^{1 2 3} 1 ಇದಾನ್ ಅನ್ಬೇಸಲಿ ನಾಲು ಮಂದಿ ದೇವದೂತ್ರು ಭೂಮಿಯ ನಾಲು ದಿಕ್ಕುಲ್ಕು ನಿಡ್ರುಗೊಂಡು ಭೂಮಿಯ ಮೇನಗೋಟು ಸಮುದ್ರುತ ಮೇನಗೋಟು ಏದೇ ಮರ್ತು ಮೇನಗೊಟು ಗಾಲಿಬೀಸದೆ ಇಕ್ರುತರ ಚತುರ್ದಿಕ್ಕು ಗಾಳಿಯತ್ತೆಯ ಪುಡ್ಸಿಕ್ರತ ಪಾತೇ , 2 ಇದಲ್ದೆ ಇನ್ನೊಂಡು ದೇವದೂತನು ಜೀವ ಸ್ವರೂಪ ಆನಾ ದವ್ರ ಮುದ್ರೆಯತ್ತೆಯ ಪುಡುಸ್ಗೊಂಡು ಮೂಡಣದಿಕ್ಕಿ ನಿಂಡು ಏರಿ ವರ್ರತ್ತ ಪಾತೇ ,ಅದು ಭೂಮಿಯತ್ತೆಯ ಸಮುದ್ರತ್ತೆಯ ಕಡ್ಕುರ್ಕು ಅಧಿಕಾರಹೊಂದಿಕ್ರ ಆ ನಾಲು ಮಂದಿ ದೇವದೂತರುಕು – 3 ನಂಗ ನಂಗ್ಲ ದವ್ರ ದಾಸರ್ಕು ಹಣೆ ಮೇನಿ ಮುದ್ರೆ ಒತ್ರುತನ್ಕ ಭೂಮಿಯನ್ನಗೋಟು ಸಮುದ್ರವನ್ನಗೋಟು ಮರ್ಲತೆಯಗೋಟು ಕಡುಕ್ಮನಂಗ ಇಂಡು ಮಹಾ ಶಬ್ದತಿಂಡು ವದ್ರಿ ಸೋನುಸು. ^{4 5 6} 4 ಮುದ್ರೆ ಓಡಿಚ್ಗೊಂಡಿಕ್ರಲ್ತ ಸಂಖ್ಯೆಯು ಪ್ರಸಿದ್ದ ಅನಪೋದು ನಾನು ಕೋಟೆ .ಇಸ್ರಾಯೇಲ್ಯರ ಅದ್ದಿ ಕುಲುತ್ಗು ಸೇರಿಕ್ರಗ್ಯ ಒತ್ತಿಗೊಂಡುಸು ,ಅಲ್ತ ಸಂಖ್ಯೆ ಒಂಡು ಲಕ್ಷ ನಾಲ್ಡ್ರುಕಪೋತು ನಾಲು ಸಾವಿರ ಮಂದಿ , 5 ಯೂದನ ಕುಲುತ್ಗೊರು ಮುದ್ರೆ ಹೊಡಿಚ್ಗೊಂಡಗ್ಯ ಪನ್ನೆಂಡು ಸಾವಿರ ,ರೂಬೇನನ ಕುಲುತ್ಗೊರು ಪನ್ನೆಂಡು ಸಾವಿರ ,ಗಾದನ ಕುಲುತ್ಗೊರು ಪನ್ನೆಂಡು ಸಾವಿರ , 6 ಅಷೆರನ ಕುಲುತ್ಗೊರು ಪನ್ನೆಂಡು ಸಾವಿರ ,ನೆಫ್ತಲೀಮನ ಕುಲುತ್ಗೊರು ಪನ್ನೆಂಡು ಸಾವಿರ ,ಮನಾಸ್ಸೆಯ ಕುಲುತ್ಗೊರು ಪನ್ನೆಂಡು ಸಾವಿರ. ^{7 8} 7 ಸಿಮೊಯೋನನ ಕುಲುತ್ಗೊರು ಪನ್ನೆಂಡು ಸಾವಿರ ,ಲೇವಿಯ ಕುಲುತ್ಗೊರು ಪನ್ನೆಂಡು ಸಾವಿರ ,ಇಸ್ಸಕಾರನ ಕುಲುತ್ಗೊರು ಪನ್ನೆಂಡು ಸಾವಿರ. 8 ಜೆಬುಲೋನನ ಕುಲುತ್ಗೊರು ಪನ್ನೆಂಡು ಸಾವಿರ ಯೋಸೇಫನ ಕುಲುತ್ಗೊರು ಪನ್ನೆಂಡು ಸಾವಿರ ,ಬೆನ್ಯಾಮಿನನ ಕುಲುತ್ಗೊರು ಮುದ್ರೆ ಹೋಟಿಚ್ಗೊಂಡಗ್ಯ ಪನ್ನೆಂಡು ಸಾವಿರ ಮಂದಿ ಇಂಚ್ನು, ^{9 10} 9 ಇಗ್ಯಾದಿ ಅನ್ಬೇಸಲಿ ಇದೋ ,ಎತ್ತಿಂಡು ಅಣುಸುರ್ಕು ಆಗ್ದೆಯಿಕ್ರದ್ನ ಮಹಾ ಸಮೂಹವು ಸಿಂಹಸನತ್ ಮುನ್ಕು ಯಜ್ಞದ ಕುರಿಯಾದಾತನ ಮುನ್ಕು ನಿಡ್ರಿಕ್ರತ್ತ ಪಾತೇ .ಐಗ್ಯ ಅದ್ದಿ ಜನಾಂಗ ಕುಲ ಪ್ರಜೆಗ್ಯ ಅದ್ದಿ ಒಕತ್ತೆಯ ವಸೇತ್ರಗ್ಯ ಅಯಿಂಚ್ನು ,ಐಗ್ಯ ವಲ್ಲ ನಿಲುವಂಗಿಯತ್ತೆಯ ಒಟ್ಗೊಂಡು ತಂಗ್ಲ ಕೈಕೋರು ಖರ್ಜೂರ್ತ ಗರಿಲ್ಲತ್ತೆಯ ಪುಡುಸ್ಗೊಂಡಿ೦ಚ್ನು . 10 ಐಗ್ಯ ಸಿಂಹಸನಾಸೀನನಾಯಿಕ್ರ ನಂಗ್ಲ ದವ್ರುಕು ಯಜ್ಞದ ಕುರಿಯಾದಾತನ್ಕು ನಂಗುಲ್ಕು ರಕ್ಷಣೆ ಅನತ್ಗು ಸ್ತೋತ್ರಯಿಂಡು ಮಹಾ ಶಬ್ದತಿಂಡು ವದ್ರುಸ್ನು. ^{11 12} 11 ಅದ್ನುಕೋರು ದೇವದೂತ ರದ್ದಿ ಸಿಂಹಾಸನವೂ ಬೆರಾಗ್ಯ ನಾಲು ಜೀವಿಗ್ಯ ಇಲ್ತು ಸುತ್ತ ನಿಂಡ್ರುಗೊಂಡಿ೦ಚ್ನು ಐಗ್ಯ ಸಿಂಹಸನತ್ ಮುನ್ನಿ ಅಡ್ಡ ಬುದೂ – 12 ಆಮೆನ್ ಸ್ತೋತ್ರವೂ ಪ್ರಭಾವವೂ ಜ್ಞಾನವು ಕೃತಜ್ಞತ ಸ್ತುತಿಯೂ ಮಾನವೂ ಬಲವೂ ಶಕ್ತಿಯೂ ನಂಗ್ಲ ದವ್ರುಕು ಯುಗಯುಗಾಂತರಗಳಲ್ಲಿಯೂ ಇಕ್ಯೋಟು ,ಆಮೆನ್ ಇಂಡು ಸೋನ್ನುತ ದವ್ರತ್ತೇಯ ಆರಾಧಿಸಿಸುಸ್ನು. ^{13 14} 13 ಇತ್ತ ಪಾತು ಬೆರಲ್ಕೊರು ಒಂಡು –ವಲ್ಲ ನಿಲುವಂಗಿಲ್ಲತ್ತೆಯ ಒಟ್ಗೋಡಿಕ್ರ೦ಗ್ಯ ಈಗ್ಯ ಏದು ?ಎಟಿ೦ಡು ವಂಚ್ನು ಇಂಡು ನನ್ನತ್ತೆಯ ಕೊಟತ್ಗು –ಅಯ್ಯಾ ,ನೀನೆ ತಿಳ್ಜಿರ ಇಂಡೆ . 14 ಅದು ನನ್ಕು –ಈಗ್ಯ ಆ ಮಹಾ ಹಿಂಸೆಯತ್ತೆಯ ಅನುಭವಿಸಿ ವಂದಗ್ಯ ;ಯಜ್ಞದ ಕುರಿಯಾದಾತನ ರಗುತ್ಗೋರು ತಂಗ್ಲ ನಿಲುಅಂಗಿಯತ್ತೆಯ ಕೌವಿ ಶುದ್ದಿಸೆಂದ್ ಗೊಂಡಿದ್ನು. ^{15 16 17} 15 ಈ ಕಾರಣತಿಂಡು ಐಗ್ಯ ದವ್ರ ಸಿಂಹಸನತ್ ಮುನ್ಕು ಇಂದ್ಗೊಂಡು ಅತ್ರ ಆಲಯತ್ಗೊರು ಪಗ್ಮರ್ಕು ನಾಮರ್ಕು ಅತ್ರ ಸೇವೆ ಸೈತ ಇದ್ನೂ ,ಸಿಂಹಾಸನತ್ಗೊರು ಉಕೊಂಡಿಕ್ರದು ಬೀಡರ್ ತರ ಅಲ್ಯತ್ತೆಯ ಆವರಿಸಾಕು . 16 ಇನ್ನೂ ಮುನ್ಕು ಅಲ್ಕಿ ಪೇಸಿನೆ ಇಲ್ಲ ,ತನ್ನಿ ಸ್ಯಾಗ್ ಇಲ್ಲ ;ಅಲ್ಕಿ ಓಗ ಅನೇಕು ಜಳತಗ್ಲುದ್ದಿಲ್ಲ ; 17 ಸಿಂಹಾಸನತ್ ನಡುಕು ಇಕ್ರ ಯಜ್ಞದ ಕುರಿಯಾದಾತನು ಅಲ್ಕಿ ಕುರುಬನಾಯಿಂದು ಜೀವಜಲ್ತ ಒರತೆ ಯಂಚ್ಗು ನಡಿಪಿಕ್ಯಾಕು .ದವ್ರು ಅತ್ರ ಕನ್ನೆರದ್ದಿ ತೊಡು ಸೋಡಾಕು ಇಂಡು ಸೋನುಸು.