝ ɨngǝi man kãy kɨ tɔl ɓo kɨndǝ lǝde al, Njekoyal ǝl ǝnǝ: Beka ɨtǝli ɨrei rɔm tɨ al. ⁹ M-adɨ laa uwǝ ndɔr je lǝsi ngãy bǝtɨ je usoi kagɨ njuu je l̄ǝsi, kagɨ mbaikote je lǝsi, kagɨ binije lǝsi makɨ-makɨ. Njekoyal ǝl ǝnǝ: E be kaa ɨtǝli ɨrei rɔm tɨ al. ¹⁰ M-adɨ yo kosɨ tɔl sǝsi tǝkɨ ndɔ kɨ m-tɔl-n dɨje kɨ Ejɨpɨtɨ tɨ, ndɔ kɨ m-tɔl dɨje kɨ lǝsi kɨ duu kɨ kiyǝ, m-adɨ dije taai sɨndǝje lǝsi, m-adɨ dɨje ndumi lo rɔ tɨ lǝsi adɨ bãide ǝtɨ sǝsi be ka ɨtǝli ɨrǝi rɔm tɨ al, Njekoyal ǝl be. ¹¹ Njekoyal ǝl ǝnǝ: M-a m-ra sǝsi tǝ Sɔdõm ǝi kɨ Gõmor kɨ Luwǝ ro-de kɨ por, ǝ ɨtoi tǝ gɨndɨ si kɨ dǝw ɔy to por tɨ be, be ka ɨtǝli ɨrəi rɔm tɨ al. ¹² MBata kɨn ǝ, ĩ Isɨrayǝl, oo majɨ m-a m-rai be tɔ. Tǝkɨ m-a m-rai be tɔ kɨn nɨngǝ ,ɨndǝ dɔrɔi dana kadɨ a ɨngǝina kɨ Luwǝ lǝi. ¹³ Oo majɨ. tadɔ dǝw kɨ ra mbal je, ra nǝl, adɨ dǝw gǝǝ taga je lie, ra lo kɨ ay ade tǝl lo kɨ ndul, njɨyǝ dɔ loje tɨ kɨ toi taa dɔnangɨ tɨ, tɔe e NJekoyal, Luwǝ lǝ njé-rɔ.