^{1 2} ಏಳನೆಯ ಮುದ್ರೆಯನ್ನು ಒಡೆಯಲು ನಿಶ್ಯಬ್ದವಾದದ್ದು; ತುತ್ತೂರಿಗಳನ್ನು ಹಿಡಿದುಕೊಂಡು ಏಳು ಮಂದಿ ದೇವದೂತರು ಮುಂದೆ ಬಂದದ್ದು, ದೇವಜನರ ಪ್ರಾರ್ಥನೆಗಳು ದೇವರ ಸನ್ನಿಧಿಗೆ ಏರಿಬಂದದ್ದು; 1 ಅದು ಹೋಗ್ನೆ ಮುದ್ರೆಯತ್ತೆಯ ಒಡ್ಸಪೋದು ಸುಮಾರು ಅರ್ಧಗಂಟೆ ತನ್ಕ ಪರಲೋಕ ನಿಶಬ್ದವಾಯಿಂಚು , 2 ಅಪೋದು ದವ್ರು ಸನ್ನಿದಿಕೋರು ನಿಂಡ್ರಿಕ್ರ ಹೋಗಳೂ ದೇವದೂತರತ್ತೆಯ ಪಾತೇ ,ಅಲ್ಕಿ ಹೋಗು ತುತೂರಿಯತ್ತೆಯ ಕುಡ್ಚು. ^{3 4 5} 3 ಅನ್ಬೇಸಲಿ ಇನ್ನೊಂಡು ದೇವದೂತರು ವಂದು ಯಜ್ಞವೇದಿಯಂಚ್ಗು ನಿಡ್ರುಸು ,ಅತ್ರ ಕೈಕೋರು ಬಂಗಾರ್ತ ಧೂಪಾರತಿ ಇಂಚು ,ಸಿಂಹಾಸನತ್ ಮುನ್ಕು ಬಂಗಾರ್ತ ಧೂಪಾವೇದಿಯ ಮೇನಿ ದೇವ್ರು ಮಂದಿಗ್ಯದ್ದಿ ಪ್ರಾರ್ಥನೆ ಜೋತಿ ಮೇನಿ ಸಮರ್ಪಿಸ್ರುಕಾಯಿ ಅತ್ಗು ಸೇನ ಧೂಪ ಕುಡ್ತಿಂಚು . 4 ಅಪೋದು ಧೂಪುತ್ ಪಗ ದೇವದೂತನ ಕೈಯುಲ್ಲಿ೦ಡು ಹೋಯಿ ದವ್ರು ಮಂದಿಲ್ತ ಪ್ರಾರ್ಥನೆಯಾಂಟಿ ಸೇರಿ ದೌರ್ತು ಸನ್ನಿಧಿಕು ಹೋರಿಹೋಸು , 5 ಅನ್ಬೇಸಲಿ ಆ ದೇವದೂತನ್ಕು ಧೂಪಾರತಿಯತ್ತೆಯ ಅತ್ಗೊಂಡು ಯಜ್ಞವೇದಿ ಮೆನ್ನಿಂದ ಕೆಂಡತಿಂಡು ಮೇತಡ್ಸು ಭೂಮಿಕು ಪೆಟ್ಸು .ಅಪೋದು ಗುಡುಗು ವಾಣಿಗಳೂ ಮಿಂಚುಗ ಭೂಕಂಪವು ಉಂಟಾಸು. ^{6 7} 6 ಹೋಗು ತುತೂರಿಲತ್ತೆಯ ಪುಡ್ಸಿಂದ ಹೋಗು ಮಂದಿ ದೇವದೂತರು ತುತೂರಿಯತ್ತೆಯ ಉದ್ರುಕು ಸಿದ್ದತೆ ಸೆಂದುಗೊಂಡುಸ್ನು , 7 ಒಂಡನೇ ದೇವದೂತನು ತುತೂರಿಯತ್ತೆಯ ಉದ್ನಪೋದು ರಗುತ್ಗೋಕು ಕಲ್ಪಿಕ್ರ ಆನೆಕೇಲ್ತ್ ಮಗ ನೆರ್ಪು ಭೂಮಿಕು ಬೂಗ್ಚು ಭೂಮಿಕೋರು ಮೂಡುಕೋರು ಒಂಡು ಭಾಗ ಸುಟ್ಟುಹೋಸು .ಪಸ್ರು ಪುಲ್ಲದ್ದಿ ಸುಟ್ಟುಹೋಸು. ^{8 9} 8 ರಂಡನೆ ದೇವದೂತು ತುತೂರಿಯತ್ತೆಯ ಉದ್ನಪೋದು ನೆರ್ಪು ಅಂಟಿ ಉರ್ಯಾಕು ಬೆರು ಗಟ್ಟೋ ಇಂಗ್ರು ತರ ಇಕ್ರ ಒಂಡು ವಸ್ತು ಸಮುದ್ರುಕೋಕು ಹೊಟ್ಸು ,ಅಪೋದು ಸಮುದ್ರುಕೋರು ಮೂಡುಕೋರು ಒಂಡು ಭಾಗ ರಗು ಹಾಸು . 9 ಸಮುದ್ರುತ್ ಜೀವಿಲ್ಕೋರು ಮೂಡುಕೋರು ಒಂಡು ಭಾಗ ಸೇತೋಸು ;ಹಡಗುತ್ಗೋರು ಮೂಡುಕೋರು ಒಂಡು ಭಾಗ ನಾಶ ಹಾಸು. ^{10 11} 10 ಮೂಡ್ನೆ ದೇವದೂತನು ತುತೂರಿಯತ್ತೆಯ ಉದ್ನಪೋದು ಪಂಜ್ ತರ ಉರ್ಯಾದು ಒಂಡು ಬೆರು ನಕ್ಷತ್ರವು ಆಕಾಶತಿಂಡು ಬೂಚು ,ಅದು ಹರುಲ್ಲಿ ಮೂಡುಕೋರು ಒಂಡು ಭಾಗುತ್ ಮೇನು ತನ್ನಿ ಒರತೆ ಮೇನಿ ಬೂಚು . 11 ಆ ನಕ್ಷತ್ರುಕು ಮಾಚಿ ಪತ್ರೆ ಇಂಗ್ರ ಪೇರು ,ತನ್ನಿಕೋರು ಮೂಡುಕೋರು ಒಂಡು ಭಾಗ ಮಾಚಿಪತ್ರೆತರ ಕೆಚ್ಚು ಹಾಸು ,ಆ ತನ್ನಿ ಸೆಡಿ ಆನತಿಂಡು ಮಣ್ಸುರ್ ಕೋರು ಸೇನಲು ಸೇಚ್ನು. ¹² 12 ನಾಲ್ನೆ ದೇವ ದೂತನು ತುತೂರಿಯತ್ತೆಯ ಉದ್ನಪೋದು ಸೂರ್ಯ ಚಂದ್ರ ನಕ್ಷತ್ರತುಲ್ಲಿ ಮೂಡುಕೋರು ಒಂಡು ಭಾಗ ಮತ್ಗೊಂಡು ನೋಬ್ಬು ಹಾಸು ,ಅತಿಂಡು ಪಗ್ಮರ್ ಕೋರು ಮೂಡುಕೋರು ಒಂಡು ಭಾಗ ಪ್ರಕಾಶ ಇಕ್ಯಾದೆ ಇಂಚು ,ನಾಮರು ಅನ್ಗೆ ಹಾಸು. ¹³ 13 ಅನ್ಬೇಸಲಿ ನಾನು ಪಾತಪೋದು ಇದೋ ,ಒಂಡೇ ಗರುಡ ಪಕ್ಷಿ ಆಕಾಶ್ತ ನಡುಕು ಹಾರಾಡ್ತಯಿಂಚು ,ಅದು ಅಯ್ಯೋ ,ಅಯ್ಯೋ ,ಅಯ್ಯೋ ಊದ ಬೇಕನಾ ಮೂಡಲು ದೇವದೂತರ ಮಿಕ್ನಾ ತುತೂರಿಯ ಧನಿಗ್ಯ ಅಗ್ರಪೋದು ಭೂನಿವಾಸಿಗಿನ್ಕು ಎಂಥಾ ವಿಪತ್ತುಗ ಸಂಭವಿಸಾಕು ಇಂಡು ಮಹಾ ಶಬ್ದತಿಂಡು ಸೊಂಡ್ರತ ಕೋಟೆ .