^{1 2} 1. ಅಪೋದು ಇಗೋ ,ಕುರಿಮಾರಿಯಾದಾತನು ಚಿಯೋನ್ ಪರ್ವತ ಮೇನಿ ನಿಡ್ರಿಕ್ರತ ಪತ್ತೆ .ಅತೆಂಟ್ಟಿ ವಂಡು ಲಕ್ಷ ನಡ್ ಕಪತು ನಾಲು ಸಾವಿರ ಮಂದಿಗ್ಯ ಇಂಚುನು ;ಅಲ್ ಟ ಹಣೆ ಮೆಂಕು ಅತ್ರ ಅವ್ವತ ಪೇರು ವರ್ಜಿಂಚು. 2. ಇದಲ್ಲದೆ ಪರಲೋಕತಿಂಡು ಶ್ಯಾನ ತನ್ನಿ ಕನ್ನಿ ಮಹಾ ಗುಡುಗು ಕನ್ನಿ ಇಂದ ಶಬ್ದ ನ ನಾನು ಕೊಟೆ .ತಗ್ಟ ವೀಣೆನ ಬಾರಿಸ್ತ ಇಂದ ವೀಣೆಗಾರರ ಸ್ವರನ ನಾನು ಕೊಟೆ ^{3 4 5} 3. ಆಗ್ಯ ಸಿಂಹಾಸನಮುಂಕು ಆ ನಾಲು ಜೀವಿಗ್ಯ ಹಿರಿಯರ ಮುಂಕು ಪುದಿ ಪತ್ ಕನಿಯಿಂದ ಪತ್ ನ ಆಗ್ಯ ಪಡುಸ್ನು .ಭೂಲೋಕತ್ಕುರು ವಿಮೊಚಿಸಲ್ಪಟ ಆ ಲಕ್ಷತ ನಡ್ರ ಕಪತು ನಾಲು ಸಾವಿರ ಜನರು (ಮಂದಿಗ್ಯ )ಉಟೆಕೆ ಬೇರೆ ಎದು ಆ ಪತ್ನ ಕೆಕುದುಲ್ನು . 4. ಪಂಲಾಲೆಂಟ್ಟಿ ಮಲಿನ ಆಯಿಕ್ರಗ್ಯ ಇಗ್ಲೆ .ಯೆಂತಿಗಿಂಡೆಕೆ ಈಗ್ಯ ಕನ್ನಿಕೆಗ್ಯ .ಕುರಿಯಾದಾತನು ಎಟ್ಗು ಹೋನೆಕು ಅತ್ರ ಪಾರ್ಕು ಹೊಗ್ರಗ್ಯ ಈಗ್ಲೇ ದೌರ್ ಕುರಿಯಾದತನ ಪ್ರಥಮ ಫಲವಾಯಿಕ್ರ ವಯಿಕ್ರಗ್ಲು ಈಗ್ಲೇ ಈಗ್ಯ ಮನುಷ್ಯರುಲಿಂಡು ವಿಮೊಚಿಸಲ್ಪಟ್ಟಗ್ಯ . 5. ಇಲ್ಟ ವಾಯಿ ವಂಚನೆಕು ಸಿಕುಲ್ಲ ;ಎಂತುಗು ಇಂಡೆಕೆ ಈಗ್ಯ ದೌರ್ ತ ಸಿಂಹಾಸನ ಮುಂಕು ನಿರ್ದೋಷಿ ಆಯಿನು. ^{6 7} 6. ಭೂಮಿಕುರು ವಾಸಿಸ್ರ ಪ್ರತಿಯೊಂಡು ಜನಾಂಗತ್ಗು ಕುಲ್ತಾಲ್ಕಿ ಭಾಷೆತಲ್ಕಿ ಸಾರುರ್ಕು ನಿತ್ಯ ವಾನ ಸುವಾರ್ತೆ ಇದ್ದ ಇನೊಂಡು ದೂತನು ಆಕಾಶ್ ಮದ್ಯಾಯತ್ಕುರು ಪರ್ದೆಗ್ರತ ನಾನು ಪತ್ತೆ . 7. ಅದು ದೌರ್ಕು ಭಯ ಪಟ್ಟು ಅತ್ನ ಘನ ಪಡ್ಸಾಂಗೋ ;ಎಂತುಗು ಇಂಡೆಕೆ ಅದು ನ್ಯಾಯತಿರ್ಪು ಸೈರ ಸಮಯ ವಂಚು ;ಪರಲೋಕನ್ನ ಭೂಲೋಕನ ಸಮುದ್ರ ತನ್ನಿ ಬುಗ್ಗೆಗ ಉಂಟು ಸೈದಾತೆಯ ಆರಾದನೇ ಸೈಯಾಂಗೋ ಇಂಡು ಮಹಾ ದನಿ ಯಿಂಡು ಸೋನ್ಸು. ⁸ 8. ಅತ್ರ ಪರ್ಕು ಇನೊಂಡು ದೂತನು ವಂದು –ಬಾಬೇಲ್ ಇಗ್ರ ಮಹಾ ನಗರಿ ಬುಗ್ಜು, ಬುಗ್ಜು ;ಎಂತುಗು ಇಂಡೆಕೆ ಅದು ತಟ್ಟ ಜಾರತ್ವ ಇಗ್ರ ಕೊಪತ ದ್ರಾಕ್ಷ ರಸನ ಸಕಲ ಜನಾಂಗ ತಗ್ಯ ಕುಡ್ ಕಿರ್ಕನ್ನಿ ಸೆಂಚು ಇಂಡು ಸೋನ್ಸು . ^{9 10} 9. ಮುಡ್ ದೂತನು ಅಲ್ ನತೆಯ ಹಿಂಬಾಲಿಸಿ –ಎದಾನ ಮೃಗನ ಅತ್ರ ವಿಗ್ರಹನ ಆರಾದಿಸಿ ತಗ್ಟ ಹಣೆ ಮೆಂಕು ತಗ್ಟ ಕೈ ಮೇನಗೊಟ್ಟು ಅತ್ರ ಗುರುತು ಹೊಟ್ಗೊಂಡಿಂದೇಕೆ 10. ಅಂಥಲ್ನ ದೌರ್ ಕೋಪ ಇಗ್ರ ಕೋಪ ಇಗ್ರ ಪಾತ್ರೆ (ಡಬ್ರಿ ) ಕುರು ಎಂತು ಬೇರ್ ಸುದೇ ಇಂದ ಅತ್ರ ರೌದ್ರ ಇಗ್ರ ದ್ರಾಕ್ಷರಸನ ಕುಡ್ ಕ್ಯಕು .ಪರಿಶುದ್ದರ ದೂತರ ಮುಂಕು ಕುರಿಯಾದತನ ಮುಂಕು ನೆರ್ಪಿಂಡು ಗಂಧಕತಿಂಡು ಯಾತನೆ ಪಡಾಕ್ ನು. ^{11 12} 11. ಅಲ್ ಟ ಯಾತನೆ ಪಗ ಯುಗಯುಗಾಂತರತ್ಕುರು ಏರಕು .ಆ ಮೃಗತ್ಗು ಅತ್ರ ವಿಗ್ರಹತ್ಗು ಆರಾದನೇ ಸೇಂದಗ್ಯ ಅತ್ರ ಪೆರ್ತ ಗುರ್ತ ಒಟ್ ಗೊಂಡಿಂದಗ್ಯ ಪಗ್ಮರ್ಕು ನಾಮರ್ಕು ವಿಶ್ರಾಂತಿ ಇಲ್ಲದೆ ಇಕಕ್ನು ಇಂಡು ಸೋಂಡ್ರ ಮಹಾ ದನಿ ಕೊಟೆ. 12. ದೌರ್ತ ಆಜ್ಞೆನ ಯೇಸು ಮೇನಿಕ್ರ ನಂಬಿಕೆನ ಕಾಪಾಡುರ ಪರಿಶುದ್ದರ ತಾಳ್ಮೆ ಇತ್ಕುರು ಇಕಾಕು. ¹³ 13. ಪರಲೋಕತಿಂಡು ವಂದ ವಂಡು ಶಬ್ದನ ನಾನು ಕೊಟೆ .ಅದು ಇಮಾನಿಂಡು ಕರ್ತನ್ಕುರು ಯೇದೆದು ಸಕ್ನೋ ಅಂಗು ಸತ್ತಗ್ಯ ಧನ್ಯರು ವಾರೀ ಇಂಡು ನಂಕು ಸೋನುಸು .ಅಮ್ ಬೊ ಆಗ್ಯ ತಗ್ಟ ಪ್ರಯಾಸತಿಂಡು ವಿಶ್ರಮಿಸಗ್ಯಕ್ನು ,ಅಲ್ ತ ಕ್ರಿಯೆ ಅಲ್ ನಾತೆಯ ಹಂಬಾಲಿಸಾಕು. ^{14 15 16} 14. ಅಪೋದು ವಂಡು ವಲ ಮೇಘನ ಆ ಮೇಘ ಮನುಷ್ಯ ಕುಮಾರ ಕನ್ನಿ ಇಂದ ವಂಡು ಉಕೊಂಡಿಂದತ ನಾನು ಪತೇ ;ಅತ್ರ ತಲೈ ಮೇನಿ ಬಂಗಾರ ಕಿರೀಟ ಇಂಚು ;ಅತ್ರ ಕೈ ಕುರು ಹದವಾನ ಕುಡುಗೋಲು ಇಂಚು . 15. ಅಪೋದು ಇನೊಂಡು ದೂತ ಆಲಯತ್ಕುರು ವಂದು ಮೇಘತ ಮೇನಿ ಉಕೊಂಡಿಂದತ್ಕು –ನಿಂಕು ಅರ್ ಕುರ ಕಾಲ ವಂದಿದು ಇಂಡು ನಿಟ್ಟು ಕುಡುಗೋಲನ ಹೋಟು ಹರು ;ಎಂತುಗು ಇಂಡೆಕೆ ಭೂಮಿತ ಪೈರು ಮಾಗಿದು ಇಗ್ರ ಮಹಾ ದನಿತಿಂಡು ವದ್ರುಸು . 16. ಮೋಡ್ ಮೇನಿ ಉಕೊಂಡಿಂದಾದು ತಟ್ಟು ಕುಡುಗೋಲ್ನ ಭೂಮಿ ಮೆಂಕು ಹೊಟ್ಸು .ಅಪೋದು ಭೂಮಿಯ ಪೈರು ಹರ್ ಕನ್ನಿ ಹಾಸು . ^{17 18} 17. ಇನ್ನೊಂಡು ದೂತನು ಪರಲೋಕತ್ಕುರು ಇಕ್ರ ದೌರ್ ಆಲಯತಿಂಡು ವಂಚು ;ಅತಂಚುಲಿ ಹದವಾಯಿಂದ ಕುಡುಗೋಲು ಇಂಚು 18. ನೆರ್ಪು ಮೇನಿ ಅಧಿಕಾರ ಇಂದ ಇನ್ನೊಂಡು ದೂತನು ಯಜ್ಞವೇದಿ ಇಂಡು ವಂದು ಆ ಹದವಾನ ಕುಡುಗೋಲು ಇಕ್ರತ್ಗು –ನಿಟ್ಟು ಹದವಾನ ಕುಡುಗೋಲ್ನ ಹೋಟ ಭೂಮಿತ ದ್ರಾಕ್ಷರಸನ ಕುಡ್ಸು ; ಎಂತುಗು ಇಂಡೆಕೆ ಆತ್ರ ಪಂಗು ಆದಿ ಮಾಗಿದು ಇಗ್ರ ಮಹಾ ಶಬ್ದ ಕೊಟ್ಸು. ^{19 20} 19. ಅಪೋದು ಆ ದೂತನು ತಟ್ಟು ಕುಡುಗೋಲ್ನ ಭೂಮಿಕಿ ಹೋಟು ಭೂಮಿಟ ದ್ರಾಕ್ಷ ಪಂಗ್ನ ಕೊಡ್ಸು ದೌರ್ತ ರೌದ್ರತ ಬೇರ್ ಕೋಪ ದ್ರಾಕ್ಷ ತೊಟ್ಟಿಕಿ ಹೋಟ್ಸು . 20. ಆ ದ್ರಾಕ್ಷತ ತೊಟ್ಟಿನ ಪಟ್ಟಣತ ಬೈಲ್ಕಿ ಹೋಟು ಮಿಚುಸ್ನು .ಆ ತೊಟ್ಟಿಕುರು ಇಂದ ರಘು ಕುದ್ರತ ಕಡಿವಾಣನ ಮುಟ್ಟುರಷ್ಟು ರಂಡುನೂರು ಮೈಲಿ ತೂರು ಹರ್ ಸು.