¹ 1. ಅಪೋದು ಆಲಯತ್ಕುರು ವಂಡು ಮಹಾ ಶಬ್ದನ್ನ ನಾನು ಕೊಟೆ .ಅದು ಆ ಓಕು ಮಂದಿ ದೂತರ್ಕು ನಿಂಗ ಹೋಯಿ ಆ ಪಾತ್ರೆತ್ಕುರು (ಡಬ್ರಿ ) ಇಕ್ರ ದೌರ್ತ ರೌದ್ರ (ಕೋಪ )ನ ಭೂಮಿಕಿ ಸೆಲ್ಲಂಗೋ ಇಂಡು ಸೊಂಸು. ² 2. ಅಪೋದು ಮುನ್ನದು ಹೋಯಿ ತಟ್ಟು ಪಾತ್ರೆತ್ಕುರು (ಡಬ್ರಿಕುರು )ಇಕ್ರತ ಭೂಮಿಕಿ ಮೇಂಕು ಸೇಲ್ಲುಸ್ನು ;ಅಪೋದು ಮೃಗತ ಗರುತು ಹೊಂದಿಂದ ವಿಗ್ರಹತ್ಗು ಆರಾದನೇ ಸೇಂದ ಮನುಷ್ಯರ ಮೆಂಕು ಕೊಳ್ ಜೋಗ್ರ ಪುನ್ನು ಅದಿಂಚು. ³ 3. ರಾಂಡ್ ನೆ ದೂತ ತಟ್ಟು ಪಾತ್ರೆ (ಡಬ್ರಿ)ಕುರು ಇಕ್ರತ ಸಮುದ್ರತ್ ಮೇನಿ ಸೇಲ್ನಾಪೋದು ಅದು ಸೇತೋಯಿಕ್ರಲ್ಟ ರಘು ಕನ್ನಿ ಆಸು . ^{4 5 6 7} 4. ಮುಡ್ ನೆ ದೂತನು ತಟ್ಟು ಪಾತ್ರೆ (ಡಬ್ರಿ)ಕುರು ಇಕ್ರತ ಆರ್ (ನದಿ )ಮೇನಿ ತನ್ನಿ ಬುಗ್ಗೆ ಮೇನಿ ಸೇಲ್ಲುಸು ; ಅತ್ರ ತನ್ನಿ ರಘು ಆಸು . 5. ಅನ್ಬೇಸಾಲಿ ಜಲತ ದೂತ –ಓ ಕರ್ತನೆ ನೀನು ಇಕ್ರದು ಇಂದಾದು ವರ್ರದು ಅಯಿಕ್ರತಿಂಡು ನೀನು ಹಿಂಗು ತೀರ್ಪು ಸೈತಾತ್ಕಾಯಿ ನೀತಿ ಸ್ವರೂಪ ಆಯಿರ . 6. ಆಗ್ಯ ಪರಿಶುದ್ದರ ಪ್ರವಾದಿಗಿನ್ಲ ರಘುನ ಸಿಂದುಸ್ನು ;ನೀನು ಅಲ್ಕಿ ರಘ್ತ ಕುಡ್ ಕಿರ್ಕು ಕೂಡ್ತಿರ ;ಇತ್ ಕೆ ಆಗ್ಯ ಯೋಗ್ಯರು ಇಂಗು ಸೊಂಡ್ರತ ನಾನು ಕೊಟೆ . 7. ಆಮೇನಿ ಯಜ್ಞವೇದಿ ಉಳ್ಳಿಂಡು ಇನೊಂಡು ಅಮ್ ಬೊ ,ಸರ್ವಶಕ್ತನಾನ ದೌರ್ ಆಯಿಕ್ರ ಕರ್ತನೆ ,ನಿಟ್ಟು ನ್ಯಾಯ ತೀರ್ಪು ಸತ್ಯ ನೀತಿಯುಳ್ಳದು ಆಯಿದು ಈಂಡು ಸೋನತ್ತ ನಾನು ಕೂಟೆ. ^{8 9} 8. ನಾಲ್ನೆ ದೂತನು ತಟ್ಟು ಪಾತ್ರೆ (ಡಬ್ರಿ )ಕುರು ಇಕ್ರತ ಸುರ್ಯನ್ ಮೇನಿ ಸಿಂದುಸು .ಅಪೋದು ಸುರ್ಯಂಕು ನೆರ್ಪಿಂಡು ಮನುರ್ಷ್ಯಲತೆಯಾ ಸುಟೋಡ್ರ (ಕಂದಿಸ್ರ) ಶಕ್ತಿ ಕೊಡ್ತಿಂಚು . 9. ಮನುಷ್ ರು ಬಲವಾನ ಶಾಕತಿಂಡು ಸುಟೋಸ್ನು ಆಗ್ಯ ದೌರಾತೆಯ ಘನ ಪಡ್ಸುರ್ಕಾನಿ ಮಾನಸಾಂತರ ಸೇದ್ಗುದೆ ಈ ಉಪದ್ರವತ್ಮೆನಿ ಅಧಿಕಾರ ಇಕ್ರ ದೌರತೆಯ ದೂಷುಶ್ನು. ^{10 11} 10. ಹಂಜ್ ನೆ ದೂತನು ತಟ್ಟು ಪಾತ್ರೆತ್ಕುರು (ಡಬ್ರಿ ) ಇಕ್ರತ ಮೃಗತ ಆಸನತ್ ಮೇನಿ ಸೇಲ್ನಾಪೋದು ಆತ್ರ ರಾಜ್ಯ ಶ್ಯಾನ ನೋಬಸು ;ಮಂದಿಗ್ಯ ತಗುಲ್ಕು ಅನ ನೋಪಿಂಡು ತಗ್ ಟ ನ್ಯಾಲ್ ಕ್ನ ಕಡ್ಸ್ ಗೊಂಡುಸ್ನು . 11. ತಂಗ್ಟ ಕೃತ್ಯ ವಿಷಯತ್ಕುರು ಮಾನಸಾಂತರ ಸೇದುಗ್ದೆ ತಗ್ಟ ನೋಪಿಯಿಂಡು ಪುನ್ನುಲತ ದೆಸೆಯಿಂಡು ಪರಲೋಕ್ತ ದೌರ್ನ ದೂಶಿಸ್ನು. ^{12 13 14} 12. ಆರ್ನೆ ದೂತನು ತಟ್ಟು ಪಾತ್ರೆ (ಡಬ್ರಿ )ತ್ಕುರು ಇಂದತ್ತ ಯೂಪ್ರೊಟಿಸ್ ಮಾಹ ಆರ್ ಮೇನಿ ಸಿದ್ನ ಪೋದು ಮೂಡಣ ದಿಕ್ಕಿಂಡು ವರ್ ರ ರಾಜಿಗಿಂಕು ಹೇಗಿ ಸಿದ್ದ ಅಗುರ್ಕನ್ನಿ ಅತ್ರ ತನ್ನಿ ಬತ್ತಿ ಹೊಸು . 13. ಘಟ ಸರ್ಪುತ ವಾಯಿಂಡು ಸುಳ್ಳು ಪ್ರಾವಾದಿ ಇಂಡು ಕಪ್ಪ್ ನ ತಿಂಡ್ರ ಮೂಡು ಅಶುದ್ದಾತ್ಮ ಬೈಲ್ಕಿ ವಂದತ ನಾನು ಪತ್ತೆ . 14. ಅದು ಮಹತ್ಕಾರ್ಯ ಸೈರ ಆ ದೌತ್ ಆತ್ಮ ;ಸರ್ವಶಕ್ತನ ದೌರ್ ತ ಮಹಾ ದಿನಾತ್ಕುರು ಅಗ್ರ ಯುದ್ದತ್ಗು ಭೂಲೋಕತ ಪ್ರಪಂಚತ ಆದಿ ರಾಜರ್ನ ಕೂಡಿಸುರ್ಕು ಅಯಿಲಂಚ್ ಗು ಒಕ್ನು. ^{15 16} 15. ಇಗೋ ,ದೊಂಗದು ವರ್ಕನಿ ನಾನು ವರ್ರೆ .ನಿರ್ಮಾಣ ವಾಯಿ ತಿರ್ಗುರ ಮಂದಿಗ್ಯ ತಗ್ಟ ನಾಚಿಕೆನ ಪತಿನು ಇಂಡು ಎಚ್ಚರ ವಾಯಿದು ತಟ್ಟು ಬಟ್ ನ ಕಪಡಿಗ್ರದು ದನ್ಯನು . 16. ಅದು ಅಲ್ ನ ಇಬ್ರಿಯ ಭಾಷೆತ್ಕುರು ಹರ್ಮಗೆದೊನ್ ಇಗ್ರ ಸ್ಥಳತ್ಗು ಕುಡ್ ಸಾಕು. ^{17 18 19} 17. ಓಗ್ ನೆ ದೂತನು ತಟ್ಟು ಪಾತ್ರೆತ್ಕುರು (ಡಬ್ರಿ) ಇಂದಾತ ವಾಯುಮಂಡಲತ್ಗು ಸೆಲ್ ನಾಪೋದು ಪರಲೋಕತ್ಕುರು ಇಂದ ಆಲಯ ಉಳ್ಳಿಂಡು ಸಿಂಹಾಸನ ತಿಂಡು ಮಹಾ ಶಬ್ದ ವಂದು ಮುಗ್ಜೋಸು ಇಂಡು ಸೋನುಸು . 18. ಅಪೋದು ವಾಣೆಗ್ಯ ಗುಡುಗು ಮಿಂಚು ಉಂಟಾಸು ;ಇದಲ್ಲದೆ ಮಹಾ ಭೂಕಂಪ ಉಂಟಾಸು ;ಮನುಷ್ಯರು ಭೂಮಿ ಮೆನ್ನಿ ಇಂದಮ ನಿಂಡು ಅಂಥ ಬಲಯಿಕ್ರ ಬೇರ್ದು ಭೂಕಂಪ ಹಯಿಕಿಲ್ಲ . 19. ಆ ಮಹಾ ಮೂಡು ಭಾಗವಾಯಿ ವಿಭಾಗ ಅಸು ;ಜನಾನ್ಗತ ಪಟ್ಟಣ ಬೂದೊಸು ;ಇದಲ್ಲದೆ ಮಹಾ ಬಾಬೇಲ್ಕು ಉಗ್ರ ಕೋಪ ಇಗ್ರ ದ್ರಾಕ್ಷ ರಸ್ತ ಪಾತ್ರೆ (ಡಬ್ರಿ ) ತರ್ದಿಂಡು ದೌರ್ ಮುಂಕು ಅದು ಜ್ಞಾಪಕತ್ಗು ವಂಚು. ^{20 21} 20. ಅಪೋದು ದ್ವಿಪಗದಿ ಓಡಿ ಹೊಸು ;ಬೆಟ್ಟ ಸಿಕ್ಕದೆ ಹೊಸು . 21. ಆಕಾಶತಿಂಡು ಮನುಷ್ಯರ ಮೇನಿ ಅನೆ ಕೆಲ್ಲು ಸುರ್ಜಿಸು; ವಂಡೋ೦ಡು ಕೆಲ್ಲು ಹೆಚ್ಚು ಕಡಿಮೆ ನಾಲು ಮಣ ತೂಕ ಇಂಚು ;ಆ ಆನೆ ಕೆಲ್ಲುಗ ಉಪದ್ರವ ಶ್ಯನ ಬೇರ್ ದಯಿಂದತಿಂಡು ಮನುಷ್ಯರು ದೌರ್ನ ದೂಷಿಸ್ನು.