^{1 2} 1 ಅಂಜನೇ ದೇವದೂತನು ತುತೂರಿಯತ್ತೆಯ ಉದ್ನಪೋದು ಅಕಾಶುತಿಂಡು ಭೂಮಿಕು ಬೂದತ್ತ ಒಂಡು ನಕ್ಷತ್ರ ಪಾತೇ ,ಅತ್ಗು ಅಧೋಲೋಕುತ್ಗು ಹೋಗ್ರ ಕೂಪದ ಬೀಗುತ್ ಕೈ ಕುಡುತಿಂಚು , 2 ಅದು ಅಧೋಲೋಕುತ್ ಕೂಪತತ್ತೆಯ ವಂಗ್ರುಕು ಕೂಪತಿಂಡು ವಂದ ಪಗ ಬೆರು ಕುಲುಮೆ ಪಗಲ್ ತರ ಮೆನ್ಕು ಹೋಸು ;ಕೂಪದ ಪಗ್ಲಿಂಡು ಸೂರ್ಯನುನು ಆಕಾಶ ನೋಬ್ಬಸು. ^{3 4} 3 ಪಗ್ಲುಕೊರುಯಿಂಡು ಮಿಡತೆಗ್ಯ ಭೂಮಿತ್ ಮೇನಿ ವಂಚ್ನು .ಭೂಮಿಕೋರು ಇಕ್ರ ಚೋಳುಲ್ಕು ಸಾಮರ್ಥ್ಯ ಇಕ್ರುಕನಿ ಅಲ್ಕಿ ಸಾಮರ್ಥ್ಯ ಕುಡ್ತಿಂಚು , 4 ಭೂಮಿ ಮೇನಿಕ್ರ ಪುಲ್ಲನಗೋಟು ಎ ಪಲ್ಯವನಗೋಟು ಮರ್ತತ್ತೆಯ ಕಡಕ್ದೆ ನೆಚ್ಚಿ ಮೇನಿ ದೌರ್ರು ತ್ ಮುದ್ರೆ ಇಲ್ದೆಯಿಕ್ರ ಮಣುಸ್ರತ್ತೆಯ ಅದ್ನೇ ಕಡುಕುರ್ದು ಇಂಡು ಅಲ್ಕಿ ಅಪ್ಪಣೆ ಹಾಸು. ^{7 8 9} 7 ಆ ಮಿಡಿತೆತು ರೂಪ ಯುದ್ದತ್ಗು ಸಿದ್ದಯೈಕ್ರ ಕುದ್ರುತ್ ರೂಪುತ್ ತರ ಇಂಚು ,ಅಲ್ತ ತಲ್ಕಾಯಿ ಮೇನಿ ಬಂಗಾರ್ತ ಕಿರೀಟು ತರ ಎಂದೋ ಇಂಚು ;ಅಲ್ತ ಮೊಗಂಗ ಮಣ್ಸುಸುರ್ತ್ ಮೊಗು ತರ ಇಂಚು . 8 ಪಂಬ್ಲಾಲ್ತ ಮೊಗುರ್ ತರ ಇಕ್ರ ಮೊಗ್ರು ಅಲ್ಕಿ ಇಂಚು ,ಅಲ್ತ ಪೆಲ್ಲುಗ ಸಿಂಹತ್ ಪೇಲ್ಲು ತರ ಇಂಚು , 9 ಅಲ್ಕಿ ಉಕ್ಕಿನ ಕವಚುತರ ಕವಚುಗ ಇಂಚು ,ಅಲ್ತ ರೆಕ್ಕುಲ್ತ ಶಬ್ದ ಯುದ್ದತ್ಗು ಓಡ್ರ ರಥಾಶ್ವಗಳ ಶಬ್ದುತ್ ತರ ಇಂಚು. ^{10 11 12} 10 ಚೋಳುಲ್ಕು ಇಕ್ರು ತರ ಅಲ್ಕಿ ಬಾಲ ಕೊಂಡಿಗ್ಯ ಇಂಚು .ಮಣ್ಸುರತ್ತೆಯ ಅಂಜು ಮಾದುತನ್ಕ ಪೀಡಿಸ್ರ ಸಾಮರ್ಥ್ಯ ಅಲ್ತ ಬಾಲುತ್ಗೋರೆ ಇಂಚು , 11 ಅಧೋಲೋಕುತ್ ಅಧಿಕಾರಿ ಅನಾ ದೂತನು ಐಲ್ಯದ್ದಿ ಅಲ್ಡ್ರ ಅರಸು ;ಅತ್ಗು ಇಬ್ರಿಯ ಒಕೋರು ಅಬದ್ಧೋನಯಿಂಡು ಗ್ರೀಕ್ ಒಕೋರು ಅಪೊಲ್ಲುವೋನಯಿಂಡು ಪೇರು ಇದೂ , 12 ಒಂಡನೇ ವಿಪತ್ತು ಮುಗ್ಜು ಹೋಸು ;ಇದೋ ,ಇನ್ನೂ ರಂಡನೇ ವಿಪತ್ತು ವರುದೂ. ^{13 14 15} 13 ಆರನೇ ದೇವದೂತು ತುತೂರಿಯತ್ತೆಯ ಉದ್ನಪೋದು ದೌರ೦ಚ್ಲಿ ಇಕ್ರ ಬಂಗಾರ್ತ ವೇದಿಯ ಕೊಂಬುಲಿಂಡು ವಂದ ಒಂಡೇ ದನಿಯತ್ತೆಯ ಕೋಟೆ 8, 14 ಅದು ತುತೂರಿಯತ್ತೆಯ ಪುಡ್ಸಿಂದ ಆರನೆಯ ದೇವದೂತನ್ಕು –ಯೂಫ್ರೆಟೀಸ್ ಇಂಗ್ರ ಮಹಾ ಕೊಳತಂಚ್ಗು ಕಟ್ಟಿಕ್ರ ನಾಲು ಮಂದಿ ದೇವದೂತರತ್ತೆಯ ಇಚ್ಯೋಡು ಇಂಡು ಸೋನುಸು , 15 ಅಪೋದು ಮಣ್ಸುರೂಲ್ಲಿ ಮೂಡುಕೋರು ಒಂಡು ಭಾಗತ್ ಮಂದಿಗ್ಯ ಕೊಲ್ಲುರುಕಾಯಿ ಅದೇ ವಟ್ಗಲು ಅದೇ ಮಾದು ನಾಲು ತಾಸುತ್ಗು ಸಿದ್ದವಾಯಿಂದ ಆ ನಾಲು ಮಂದಿ ದೇವದೂತರತ್ತೆಯ ಇಚ್ಯೋಡುಸ್ನು. ^{16 17} 16 ಕುದ್ರ ದಂಡಿಲ್ತ ಸಂಖ್ಯೆ ಇರ್ ದಿ ಕೋಟಿ ಇಂಡು ನನ್ಕು ಕೊಟ್ಸು . 17 ನಾನು ದರ್ಶನತ್ಗೋರು ಪಾತ ಕುದ್ರುಲ್ತ ಮತ್ತೆ ಸವಾರರ ವಿವರಣೆ ಏನ್ಗುಯಿಂಡೆಕ್ಯ ಸವಾರರ ಕವಚುಲ್ತ ಬಣ್ಣ ನೆರ್ಪು ಪಗ ಗಂಧ ಇಲ್ತ ಬಣ್ ತರ ಇಂಚು ,ಕುದ್ರುಲ್ತ ತಲ್ಕಾಯಿ ಸಿಂಹಲ್ತ ತಲ್ಕಾಯಿ ತರ ಇಂಚು ;ಅಲ್ತು ವಾಯಿಂಡು ನೆರ್ಪು ಪಗ ಗಂಧ ಈಗ್ಯ ವರ್ತಯಿಂಚು. ^{18 19} 18 ಅಲ್ತು ವಾಯಿಂಡು ವಂದ ಆ ನೆರ್ಪು ಪಗ ಗಂಧ ಇಂಗ್ರ ಮೂಡು ಉಪದ್ರವತಿಂಡು ಮಣ್ಸುರ್ ಕೋರು ಮುಡ್ನೆ ಭಾಗ ಸೇತೊಸ್ನು . 19 ಆ ಕುದ್ರುಲ್ತ ಸಾಮರ್ಥ್ಯ ಅಲ್ತ ವಾಯಿಕೋರು ಬಾಲುತ್ಗೋರು ಇಂಚು ,ಅಲ್ತ ಬಾಲಗ ತಲ್ಕಾಯಿ ಇಕ್ರದಾಯಿ ಪಾಮೂಲ್ ತರ ಇಂಚು .ಐಲ್ಲಿಂಡು ಕೇಡತ್ತೆಯ ಉಂಟುಸೈಯಾಕ್ನು. ^{20 21} 20 ಉಪದ್ರವತಿಂಡು ಸಾಗದೇ ಇಕ್ರ ಮಂದಿಗ್ಯ ತಂಗ್ಲೇ ಸೇ೦ದುಗೊಂಡವಿಗ್ರಹತ್ತೆಯ ಉಟ್ಟು ದವ್ರು ಜಾಯಿ ತಿರ್ಗುಲ್ಲ ;ಐಗ್ಯ ದೌವುಲ್ತ ಪೂಜೆಯತ್ತೆಯ ಬಂಗಾರ ಬೆಳ್ಳಿ ತಾಮ್ರ ಕೆಲ್ಲು ಮರು ಇಲ್ಲಿಂಡೆ ಸೆಂದು ಪಕಾದೇ ಕೋಕಾದೇ ನಡ್ಕದೇ ಇಕ್ರ ವಿಗ್ರಲ್ತ ಪೂಜೆಯತ್ತೆಯ ಹುಟುಲ್ಲ , 21 ಇದಲ್ದೆ ತಂಗ ನಡ್ಪಿಕ್ತ ಇಂದ ಕೊಲೆ ಮಾಟ ಜಾರತ್ವ ಕಳ್ತನ ಇಲ್ಲುಲ್ಲಿ ಒಂಡನ ಉಟ್ಟು ಮಾನಸಾಂತರ ಸೆಂದುಗ್ಲ.