^{1 2} 1 ಸಾರ್ದಿಸಿಕೋರು ಇಕ್ರ ಸಭೆಯ ದೂತನ್ಕು ವರಿ –ದವ್ರ ಹೋಗು ಆತ್ಮಗ ಹೋಗು ನಕ್ಷತ್ರಗ ಇಕ್ರದು ಸೊಂಡ್ರದು ಎಂದ ಇಂಡೆಕ್ಯ –ನಿಟ ಕೃತ್ಯಲ್ಲತ್ತೆಯ ತಿಳ್ಜಿರೆ ಜೀವುಸ್ರದು ಇಂಡು ಪೇರು ನಿನ್ಕು ಯಿಂದೇಕು ಸೆತ್ತವ್ ನಾಯಿರ ಇಂಗ್ರತ್ತ ತಿಳ್ಜಿರೆ .ಎಚ್ಚರವಾಯಿರು ; 2 ಸಾಗ್ರು ತರ ಆಯಿಂದ ಉಳ್ ಜಿಕ್ರಲ್ಯ ಧೃಡಪಡುಸು ,ನಟ ದೌರ ಮುನ್ನಿ ನಿಟ ಕ್ರುತ್ಯಲ್ ಕೋರು ಒಂಡನ ಅನೇಕು ಸಂಪೂರ್ಣ ಹಾನದು ಇಂಡು ನಾನು ಕಾಂಗ್. ^{3 4} 3 ಅತಿಂಡು ನೀನು ಹೊಂದಿಕ್ರ ಉಪದೇಶತ್ತೆಯ ಅತ್ತ ಕೊಟಿಕ್ರ ರೀತಿಯತ್ತೆಯ ನೆನಪು ಅತ್ಗೊಂಡು ಅತ್ತ ಕಾಪಡಿಗೋ ಮತ್ತೆ ದೌರ ಜಾಯಿ ತಿರ್ಗ್ಯೋ ,,ನೀನು ಎಚ್ಚರ ಆಗ್ದೆ ಇಂದೆಕ್ಯ ಕಳ್ಳ ವರುತರ ವರ್ರೆ ;ನಾನು ಎದೋ ಗಳಿಗೆಕೊರು ನಿನ್ನ ಮೇನಿ ವರೆನೋ ಅದು ನಿನ್ಕು ತಿಳಿದಿಲ್ಲ . 4 ಅನೇಕೆ ತಂಗ್ಲ ಬಟ್ಲತ್ತೆಯ ಮೈಲಿಗೆ ಸೆಂದುಗ್ದೆ ಇಕ್ರ ಅಳ್ಳುದ್ನಳು ಸಾರ್ದಿಸಿಕೋರು ನಿನ್ನಂಚ್ಲಿ ಇಂದೇಕೆ ;ಐಗ್ಯ ಯೋಗ್ಯರಾಯಿಕ್ರತಿಂಡು ಶುಭ್ರ ನಲ್ಲ ಬಟ್ಲತ್ತೆಯ ಒಟ್ಗೊಂಡು ನನ್ನೆಂಟಿ ನಡ್ಕಕ್ನು. ^{5 6} 5 ಜಯಶಾಲಿಕು ಹಿನ್ಗೆ ನಲ್ಲ ಬಟ್ಲತ್ತೆಯ ಓಡಾಕ್ನು ,ಜೀವಬಾಧ್ಯರ ಪಟ್ಟಿಯಿಂಡು ಅತ್ರು ಪೇರತ್ತೆಯ ನಾನು ತೋಡುಸೋಡದೆ ಅದು ನಟದು ಇಂಡು ನಟ ಅವ್ಕು ಮುನ್ಕು ಅತ್ರ ದೂತರ ಮುನ್ಕು ಒಪ್ಪರೇ . 6 ದವ್ರು ಆತ್ಮ ಸಭೆಲ್ಕು ಸೊಂಡ್ರತ್ತ ಸೌವಿ ಇಕ್ರದು ಕೊಕೋಟು. ^{7 8} 7 ಫಿಲದೆಲ್ಫಿಯ ತ್ಗೋರು ಇಕ್ರ ಸಭೆಯ ದೂತನ್ಕು ವರಿ –ಪರಿಶುದ್ದನೂ ಸತ್ಯವಂತನೂ ದಾವೀದನ ಬೀಗುತ್ ಕೈಯಿ ಇಕ್ರದು ಏದು ಮುಚ್ಚದೇ ಇಕ್ರು ತರ ವಂಗ್ರದು ಎದೂ ವಂಗದೇ ಇಕ್ರುತರ ಮುಚ್ಚುರದು ಆಯಿಕ್ರದು ಸೊಂಡ್ರದು ಎಂದ ಇಂಡೆಕ್ಯ – 8 ನಿಟ ಕೃತ್ಯಲ್ಲತ್ತೆಯ ತಿಳ್ಜಿರೆ ;ನಿನ್ಕು ಇಕ್ರ ಶಕ್ತಿ ಅಳ್ಳುದ್ನೆ ಇಂದೇಕು ನೀನು ನನ್ಕು ಸೇರಿಕ್ರವ ಅಲ್ಲ ಇಂಡು ಸೋನ್ನದೇ ನಟ ವಾಕ್ಯತ್ತೆಯ ಕಾಪಾಡ್ನತಿಂಡು ,ಇದೋ ನಿನ್ ಮುನ್ಕು ಒಂಡು ವಾಸ್ಲತ್ತೆಯ ವಂಗ್ಗಿ ಹಚ್ಚಿರೇ .ಎದೂ ಅತ್ತ ಮುಚ್ಚುದಿಲ್ನು. ^{9 10 11} 9 ನಾನು ನಿನ್ಕು ಅನುಗ್ರಹಿಸ್ರದು ಎಂದ ಇಂಡೆಕ್ಯ ತಂಗ ಯೆಹೂದ್ಯರಿಂಡು ಸುಳ್ಳಾಯಿ ಕೊಚ್ಚಿ ಗ್ರ ಸೈತಾನನ ಸಮಾಜುತ್ಗೋರು ಅಳ್ಳುದ್ನಲು ವಂದು ನಿಟ ಪಾದುತ್ ಮುನ್ನಿ ಬುಗ್ರು ತರ ನಿನ್ನತ್ತೆಯ ನಾನು ಪ್ರೀತಿ ಸೇ೦ದಿಕ್ರತ್ತ ತಿಳುಜುಗ್ರು ತರ ಸೈಯಾರೇ . 10 ನೀನು ನಟ ಸಹನ ವಾಕ್ಯತ್ತೆಯ ಕಾಪಾಡ್ನ ತಿಂಡು ಭೂನಿವಾಸಿಲ್ಲತ್ತೆಯ ಪರೀಕ್ಷೆ ಸೇಯಿರುಕಾಯಿ ಲೋಕುತ್ ಮೇನದ್ದಿ ವರ್ರುಕು ಇಕ್ರ ಶೋಧನೆಯ ಸಮಯತ್ಗೋರು ನಿನ್ನತ್ತೆಯ ತಪ್ಪಿಸಿ ಕಾಪಾಡರೇ , 11 ಬೇಗನೆ ವರ್ರೆ ನಿನ್ಕು ಇಕ್ರತ್ತ ಪುಡುಸ್ಗೊಂಡು ಇರೂ .ನಿಟ ಜಯಮಾಲೆತ್ತೆಯ ಎದೂ ಪೆಟಿಗಿರ್ ದಂಚು. ^{12 13} 12 ಎದೂ ಜಯ ಹೊಂದಕೋ ಅತ್ತತ್ತೆಯ ನಟ ದವ್ರ ಆಲಯತ್ಗೊರು ಸ್ತಂಭ ವಾಯಿ ನಿಪ್ಪಿಕ್ಯರೆ .ಅದು ಇನ್ನು ಮುನ್ಕು ಅತ್ತುಲಿಂಡು ಹೋಗೆ ದಿಲ್ಲ .ಇದಲ್ದೆ ನಟ ದವ್ರ ಪೇರತ್ತೆಯ ನಟ ದವ್ರ ಜಾಯಿಂಡು ಪರಲೋಕತುಲ್ಲಿಂಡು ಇಗ್ ಜು ವರ್ರ ಪುದಿ ಯೆರೂಸಲೇಮ್ ಪಟ್ಟಣ ಇಂಗ್ರ ನಟ ದವ್ರ ಪಟ್ಟನ್ ತ ಪೇರತ್ತೆಯ ನಟ ಪುದಿ ಪೇರತ್ತೆಯ ಅತ್ರು ಮೇನಿ ವರಿಯರೇ . 13 ದವ್ರು ಆತ್ಮನು ಸಭೆಲ್ಕು ಸೊಂಡ್ರತ ಸೌವಿ ಇಕ್ರದು ಕೊಕೋಟು. ^{14 15 16} 14 ಲವೊದಿಕೀಯತ್ಗೋರು ಇಕ್ರ ಸಭೆಯ ದೂತನ್ಕು ವರಿ –ಆಮೆನ್ ಇಂಗ್ರದು ಇಂಡೆಕ್ಯ ನಂಬ್ರ ಸತ್ಯ ಸಾಕ್ಷಿಯೂ ದವ್ರ ಸೃಷ್ಟಿಕು ಮೂಲ ಅಯಿಕ್ರದು ಸೊಂಡ್ರದು ಎಂದ ಇಂಡೆಕ್ಯ – 15 ನಿಟ ಕೃತ್ಯಲತ್ತೆಯ ತಿಳ್ಜಿರೆ ;ನೀನು ತಣ್ಣಗು ಅಲ್ಲ ಬೆಚ್ಚಗೂ ಅಲ್ಲ ;ನೀನು ತಣ್ಣ ಗಗೋಟು ಬೆಚ್ಚಗಗೋಟು ಇಂದೇಕೆ ನಲ್ಲದಾಯಿಂಚು , 16 ನೀನು ಬೆಚ್ಚಗೂ ಇಲ್ಲದೇ ತಣ್ಣಗೂ ಇಲ್ಲದೇ ಉಗುರುಬೆಚ್ಚಗು ಇಕ್ರತಿಂಡು ನಿನ್ನತ್ತೆಯ ನಟ ವಾಯಿಂಡು ಕಾರರೇ. ^{17 18} 17 ನೀನು ನಿಟ ವಿಷಯತ್ಗೋರು –ನಾನು ಐಶ್ವರ್ಯವಂತನು ,ಸಂಪನ್ನನು ,ಒಂಡುಕೋರು ಕೊರತೆಯಿಲ್ಲ ಇಂಡು ಸೋನ್ನಿಗ್ಯಾರ ಅನೇಕೆ ನೀನು ಕೇವಲ ದುರವಸ್ಥೆಕೋರು ಬೂದಿಕ್ರವ ,ದೌರ್ಭಾಗ್ಯನು ,ದರಿದ್ರನು ,ಕುರುಡ ,ಬಟ್ಗ ಇಲ್ದೆ ಇಕ್ರವ ಅಯಿಕ್ರತ ತಿಳುಜುಗ್ದೆ ಇರಾ . 18 ನೀನು ಐಶ್ವರ್ಯ ವಂತ ಅಗ್ರುತರ ನೆರ್ಪುಗೋರು ಪುಟಾತ್ಗು ಹೋಟ ಬಂಗಾರತ್ತೆಯ ,ಲಜ್ಜಾಸ್ಪದ ಆನಾ ನಿಟ ಬೆತ್ತಲೆತನ ಕಂಗದೆ ಇಕ್ರು ತರ ಹೊಟುಗ್ರುಕಾಯಿ ಒಲ್ಲ ಬಟ್ಲತ್ತೆಯ ,ಕನ್ನು ಕಂಗ್ರು ತರ ನಿಟ ಕನ್ನುಲ್ಕು ಅಂಟಿಕ್ರುಕಾಯಿ ಅಂಜನತ್ತೆಯ ನನ್ನಿಂಡು ಕೊಂಡುಗುರ್ದು ಇಂಡು ನಿನ್ಕು ಬುದ್ದಿ ಸೋನ್ನರೆ. ^{21 22} 21 ನಾನು ಜಯಹೊಂದಿ ನಟ ಅವೆಂಟಿ ಸಿಂಹಸನ ತ್ಗೋರು ಉಕೊಂಡೆ ,ಹಾನ್ಗೆ ಜಯಹೊಂದ್ರದು ನನ್ನೆಂಟಿ ಸಿಂಹಾಸನತ್ಗೋರು ಉಕ್ರುತರ ಸೇಯರೇ . 22 ದವ್ರು ಆತ್ಮನು ಸಭೆಲ್ಕು ಸೊಂಡ್ರತ ಸೌವಿ ಇಕ್ರದು ಕೊಕೋಟು.