^{1 2 3} 1 ಇಗ್ಯದ್ದಿ ಅನ್ಬೇಸಲಿ ನಾನು ಪಾತಪೋದು ಪರಲೋಕುತ್ಗೊರು ವಂಗಿಕ್ರ ವಾಸ್ಲು ಕಡ್ಸು .ಮತ್ತೆ ನನ್ನೆಂಟಿ ತುತೂರಿ ವಸೇತಕೋ ಇಂಗ್ರುತರ ನಾನು ಮುನ್ನಿ ಕೋಟ ವಾಣಿ ಕೊಟ್ಸು ..ಇಟ್ಗು ಏರಿಗೊಂಡು ವಾ ಮುನ್ಕು ಅಗ್ರತ ನಿನ್ಕು ಕಾಟರೇ ಇಂಡು ಸೋನ್ಸು , 2 ಅಪೋದೆ ದವ್ರು ಆತ್ಮವಶ ಹಾನೇ .ಅಪೋದು ಇದೋ ಪರಲೋಕುತ್ಗೊರು ಒಂಡು ಸಿಂಹಾಸನ ಇಂಚು ;ಸಿಂಹಾಸನುತ್ ಮೇನಿ ಒಂಡು ಉಕೊಂಡಿಂಚು . 3 ಉಕೊಂಡಿಕ್ರದು ಕನ್ಕು ಸೂರ್ಯ ಕಾಂತ ಪದ್ಮರಾಗ ಮಣಿಲ್ ತರ ಕಾಂಗ್ ತಯಿಂಚು .ಸಿಂಹಾಸನತ ಸುತ್ತ ಪಚ್ಚೆತರ ಕಾಂಗ್ ತಯಿಂದ ಮುಗಿಲು ಬಿಲ್ಲು ಇಂಚು. ^{4 5} 4 ಇದಲ್ದೆ ಸಿಂಹಸನ್ ತ ಸುತ್ತ ಇರ್ವತ್ತು ನಾಲೂ ಸಿಂಹಾಸನ ಇಂಚು ;ಆ ಸಿಂಹಾಸನ್ ಮೇನಿ ಶುಭ್ರ ಬಟ್ಲು ಒಟ್ಗೊಂಡಿಂದ ಇರ್ವತುನಾಲೂ ಮಂದಿ ಬೆರಾಗ್ಯ ಉಕೊಂಡಿಂಚ್ನು ;ಅಲ್ತ ತಲ್ ಕಾಯಿ ಮೇನಿ ಬಂಗಾರ್ತ ಕಿರೀಟ ಇಂಚು . 5 ಸಿಂಹಾಸನತೂಲಿಂಡು ಮಿಂಚ್ಗ ವಾಣಿಗಳು ಗುಡುಗುಗ ಹೋಕ್ದು ,ಅತ್ರು ಮುನ್ಕು ದವ್ರ ಹೋಗು ಆತ್ಮ ಲತ್ತೆಯ ಸೂಚಿಸ್ರ ಹೋಗು ದೀಪಗ ಅಂಟುತ ಇಂಚು. ⁶ 6 ಇದಲ್ದೆ ಸಿಂಹಸನ್ ಮುನ್ಕು ಸ್ಫಟಿಕತ್ಗು ಸಮಾನ ಆನಾ ಗಾಜಿನ ಸಮುದ್ರ ಇಕ್ರು ತರ ಕಂಡ್ಸು ,ಸಿಂಹಸನತ್ ಮಧ್ಯತ್ಗೋರು ಅತ್ರ ನಾಲು ಜಾಯಿ ನಾಲು ಜೀವಿಗ್ಯ ಇಂಚು ;ಅಲ್ಕಿ ಪರ್ಕು ಮುನ್ಕು ಸೇನ ಕನ್ಗ ಇಂಚು. ^{7 8} 7 ಒಂಡ್ನೆ ಪ್ರಾಣಿ ಸಿಂಹ ತರಯಿಂಚು ರಂಡನೆ ಜೀವಿ ಹೋರಿತರ ಇಂಚು ,ಮುಡ್ನೆ ಜೀವಿ ಮೊಗು ಮನುಷ್ ಮೊಗು ತರಯಿಂಚು ;ನಾಲ್ನೆ ಜೀವಿ ಪರುಕ್ರ ಗರುಡ ಪಕ್ಷಿತರ ಇಂಚು . 8 ಆ ನಾಲು ಜೀವಿಲ್ಕೊರು ಒಂಡೋ೦ಡ್ಕು ಆರಾರು ರೆಕ್ಕೆಗ್ಯಯಿಂಚು ;ಆ ಜೀವಿಲ್ಕಿ ಅದ್ದಿ ಜಾಯಿ ಉಲ್ಕಿ ಸೇನ ಕನ್ನುಗ ಯಿಂಚು ,ಆ ಜೀವಿಗ್ಯ ಪಗ್ಮರ್ಕು ನಾಮರ್ಕು ವಿಶ್ರಮ ಸೇ೦ದುಗ್ದೆ –ದವ್ರು ಆನಾ ಕರ್ತನು ಪರಿಶುದ್ದನು ಪರಿಶುದ್ದನು ಪರಿಶುದ್ದನು ;ಅದು ಸರ್ವಶಕ್ತನು .ವರ್ತಮಾನ ಭೂತ ಭವಿಷ್ಯಕಾಲುತ್ಗೋರು ಇಕ್ರಂತದೂ ಇಂಡು ಸೋನ್ನಕ್ನು. ^{9 10 11} 9 ಯುಗಯುಗಾಂತರ್ ಕೋರು ಜೀವಿಸ್ರದಾಯಿ ಸಿಂಹಸನುತ್ ಮೇನಿ ಉಕೊಂಡಿಕ್ರತ್ಗು ಆ ನಾಲೂ ಜೀವಿಗ್ಯ ಪ್ರಭಾವ ಮಾನ ಕೃತಜ್ಞತಾಸ್ತುತಿ ಯತ್ತೆಯ ಸಲ್ಲಿಸ್ರು ತರ 10 ಆ ಇರ್ವತ್ತು ನಾಲೂ ಮಂದಿ ಬೆರಾಗ್ಯ ಸಿಂಹಾಸನುತ್ ಮೇನಿ ಉಕೊಂಡಿಕ್ರತ್ರ ಕಾಲ್ಕು ಬೂದು ತಂಗ್ಲ ಕಿರೀಟತ್ತೆಯ ಸಿಂಹಸನತ್ ಮುನ್ಕು ಹೋಟು – 11 ಕರ್ತನೇ ,ನಂಗ್ಲ ದೌರೇ ,ನೀನು ಪ್ರಭಾವ ಮಾನ ಬಲತ್ತೆಯ ಹೊಂದ್ರುಕು ಯೋಗ್ಯನಾಯಿರ ;ಅದ್ದಿ ಸೃಷ್ಟಿ ಸೇ೦ದಿಕ್ರವ ನೀನೆ ;ಅದ್ದಿ ನಿಟ ಚಿತ್ತತಿಂಡೆ ಇದೂ ,ನಿಟ ಚಿತ್ತತಿಂಡೆ ಆಸು .ಇಂಡು ಸೋನ್ನುತ ಯುಗಯುಗಾಂತರ್ ಕೋರು ಜೀವಿಸ್ರತ ಆರಾಧಿಸಾಕ್ನು.