¹ 1. ಪರಲೋಕತ್ಕುರು ಬೇರ್ ದಯಿಕ್ರ ಇನೊಂಡು ಗುರುತು ನಾನು ಪಾತೆ .ಓಗು ಮಂದಿ ದೂತರ್ಕುರು ಓಗು ಕಡೆಉಪದ್ರವ ಇಂಚು ;ಯೆಂತುಗು ಇಂಡೆಕೆ ಅತ್ಕುರು ದೌರ್ತ ರೌದ್ರ (ಕೋಪ ) ಮೆತಿಂಚು . ² 1. ನೆರ್ಪುಕುರು ಬೇರ್ತಿಕ್ರ ಗಾಜಿನ ಸಮುದ್ರ ಕನ್ನಿ ನಂಕು ಕಂಡುಸು ;ಅಪೋದು ಮ್ರುಗತ್ತ್ ಮೇನಿ ಅತ್ರ ವಿಗ್ರಹಾತ್ ಮೇನಿ ಅತ್ರ ಮುದ್ರೆ ಮೇನಿ ಆತ್ರ ಪೆರ್ ಸಂಖೆ ಮೇನಿ ಜಯ ಹೊಂದಿಕ್ರಗ್ಯ ದೌರ್ತ ವೀಣೆನ ಪುಡ್ ಸ್ ಕೊಂಡು ಗಾಜಿತ ಸಮುದ್ರ ಮೇನಿ ನಿಡ್ರಿಕ್ರಾತ ^{3 4} 3. ಅಲ್ ಟ ದೌರ್ ಸೇವಾಕ ಮೋಶೆ ಪತ್ನ ಕುರಿಮರಿಯಾದತನ ಪತ್ನ ಪಡ್ತ ಸರ್ವ ಶಕ್ತನಾಯಿಕ್ರ ದೌರ್ ಆಯಿಕ್ರ ಕರ್ತನೆ .ನಿಟ್ಟು ಕ್ರಿಯೆಗ ಮಹತ್ತದದು ಆಶ್ಚರ್ಯಕರವಾನದು ಆಯಿದು ;ಪರಿಶುದ್ದರ ಅರಸನೇ ,ನಿಟ್ಟು ಮಾರ್ಗ ನ್ಯಾಯವು ಸತ್ಯವು ಆಯಿದು . 4. ಓ ಕರ್ತನೆ ,ನಿಂಕು ಭಯಪಡ್ ದೆಯಿಕ್ರಗ್ಯ ನಿಟ್ಟು ಪೆರ್ನ ಮಹಿಮೆ ಪಡ್ಸ್ ದೇ ಇಕ್ರಗ್ಯ ಎದಿನು ?ಎಂತುಗು ಇಂಡೆಕೆ ನಿನೊಂಡೆ ಪರಿಶುದ್ದನು ;ನಿಟ್ಟು ತೀರ್ಪು ಪ್ರಕಟವಯಿಕ್ರತಿಂಡು ಆದಿ ಜನಾಂಗ ವಂದು ನಿಟ್ಟು ಸನ್ನಿದಿಕುರು ಆರಾದಿಸಾಕ್ನು ಇಂಡು ಸೋನುಸ್ನು. ^{5 6} 5. ಇದಾದಿ ಅನ್ ಬೇಸಲಿ ನಾನು ಪಾತಪೋದು ಇಗೋ ,ಪರಲೋಕತ್ಕುರು ಸಾಕ್ಷಿಯ ಬಿಡರ್ತ ಆಲಯ ವಗಿಂಚು . 6. ಅತ್ಕುರು ಓಗು ಉಪದ್ರವನ ಕೈಕುರು ಪುಡ್ ಸಿಕ್ರ ಆ ಓಗು ಮಂದಿ ದೌರ್ ದೂತರು ವಂಚ್ನು ;ಆಗ್ಯ ಪ್ರಕಾಶ ನಿರ್ಮಾಲ ಆನ ನಾರು ಮಡಿನ ಹೊಟ್ ಗೊಂಡಿನ್ಚ್ ನು ;ತಗ್ಟ ಎದೇಕಿ ಚಿನ್ನುತ ಪಟ್ಟಿನ ಕಟ್ ಗೊಂಡಿನ್ಚುನು. ^{7 8} 7. ನಾಲು ಜೀವಿಕುರು ವಂಡು ಈ ಓಗು ಮಂದಿ ದೌರ್ ದೂತರ್ಕು ಯುಗಯುಗಂತಾರ ಜೀವಿಸ್ರ ದೌರ್ತ ರೌದ್ರ (ಕೋಪ)ತಿಂಡು ಮೆತಿಂದ ಓಗು ಚಿನ್ನತ ಪಾತ್ರೆ (ಡಬ್ರಿ ) ಕುಡ್ ತಿಂಚು . 8. ದೌರ್ ತೇಜಸಾನ್ನಿದ್ಯ ತಿಂಡು ಆತ್ರ ಶಕ್ತಿಯಿಂಡು ಉಂಟಾನ ಪಗ್ಗ ಪವಿತ್ರಾ ಸ್ಥಾನನ ಮೆತೊಯಿಂದ ತಿಂಡು ಓಗು ಮಂದಿ ದೂತರ್ಕು ದೌರ್ ದೂತರ ಕೈಕುರು ಇಂದ ಓಗು ಉಪದ್ರವ ತೀರ್ ತಂಕ ಆ ಪವಿತ್ರಾ ಸ್ಥಾಳತ ಉಳೀಕಿ ಹೋಗುರ್ಕು ಎತಿಂಡು ಆಗುಲ್ಲ.